04-Apr-2022

ସୁବର୍ଣ୍ଣପୁର/  ସ୍ଥାନୀୟ  କୃଷିବିଜ୍ଞାନ କେନ୍ଦ୍ର ସମ୍ମିଳନୀ କକ୍ଷ ଠାରେ ଜିଲ୍ଲା ଯାଦବ ମହାସଭା ପକ୍ଷରୁ ଏକ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି ।  ଏହି ଅବସରରେ ନିକଟ ଅତିତରେ ଜିଲ୍ଲାରେ ହୋଇଥିବା  ତ୍ରିସ୍ତରିୟ ପଚାଂୟତ ଓ ପୌର ନିର୍ବାଚନରେ ଯାଦବ ସମାଜର ସମସ୍ତ ନବନିର୍ବାଚିତ ଜନପ୍ରତିନିଧି ମାନଙ୍କୁ ନେଇ ଏକ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ଏଥିରେ ସୁବର୍ଣ୍ଣପୁରଜିଲ୍ଲା ଯାଦବ ମହାସଭାର ଜିଲ୍ଲାସଭାପତି ତପନ କୁମାର ଯୁଆଡି ଙ୍କ ସଭାପତିତ୍ୱରେ ନବ ନିର୍ବାଚିତ ସୁର୍ବର୍ଣ୍ଣପୁର ଜିଲ୍ଲାର ଜିଲ୍ଲାପରିଷଦ ଅଧ୍ୟକ୍ଷା ସୁପାର ଠେଲା, ଡୁଙ୍ଗୁରିପାଲି ବ୍ଲକରସଭାପତି ଶତୃଘ୍ନ ବଗର୍ତି, ବିନିକା ବ୍ଲକର ସଭାପତି ଶିତଲ ମହାକୁର ,ଉଲୁଣ୍ଡା ବ୍ଲକର ସଭାପତି ଶରତଚନ୍ଦ୍ର ଥପା, ତରଭା ବ୍ଲକର ସଭାପତି ବସନ୍ତ ମନହିରା, ସୋନପୁର ବ୍ଲକର ସଭାପତି ବିରଂଚି ନାରାୟଣ ଷାଣ୍ଢ , ବିରମହାରାଜପୁର ବ୍ଲକର ସଭାପତି ବଳରାମ କାଣ୍ଡ, ଯୁୁବଯାଦବ ସଭାପତି ସୁରେଶ ଷାଣ୍ଢ, ସୋନପୁର ପୌରପରିଷଦ ସଭାପତି ପ୍ରଫୁଲ୍ଲ ନାଏକ ପ୍ରମୁଖଯୋଗଦେଇ ଜିଲ୍ଲା ଯାଦବ ସମାଜର ନବନିର୍ବାଚିତ ଶତାଧିକ ଜନପ୍ରତିନିଧି ମାନଙ୍କୁ ପୁଷ୍ପମାଲ୍ୟ ଅର୍ପଣକରି ଉପଢୌକନଦେଇ ସମ୍ବର୍ଦ୍ଧନା

ଦେବାସହ ଅଭିନନ୍ଦନ ଜଣାଇଥିଲେ । ଏହିଅବସରରେ ସୁବର୍ଣ୍ଣପୁର ଜିଲ୍ଲାର ପ୍ରାୟ ଆଠଶହରୁ ଉର୍ଦ୍ଧ୍ୱ ଯାଦବ ପରିବାର ଯୋଗଦେଇଥିବା ବେଳେ ଶତାଧିକ ନବନିର୍ବାଚିତ ଜନପ୍ରତିନିଧି ଯୋଗଦେଇ ଜିଲ୍ଲା ଯାଦବ ସମାଜର ଉନ୍ନତି କାମନା କରିଥିବାବେଲେ ଆଗାମିଦିନରେ ଜିଲ୍ଲା ଯାଦବ ସମାଜକୁ ସୁଦୃଢ ଓ ସଙ୍ଗଠିତକରି ସୁବର୍ଣ୍ଣପୁର ଜିଲ୍ଲାକୁ ଜାତିୟସ୍ତରରେ ପରିଚିତ କରିବାପାଇଁ ସଂକଳ୍ପ କରିଥିଲେ । ଆୟୋଜିତ ସମ୍ବର୍ଦ୍ଧନା ଉତ୍ସବକୁ ବିନିକା ବ୍ଲକ ସମ୍ପାଦକ ବୃନ୍ଦାବନ ଦୀପ ପରିଚାଳନାକରିଥିବା ବେଳେ ଜିଲ୍ଲା ଯାଦବ ମହାସଭାର ସମ୍ପାଦକ ପିତବାସ ଭୋଇ ଧନ୍ୟବାଦ ଦେଇଥିଲେ । ଅନ୍ୟମାନଙ୍କମଧ୍ୟରେ ଜିଲ୍ଲା ଯାଦବ ସମାଜର ଉପଦେଷ୍ଟା ମନବୋଧ ଭୋଇ, କୋଷାଧ୍ୟକ୍ଷ ଅଭିମନ୍ୟୁ ବଗର୍ତି ପ୍ରକାଶ ହାତି, ଗଣପତିବାଘ, କୃଷ୍ଣ ଚନ୍ଦ୍ର ବାଘ, ଗୌରୀଶ୍ୟାମ ବାଘ, ଚିତରଞ୍ଜନ ଭୋଇ, କୈଳାସ ଯୁଆଡି ପ୍ରମୁଖ ସକ୍ରିୟ ସଦସ୍ୟ ମାନେ ଯୋଗଦେଇଥିଲେ ।