21-Mar-2022

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ): ଆଜି ହେଉଛି ବିଶ୍ବ ଘର ଚଟିଆ ଦିବସ । ଏହି ଅବସରରେ ଆଜି ସମ୍ବଲପୁର ଚନ୍ଦ୍ର ଶେଖର ବେହେରା ଜିଲ୍ଲା ସ୍କୁଲ ପ୍ରେକ୍ଷାଳୟରେ ଏକ ସ୍ବତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଘର ଚଟିଆଙ୍କ ବଂଶ ଲୋପ ପାଉଥିବାବେଳେ ସେମାନଙ୍କ ସୁରକ୍ଷା ଉପରେ ଗୁରୁତ୍ବାରୋପ କରାଯାଇଛି । ଏଥିଲାଗି ସମ୍ବଲପୁର ଓ ବରଗଡ଼ ଜିଲ୍ଲାର ବିଭିନ୍ନ ସ୍ଥାନରେ କୃତ୍ରିମ ଚଢେଇ ବସା ତିଆରି କରାଯିବ ବୋଲି ନିଷ୍ପତ୍ତି ନିଆଯାଇଛି । ଏହାସହ ଘରଚଟିଆଙ୍କ ସୁରକ୍ଷା ସମ୍ପର୍କରେ ଛାତ୍ରଛାତ୍ରୀଙ୍କ ସହିତ ଆଲୋଚନା କରାଯାଇଛି I ସମ୍ବଲପୁରର ଚଢେଇ କ୍ଳବ, ହୀରାକୁଦ ବନ୍ୟପ୍ରାଣୀ ବିଭାଗ ଓ ଚନ୍ଦ୍ର ଶେଖର ବେହେରା ଜିଲ୍ଲା ସ୍କୁଲର ପୁରାତନ ଛାତ୍ର ସଂଘର ମିଳିତ ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମରେ ହୀରାକୁଦ ବନ୍ୟପ୍ରାଣୀ ବିଭାଗର ଡିଏଫଓ ଅଂଶୁପ୍ରଜ୍ଞା ଦାସ, ସମ୍ବଲପୁର ବନ ବିଭାଗ ଡିଏଫଓ ବିଶ୍ଵନାଥନ ନିଳାମ୍ବରମ୍, ଚଢେଇ କ୍ଳବର ସଭାପତି ଆଶିଷ ପ୍ରଧାନ, ଚଢେଇ କ୍ଳବ ସଦସ୍ୟ, ଜିଲ୍ଲା ସ୍କୁଲର ଶିକ୍ଷକ ଓ ଛାତ୍ରଛାତ୍ରୀ ଯୋଗ ଦେଇଥିଲେ ।