09-Mar-2022

ପଦ୍ମପୁର:-ବରଗଡ଼ ଜିଲ୍ଲା ଅନ୍ତର୍ଗତ ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ସରେଇକେଲା ଗ୍ରାମପଞ୍ଚାୟତ ଅଧିନରେ ଯାଉଥିବା ପଞ୍ଚାୟତ ଉଚ୍ଚ ବିଦ୍ୟାଳୟ ସମ୍ବଲପୁରୀ ଠାରେ କିଶୋର କିଶୋରୀ ସ୍ୱାସ୍ଥ୍ୟ ଦିବସ ପାଳନ ହୋଇଯାଇଛି । କିଶୋର କିଶୋରୀ ମାନଙ୍କ ଶାରୀରିକ, ମାନସିକ ଓ ବ୍ୟବହାରିକ ଉନ୍ନତି ଦିଗରେ କିଭଳି ନିଜକୁ ଗଢି ତୋଳିବେ ସେ ବିଷୟରେ ଏକ ଆଲୋଚନା ଚକ୍ରରେ ବୁକୁରାମୁଣ୍ଡା ର ଡାକ୍ତର ଡଃ ସୁଦୀପ୍ତ କୁମାର ସାହୁ ଉପସ୍ଥିତ କିଶୋର କିଶୋରୀ ମାନଙ୍କ ସର୍ବାଙ୍ଗୀନ ଉନ୍ନତି ବିଷୟରେ ବିସ୍ତୃତ ଭାବେ ଆଲୋଚନା କରିଥିଲେ ।ଏହି କାର୍ଯ୍ୟକ୍ରମ ରେ ବିଦ୍ୟାଳୟ ର ପ୍ରଧାନଶିକ୍ଷକ ଶ୍ରୀମାନ ମହିପାଳ ବେହେରା ଅଧ୍ୟକ୍ଷତା କରିଥିଲେ । ଶିକ୍ଷକ ସର୍ବଶ୍ରୀ:-ନନସିଂହ ନାୟକ,ଧର୍ମକୁମାର ପ୍ରଧାନ, ରାଜ୍ୟପାଳ ଗଡତିଆ, ଘନଶ୍ୟାମ ପ୍ରଧାନ, ପ୍ରମୋଦ କୁମାର ନାୟକ ଯୋଗଦାନ କରି ନିଜନିଜ ସୁଚିନ୍ତିତ ବକ୍ତବ୍ୟ ଉପସ୍ଥାପନା କରିଥିଲେ ।ଏହି କାର୍ଯ୍ୟକ୍ରମ କୁ ରାଷ୍ଟ୍ରୀୟ ବାଲସ୍ୱାସ୍ଥ୍ୟ କାର୍ଯ୍ୟକ୍ରମ ର ଡାକ୍ତର ସୁଦୀପ୍ତ କୁମାର ସାହୁ, ଫାର୍ମାସିଷ୍ଟ ଅଶୋକ କୁମାର ବନଛୋର ପରିଚାଳନା କରିଥିଲେ ।