18-Nov-2020

 ସମ୍ବଲପୁର, (ସଂଜୀବ କୁମାର ପାଣିଗ୍ରାହୀ) - ଆଉ ଦୁଇ ଦିନ ପରେ ସୂର୍ଯ୍ୟ ଦେବତାଙ୍କ ଉପାସନା ର ମୁଖ୍ୟ ପର୍ବ ଛଟ୍ ପୂଜା । ବିହାର, ଝାରଖଣ୍ଡ, ଉତ୍ତର ପ୍ରଦେଶ ର କୋଟି କୋଟି ଲୋକଙ୍କର ଏହା ଆସ୍ଥା ବିଶ୍ୱାସ ର ଏହା ଏକ ମୁଖ୍ୟ ପୂଜା । ଦେଶ ଭିତରେ ଓ ଦେଶ ବାହାରେ ଯିଏ ଯେଉଁଠି ଥିଲେ ବି ବହୁ ନୀତି ନିୟମ ଓ ଆଡମ୍ବର ସହକାରେ ଶ୍ରଦ୍ଧାଳୁମାନେ କରିଥାନ୍ତି ଏହି ପୂଜା । ନିଜ ଅଞ୍ଚଳରେ ରହିଥିବା ସମୁଦ୍ର, ନଦୀ, ନାଳ, କେନାଲ, ପୋଖରୀ ର ଜଳ ରେ ପ୍ରବେଶ କରି ଜଳ ମଧ୍ୟରେ ରହି ସୂର୍ଯ୍ୟ ଦେବତା ଙ୍କୁ ଜଳାର୍ଘ୍ୟ ସହିତ ଧୂପ ଦୀପ ନୈବେଦ୍ୟ ପ୍ରଦାନ କରି ପାଳନ କରିଥାନ୍ତି ଏହି ପୂଜା । କିନ୍ତୁ ଚଳିତ ବର୍ଷ କୋଭିଡ କଟକଣା ଲାଗୁ ରହିଥିବାରୁ ଏହି ପୂଜା କୁ ଘରେ ରହି ପାଳନ କରିବାକୁ ରହିଛି ସରକାରୀ ନିର୍ଦ୍ଦେଶ । 
         ଗତ କିଛି ଦିନ ପୂର୍ବେ ଛଟ୍ ପୂଜାରେ କୋଭିଡ କଟକଣା କୁ କିଛି ମାତ୍ରାରେ କୋହଳ ପାଇଁ ସମ୍ବଲପୁରର ଛଟ୍ ପୂଜା ମିଳିତ କ୍ରିୟାନୁଷ୍ଠାନ କମିଟି ତରଫରୁ ସରକାର ଙ୍କୁ ଏକ ଦାବିପତ୍ର ପ୍ରଦାନ କରାଯାଇଥିଲା । କିନ୍ତୁ ସରକାରଙ୍କ ତରଫରୁ କୌଣସି ପଦକ୍ଷେପ ଗ୍ରହଣ କରାନଯିବାରୁ ଆଜି ପୁଣି କ୍ରିୟାନୁଷ୍ଠାନ କମିଟିର ପଦାଧିକାରୀ ଓ ସଦସ୍ୟ ଗଣ ସମ୍ବଲପୁର ଜିଲ୍ଲା ପ୍ରଶାସନ ଙ୍କୁ ସାକ୍ଷାତ କରିଛନ୍ତି ।
          ସମ୍ବଲପୁର ବିଜେପି ଜିଲ୍ଲା ସଭାପତି *ଶ୍ରୀଯୁକ୍ତ ଗିରିଶ ପଟେଲ* ଙ୍କ ନେତୃତ୍ୱରେ ସମ୍ବଲପୁର ଛଟ୍ ପୂଜା ମିଳିତ କ୍ରିୟାନୁଷ୍ଠାନ କମିଟିର ପଦାଧିକାରୀମନେ ସମ୍ବଲପୁର ଉପଖଣ୍ଡିୟ ମାଜିଷ୍ଟ୍ରେଟ ଙ୍କୁ ସାକ୍ଷାତ କରିଥିଲେ । ପୋଲିସ ଉପସ୍ଥିତି ରେ କୋଭିଡ ନିୟମ ପାଳନ କରି ଘାଟରେ ହିଁ ସୂର୍ଯ୍ୟ ଦେବତାଙ୍କୁ ଜଳାର୍ଘ୍ୟ ପ୍ରଦାନ କରିବାକୁ ଓ ପୂଜା ଅର୍ଚନା କରିବାକୁ ଅନୁମତି ଦେବା ପାଇଁ ପାଇଁ ଅନୁରୋଧ କରିଥିଲେ । କିନ୍ତୁ ଉପଖଣ୍ଡିୟ ମାଜିଷ୍ଟ୍ରେଟ ରାଜ୍ୟ ସରକାରଙ୍କ ଦ୍ୱାରା ଜାରି କରାଯାଇଥିବା ସର୍ତ୍ତାବଳି ଓ ନିୟମାବଳୀ ଅନୁସାରେ ଘରେ ରହି ହିଁ ପୂଜାର୍ଚନା ହୋଇପାରିବ ବୋଲି ସୂଚନା ଦେଇଥିଲେ । 
      ସମ୍ବଲପୁର ଛଟ୍ ପୂଜା ମିଳିତ କ୍ରିୟାନୁଷ୍ଠାନ କମିଟି ତରଫରୁ ଲରପଙ୍କ ବିହାରୀପଡା ର ଶିବଲାଲ ସାହାଣୀ* ନାଲେଶ୍ୱର ଧାମ ବରେଇପାଲି ର ମଙ୍ଗଳ ଚୌଧୁରୀ* ଚନ୍ଦନନଗର ମନ୍ଦଲିଆ ପୂଜା କମିଟି ର  ମୁନ୍ନା ତିୱାରୀ ଓ ଶିବଶମ୍ଭୁ ୟାଦବ କ୍ଷେତ୍ରଜପୁର କ୍ରିଷ୍ଣାନଗର ପୂଜା କମିଟି ର ମନୋଜ ସିଂ, ବିଜେପି କ୍ଷେତ୍ରୀୟ ଗଣମାଧ୍ୟୟମ ସଂଯୋଜକ ମାନସ ରଞ୍ଜନ ବକ୍ସି ସକ୍ରିୟ ସଦସ୍ୟ ଶିବ ଦିୱାନ, ନିଳାମ୍ବର ସିକନ୍ଦର, ସନ୍ତୋଷ ସାହୁ ପ୍ରମୁଖ ଉପସ୍ଥିତ ଥିଲେ ।