18-Nov-2020

କଳାହାଣ୍ଡି / କୋକସରା (ତ୍ରିନାଥ ବେଶ୍ରl)କଳାହାଣ୍ଡି ଜିଲ୍ଲା ଧର୍ମଗଡ଼ ଭୀମଖୋଜ ପଡ଼ାର ସୁବୋଧ ନାଏକ ନିଜସ୍ୱ ପ୍ରଚେଷ୍ଟାରେ ଗୋ ଫାର୍ମ ଖୋଲି ଭଲ ରୋଜଗାର କରି ବେଶ ପରିଚିତ ଅଞ୍ଚଳରେ । ନିଜେ ସ୍ୱାବଲମ୍ବୀ ହେବାସହ ରୋଜଗାର ଦେଇଛନ୍ତି ଆଉ ଦୁଇ ଜଣ ଯୁବକ କୁ । ସରକାର ଯୁବକ ମାନଙ୍କୁ ଆତ୍ମନିର୍ଭର ହେବା ପାଇଁ ଇଜ ଅଫ ବିଜନେସ , ଷ୍ଟାଟ ଅଫ ଇଣ୍ଡିଆ ଆଦି ବିଭିନ୍ନ ଯୋଜନା ମାଧ୍ୟମରେ ପ୍ରୋତ୍ସାହିତ କରିବା ସହ ବ୍ୟାଙ୍କ ଋଣ ପ୍ରଦାନ କରୁଥିବାବେଳେ ଏହି ଯୁବକଙ୍କୁ ବ୍ୟାଙ୍କ ଋଣ ଦେବାକୁ ମନା କରିଥିଲା । ତଥାପି ନିଜ ପ୍ରଚେଷ୍ଟାରେ ଏକ ଫାର୍ମ ହାଉସ କରି ଗୋପାଲନ କରିବା ସହ ସକ୍ଷମ ହୋଇ ପାରିଛନ୍ତି ।
ଧର୍ମଗଡ଼ ଭୀମଖୋଜପଡା ଘର ଠାରୁ ଦୂର ୧୦କିମି ବୋଡେ଼ନ ରୁ ଘୁମର ଯିବା ରାସ୍ତାରେ ଏକ ଫାର୍ମ ହାଉସ କରିଛନ୍ତି ।ଗୋଟିଏ ଗାଇରୁ ସେ ତାଙ୍କ ବ୍ୟବସାୟ ଆରମ୍ଭ କରିଥିଲେ ଏବେ ସେ ୧୨ଟି ଗାଈ ରଖିଛନ୍ତି ।ଏହି ୧୨ଟି ଗାଈ ରୁ ଉତ୍ପାଦିତ କ୍ଷୀରରେ ଦିନକୁ ପ୍ରାୟ ୧୦କେଜି ପନିର ପ୍ରସ୍ତୁତ କରିଥାନ୍ତି ।ଯାହାର ବଜାର ମୂଲ୍ୟ ୩୦୦୦ଟଙ୍କା। ମାସିକ ସେ ପନିର ବିକ୍ରି କରି ୯୦'୦୦୦ ଟଙ୍କା ପାଇଥାନ୍ତି । ଗାଈ ମାନଙ୍କ ଖାଇବା ବାବଦ ଖର୍ଚ୍ଚ କାଟିବା ପରେ ମାସକୁ ତାଙ୍କ ହାତକୁ ୩୦'୦୦୦ ଟଙ୍କା ଆସିଥାଏ ବୋଲି ସୁବୋଧ କହିଛନ୍ତି ।ଗାଈ ମାନଙ୍କ ପାଇଁ ପାଳନଡ଼ା ସହ ଭେଟନାରୀ ଅଫିସରୁ ଘାସ ମଞ୍ଜି ଆଣି ସେ ଘାସ ଚାଷ କରି ଗାଈମାନଙ୍କୁ ଖାଇବାକୁ ଦେଇଥାନ୍ତି ।ଏହାସହ ଏକ ପୋଖରୀ ଖୋଲି ଆଗକୁ ମାଛ ଚାଷ କରିବା ପାଇଁ ଯୋଜନା କରିଥିବା କହିଛନ୍ତି l
ଯଦି ସରକାର ଙ୍କ ତରଫରୁ କିଛି ସୁବିଧା ସୁଯୋଗ ମିଳିଲେ ଆହୁରି ଅଧିକ ଉତ୍ପାଦନ କରି ପାରିବି ବୋଲି ପ୍ରକାଶ କରିଛନ୍ତି ସୁବୋଧ ନାଏକ ।
ତେଣୁ ସରକାର କିମ୍ବା ସ୍ଥାନୀୟ ପ୍ରଶାସନ ସୁବୋଧଙ୍କ ପ୍ରତି ଦୃଷ୍ଟି ଦେଇ ସୁବିଧା ସହଯୋଗ କରିବା ପାଇଁ  ନିବେଦନ କରିଛନ୍ତି ।