23-Mar-2022

ବଲାଙ୍ଗୀର(ପ୍ରେରଣା ଖବର) :ଆନ୍ତଃରାଜ୍ୟ ଗାଡ଼ିଚୋର ରାକେଟ୍‌ର ପର୍ଦ୍ଦାଫାଶ କରିଛି ବଲାଙ୍ଗୀର ପୋଲିସ । ବଲାଙ୍ଗୀର ର ବିଭିନ୍ନ ଥାନା ଅଞ୍ଚଳରୁ କାର୍‌,ବୋଲେରୋ ଚୋରି କରି ଆନ୍ଧ୍ରରେ ବିକ୍ରି କରୁଥିଲେ ଏହି ଗ୍ୟାଙ୍ଗ୍‌। ପୋଲିସ ଲୁଟ ଘଟଣାରେ ସମ୍ପୃକ୍ତ ୫ ଜଣ ଲୁଟେରାଙ୍କ ସହ ୫ଜଣ କ୍ରେତାଙ୍କୁ ଗିରଫ କରିଛି । ତାଙ୍କ ନିକଟରୁ ପୋଲିସ ୨୨ଟି ବୋଲେରୋ ଜବତ କରିବା ସହ ୧୫ ଲକ୍ଷ ଟଙ୍କାର ଲୁଟ ସ୍ପେୟାର ପାର୍ଟସ ଜବତ କରାଯାଇଛି ବୋଲି ଖବରଦାତା ସମିଳନୀରେ ବଲାଙ୍ଗୀର ଏସ୍‌ପି ନିତିନ କୁଶଲକର ସୂଚନା ଦେଇଛନ୍ତି।

ବଲାଙ୍ଗୀର ଏସ୍‌ପି ନିତିନ କୁଶଲକରଙ୍କ ନିର୍ଦ୍ଦେଶ କ୍ରମେ ସଦର ଏସ୍‌ଡିପିଓ ତୋଫାନ ବାଗଙ୍କ ତତ୍ତ୍ୱାବଧାନରେ ବଲାଙ୍ଗୀର ପୋଲିସର ସ୍ବତନ୍ତ୍ର ସ୍କ୍ବାର୍ଡ ଆନ୍ଧ୍ରପ୍ରଦେଶ ଏବଂ ଓଡ଼ିଶାର ବିଭିନ୍ନ ସ୍ଥାନରେ ଚଢାଉ କରି ୨୨ଟି ବୋଲେରୋ ଜବତ କରିବାରେ ସଫଳ ହୋଇଛି। ପୋଲିସ ଲୁଟ ଘଟଣାରେ ସମ୍ପୃକ୍ତ ୫ ଜଣ ଲୁଟେରାଙ୍କ ସହ ୫ଜଣ କ୍ରେତାଙ୍କୁ ଗିରଫ କରିଛି। ଏପରି କି ପୋଲିସ ୧୫ ଲକ୍ଷ ଟଙ୍କାର ଲୁଟ ସ୍ପେୟାର ପାର୍ଟସ ଜବତ କରାଯାଇଛି ।