22-Mar-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ଜୟ ମାଁ ଦ୍ୱାରସେହ୍ନୀ ଇଂରାଜୀ ମାଧ୍ୟମ ବିଦ୍ୟାଳୟ ର ନୂତନ କ୍ୟାମ୍ପସ ଉଦଘାଟିତ ହୋଇଯାଇଅଛି । ବିଦ୍ୟାଳୟ ପରିଚାଳନା କମିଟିର ଉପ ସଭାପତି ବିଦ୍ୟାଭୂଷଣ ନାଏକଙ୍କ ସଭାପତିତ୍ୱ ରେ ଅନୁଷ୍ଠିତ କାର୍ଯ୍ୟକ୍ରମ ରେ ସିନ୍ଧେକେଲା ପଞ୍ଚାୟତ ସମିତି ସଭ୍ୟ ତଥା

ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷ ପ୍ରତିନିଧି ଭୋଲାନାଥ ବେହେରା ମୁଖ୍ୟ ଅତିଥି , ଶିକ୍ଷାବିତ ଅମ୍ବିକା ତ୍ରିପାଠୀ ମୁଖ୍ୟ ବକ୍ତା , ସ୍ଥାନୀୟ ସରପଞ୍ଚ ନରେଶ ଅଗ୍ରୱାଲ , ଏବିଇଓ ଜୟନ୍ତ ପ୍ରଧାନ , ଉପଦେଷ୍ଟା ଅନିଲ ଜୈନ , ବିଜେଡି ବରିଷ୍ଠ ନେତା ଉମାକାନ୍ତ ସାହୁ ସମ୍ମାନିତ ଅତିଥି ଭାବରେ ଯୋଗଦାନ କରି ବିଦ୍ୟାଳୟ ର ଭୁରି ଭୁରି ପ୍ରଶଂସା କରିଥିଲେ । ଆଗାମୀ ଦିନରେ

ସିନ୍ଧେକେଲା ଅଞ୍ଚଳ ର ଶିକ୍ଷାର ବିକାଶ ନିମିତ୍ତ ଏହା ଏକ ଅଗ୍ରଣୀ ଶିକ୍ଷାନୁଷ୍ଠାନ ହେବ ବୋଲି ମୁଖ୍ୟ ବକ୍ତା ଶ୍ରୀମତୀ ତ୍ରିପାଠୀ ଆଶାପୋଷଣ କରିଥିଲେ । ବିଦ୍ୟାଳୟ ର ଅଧ୍ୟକ୍ଷ ନିତେଶ କୁମାର ସାହୁ ଅତିଥି ପରିଚୟ ପ୍ରଦାନ କରିଥିବା ବେଳେ ଉପଦେଷ୍ଟା ଗଣପତି ସାହୁ ସଭା ପରିଚାଳନା କରିଥିଲେ । ଶିକ୍ଷକ ମାନସ ସାହୁ , ଶିକ୍ଷୟିତ୍ରୀ ପ୍ରତିମା ଷଡଙ୍ଗୀ , ମଧୁସୂତା , ସୁଜାତା ସିହ୍ନା , ମାମା ନାଗ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।