16-Nov-2020

ସମ୍ବଲପୁର,ସଞ୍ଜିବ ପାଣିଗ୍ରାହୀ ଙ୍କ ରିପୋର୍ଟ): ସମ୍ପ୍ରତି କରୋନା ମହାମାରୀ ପ୍ରଭାବରେ ସମଗ୍ର ଦେଶରେ ଦେବାଳୟ, ସ୍କୁଲ, କଳେଜ,ପର୍ବପର୍ବାଣୀ ଉପରେ କଟକଣା ଜାରିରହିଛି।ହେଲେ ଶନିବାର ଦୀପାବଳୀ ରାତିରେ ବୁର୍ଲାଥାନା ଚିପିଲିମା ଫାଣ୍ଡି ଅଞ୍ଚଳର ଚାରପାଲି ରାସ୍ତା କଡରେ ଖୁଲ୍ଲମଖୁଲ୍ଲା ଘୁଡୁଘୁଡୁ ପଟ୍ଟି ଜୁଆଖେଳ ଚାଲିଥିଲା,ଯାହାକି ଦୁର୍ଭାଗ୍ୟଜନକ। ଚିପିଲିମା ପୋଲିସ ପେଟ୍ରୋଲିଂ ସମୟରେ କିଛି ଆଭାସ ପାଇନଥିବାବେଳେ,ବୁର୍ଲାପୋଲିସ ଖବର ପାଇ ଆସି ପ୍ରାୟ ୧୦.୩୦ ଟାରେ ଚଢାଉକରି ଜୁଆଆଡ୍ଡାରୁ ୩ ଜଣଙ୍କୁ ଗିରଫ କରିଛି।ଏଥିସହ ନଗଦ ୧୪୭୫୦ଟଙ୍କା ଓ ଖେଳରେ ବ୍ୟବହୃତ ପଟ୍ଟିଗୁଟି ମଧ୍ୟ ଜବତ କରିଛି।ଅଭିଯୁକ୍ତ ସମେତ ଜବତ ସାମଗ୍ରୀକୁ ଚିପିଲିମା ଫାଣ୍ଡି ଅଧିକାରୀ ତପନ ପ୍ରଧାନଙ୍କୁ ଦାୟୀତ୍ବ ଦେଇଥିବାବେଳେ,ଏନେଇ କେସ ନଂ ୬୧୧ ରେ ଏକ ମାମଲା ରୁଜୁକରି ପୋଲିସ ଘଟଣାର ତଦନ୍ତ କରୁଛି। ପୋଲିସ ତଥ୍ୟ ଅନୁଯାୟୀ ଗିରଫ ଅଭିଯୁକ୍ତମାନେ ହେଲେ ରାମକୃଷ୍ଣ ଗୋଖିନା (୪୮),କୁନୁ ମହାକୁଡ (୭୫),ସୁଦାମ ରଣା (୩୦)। ଅନ୍ୟମାନେ ଫେରାର ଥିବାବେଳେ, ପୋଲିସ ଘଟଣାର ତଦନ୍ତ କରୁଛି।
ଏପରି ଏକ ଘଟଣାକୁ ନେଇ ସଚେତନ ମହଲରେ ଅନେକ ଚର୍ଚ୍ଚା ହେଉଥିବାବେଳେ ସ୍ଥାନୀୟ ବଜାରରେ ଚାଳିଥିବା ସଟ୍ଟା ଓ ଜୁଆଖେଳ,ବେଆଇନ ମଦବିକ୍ରୀକୁ ସଂପୁର୍ଣ୍ଣ ବନ୍ଦ କରିବା ଦିଗରେ ପୋଲିସ ପଦକ୍ଷେପ ନେବାକୁ ବୁଦ୍ଧିଜୀବୀ ମହଳରେ ଦାବୀ ହେଉଛି।