03-Apr-2022

ସୁବର୍ଣ୍ଣପୁର ସୁବର୍ଣ୍ଣପୁର ଜ଼ିଲ୍ଲା ତରଭା ଥାନା ପରିସରରେ  ଜ଼ିଲ୍ଲା 'ଆମ ପୋଲିସ' ପକ୍ଷରୁ ଗତ କାଲି ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି I 
ସୁବର୍ଣ୍ଣପୁର ଏସ-ପି ଶ୍ରୀ ଅମରେଶ ପଣ୍ଡା ରକ୍ତଦାନ ଶିବିର ର ଶୁଭ ଉଦଘାଟନ କରି ଓଡିଶା ସରକାର ଙ୍କ ପ୍ରୟାସ କ୍ରମେ 

ଆମ ପୋଲିସ ବ୍ୟବସ୍ଥା ମାଧ୍ୟମରେ ତିନି ବର୍ଷ ପୂର୍ବରୁ ଏ ଅଭିଯାନ ଆରମ୍ଭ ହୋଇଥିବା ମତ ରଖି  ମୁଖ୍ୟତଃ  ରକ୍ତ ର ଅଭାବ ଦୂର କରିବା ଓ ସାଧାରଣ ଜନତା ଙ୍କ ସହ ସୁ -ସମ୍ପର୍କ ଯୋଡିବା  ଲକ୍ଷ୍ୟ ନେଇ  ଆମ ପୋଲିସ ବ୍ୟବସ୍ଥା ମାଧ୍ୟମରେ ଏହା ଆରମ୍ଭ କରାଯାଇଛି l ଯାହାକି ସ୍ବେଛାସେବୀ ଓ ବିଭିନ୍ନ ସଂଗଠନ  ର ସହାୟତା ରେ ସଫଳ ହୋଇଛି ବୋଲି  ଶ୍ରୀ ପଣ୍ଡା କହିଥିଲେ l ଏବଂ ଆଗାମୀ  ଦିନ ରେ ଜ଼ିଲ୍ଲା ର ପ୍ରତ୍ୟେକ ଥାନା ଓ ଫାଣ୍ଡି ରେ ପର୍ଯ୍ୟାୟ କ୍ରମେ ଏହି ଶିବିର ଆୟୋଜନ କରାଯିବ ବୋଲି କହିଥିଲେ l ଗତ କାଲି ର ଏହି ଶିବିରରେ ମୋଟ ୧୨୧ ୟୁନିଟ ରକ୍ତ ସଂଗ୍ରହ କରାଯାଇ ଜ଼ିଲ୍ଲା ରେ ତରଭା ଥାନା ପ୍ରଥମ ରେକର୍ଡ ସୃଷ୍ଟି କରିଛି l ଏହି ରକ୍ତଦାନ ଶିବିରରେ ତରଭା ଡ୍ରାଇଭର ସଂଘ, ମାରୱାଡି ଯୁବା ମଞ୍ଚ, ମାହେଶ୍ୱରୀ ସେବା ସଙ୍ଗଠନ, ସାଇ ଫାଉଣ୍ଡେସନ, ମର୍ନିଙ୍ଗ ୱାକର୍ସ କ୍ଳବ, ଫୁଟବଲ ଟିମ, ଆଇ ସି ଡ଼ି ଏସ ମହିଳା  କର୍ମଚାରୀ, ସାହାରା ଇଣ୍ଡିଆ, ପୋଲିସ କର୍ମଚାରୀ, ତରଭା ବ୍ଲକ ଓ ଏନଏସି ଅଞ୍ଚଳର ଅନେକ ସାମାଜିକ ଅନୁଷ୍ଠାନ ଏବଂ ସ୍ବେଛାକୃତ ରକ୍ତଦାତା ସାମିଲ ହୋଇ ରକ୍ତଦାନ କରିଥିଲେ I ତରଭା ଥାନା ଆଇ ଆଇ ସି ସୁବ୍ରତ କୁମାର ପାଣିଗ୍ରାହୀଙ୍କ ସଂଯୋଜନା ରେ ଏହି ଶିବିର  ଅନୁଷ୍ଠିତ ହୋଇଥିବା ବେଳେ ପୋଲିସ ଆର ଆଇ ପ୍ରଦ୍ୟୁମ୍ନ କୁମାର ପଟେଲ ଙ୍କ ତତ୍ୱାବଧାନ ରେ ଓ ରକ୍ତ ଦାତା ସଂଘ ର  ସହଯୋଗ ରେ ଏହି ଶିବିର ଆୟୋଜନ କରାଯାଇଥିଲା l ସେହିପରି ଜ଼ିଲ୍ଲା ପୋଲିସ ପ୍ରତିଷ୍ଠା ଦିବସ ରେ ସୁବର୍ଣ୍ଣପୁର ନିଉ ରିଜର୍ଭ ଅଫିସ ଠାରେ ମଧ୍ୟ  ଏକ ରକ୍ତ ଦାନ ଶିବିର ଓ  ଏକ ଜିମ ସେଣ୍ଟର କୁ ଏସପି ଶ୍ରୀ ପଣ୍ଡା, ଏଡିଏମ ସୂର୍ଯ୍ୟ ନାରାୟଣ ଦାଶ ଙ୍କ ଦ୍ୱାରା ଉଦଘାଟନ ହୋଇଥିଲା l ଏଥିରେ ସମୁଦାୟ  52 ୟୁନିଟ ରକ୍ତ ସଂଗ୍ରହ ହୋଇଥିଲା l ପୋଲିସ ଆର ଆଇ ଶ୍ରୀ ପଟେଲ, କଲେଷ୍ଟ ବଲ ସଂଘ ସଭାପତି କୁମୁଦ ସାହୁ, ସମ୍ପାଦକ ସୁଦାଂସୁ ମେଣ୍ଡଳୀ, ମାରୱାଡି ଯୁବା ମଞ୍ଚର ଉଦ୍ୟୋକ୍ତl ବିକାଶ ଅଗ୍ରୱାଲ, ଖାରି ସମ୍ବାଦ ପ୍ରତିନିଧି, କେଶରିଆ ହିନ୍ଦୁ ବାହିନୀ ଜ଼ିଲ୍ଲା ସଭାପତି ବ୍ୟାସ ମିଶ୍ର,

ଜ଼ିଲ୍ଲା କେମିଷ୍ଟ ଡ୍ରଗିଷ୍ଟ ସଂଘ ର ସୁଭାଷ ପଣ୍ଡା, ସ୍ୱଚ୍ଛ ଭାରତ ସଂଘ ସଦସ୍ୟ ନାରାୟଣ ରଥ, ମlହେଶ୍ୱରୀ ସଂଘ ର  ସଭାପତି ଅଙ୍କୁଶ  ପାଣ୍ଡିଆ,ଙ୍କ ସମେତ ଉଭୟ ଶିବିର ରେ ସୋନପୁର ତରଭା ଅଂଚଳ ର ବହୁ ଯୁବକ, ବୁଦ୍ଧିଜୀବୀ, 20 ଜଣ ମହିଳା, ଓ ପୋଲିସ କର୍ମଚାରୀ ସାମିଲ ହୋଇ ରକ୍ତ ଦାନ କରିଥିଲେ l ଏସପି  ଶ୍ରୀ ପଣ୍ଡା ଙ୍କ ତତ୍ୱାବଧାନ ରେ ଓ ପ୍ରେରଣା ରେ ଏ ସମସ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l