18-Mar-2022

ବଲାଙ୍ଗିର(ପ୍ରେରଣା ଖବର)-ଦଳିତ ଆଦିବାସୀ, ପଛୁଆ ବର୍ଗ ଅଧିବାସୀ ବହୁଳ ସଇଁନ୍ତଲା ବ୍ଲକ ଠାରେ ଭାରତ ରତ୍ନ ବାବା ସାହେବ ଡ. ବି.ଆର. ଆମ୍ବେଦକରଙ୍କ ଏକ ପ୍ରତିମୁର୍ତ୍ତି ସ୍ଥାପନ ପାଇଁ ପଶ୍ଚିମ ଓଡିଶା ମହିଳା ସଂଗଠନ ବଲାଙ୍ଗିର ତରଫରୁ ନିଷ୍ପତ୍ତି କରାଯାଇଛି । ଆସନ୍ତା ଏପ୍ରିଲ ୧୪ ବାବା ସାହେବଙ୍କ ଜୟନ୍ତୀ ପୂର୍ବରୁ ପ୍ରତିମୁର୍ତ୍ତି ସ୍ଥାପନ କରିବା ପାଇଁ ନିର୍ଦ୍ଧାରଣ କରାଯାଇଛି । ଏହି ଉପଲକ୍ଷେ ଜାଗା ପ୍ରଦାନ କରିବାକୁ ପଶ୍ଚିମ ଓଡିଶା ମହିଳା ସଂଗଠନ ତରଫରୁ ସଭାନେତ୍ରୀ ସବିତା ନନ୍ଦ ଏବଂ ସମ୍ପାଦିକା ସୁଷମା ବଏ ତହସିଲଦାର ସଇଁନ୍ତଲାକୁ ସାକ୍ଷାତ କରି ଏକ ଦାବିପତ୍ର ପ୍ରଦାନ କରିଛନ୍ତି । ପ୍ରକାଶ ଥାଉକି ସମଗ୍ର ଜିଲ୍ଲାରେ ମହିଳାଙ୍କ ସଚେତନ ପାଇଁ ବିଭିନ୍ନ କାର୍ଯ୍ୟକ୍ରମ ମହିଳା ସଂଗଠନ ହାତକୁ ନେଇଥିବା ବେଳେ ମହିଳାଙ୍କ ଅଧିକାର ପାଇଁ ସମ୍ବିଧାନରେ ସ୍ୱତନ୍ତ୍ର ବ୍ୟବସ୍ଥା କରିଥିବା ବାବା ସାହେବଙ୍କ ଏବଂ ସାବିତ୍ରୀ ବାଇ ଫୁଲେଙ୍କ ପ୍ରତିମୃତ୍ତି ବିଭିନ୍ନ ସ୍ଥାନରେ ସ୍ଥାପନ କରିବାକୁ ଯୋଜନା କରାଯାଇଅଛି । ତହସିଲଦାରଙ୍କୁ ସାକ୍ଷାତ କରି ରାଜସ୍ୱ ନିରୀକ୍ଷକଙ୍କୁ ସାକ୍ଷାତ କରି କିପରି ଅତିଶିଘ୍ର ଜାଗା ମିଳିବ ସେ ଦିଗରେ ମଧ୍ୟ ଅନୁଷ୍ଠାନ ତରଫରୁ ସଭାନେତ୍ରୀ ଏବଂ ସଂପାଦିକା ଚେଷ୍ଟିତ ଅଛନ୍ତି ।