06-Mar-2022

ବରଗଡ:- ରକ୍ତଦାନ ଜୀବନ ଦାନ । ଏକ ବିଂଶ ଶତାବ୍ଦୀର ବିଜ୍ଞାନ ଯୁଗରେ ମଣିଷ ଯେତେ ଆଗକୁ ବଢିଥିଲେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ ରକ୍ତର କୌଣସି ବିକଳ୍ପ ବ୍ୟବସ୍ଥା ବାହାରି ନାହିଁ । ଯଦି ଜଣେ ମଣିଷକୁ ରକ୍ତର ଅଭାବ ହୁଏ ତେବେ ଆଉ ଜଣେ ମଣିଷ ରକ୍ତଦାନ କଲେ ତାହା ପୂରଣ ହୋଇଥାଏ । ତେବେ ବର୍ତ୍ତମାନ ଯୁଗରେ ସଭ୍ୟ ସମାଜରେ ରକ୍ତଦାନ କ୍ଷେତ୍ରରେ ଲୋକେ ଅନେକ ସଚେତନ ଥିବାବେଳେ ଗ୍ରୀଷ୍ମ ଋତୁରେ ସଧାରଣତଃ ରକ୍ତ ଦାନ ଶିବିର ମାତ୍ର କମ ହେଉଥିବା କାରଣରୁ ବିଭିନ୍ନ ରକ୍ତଭଣ୍ଡାର ମାନଙ୍କରେ ରକ୍ତ ଅଭାବ ଦେଖାଯାଇଥାଏ । ଏହି ରକ୍ତ ଅଭାବକୁ କିଛିମାତ୍ରାରେ ପୂରଣ କରିବାକୁ ଯାଇ ଆଜି ଅତାବିରା ନୁଆଁଖଇରପାଲି ଗ୍ରାମ ରାମ ମନ୍ଦିର ପ୍ରାଙ୍ଗଣରେ ଅତାବିରା କୋଶଲ ଆନ୍ଧ୍ର ୱେଲ-ଫେଆର ଆସୋସିଏସନ ପକ୍ଷରୁ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା । ଏହି ରକ୍ତଦାନ ଶିବିରରେ ଗ୍ରାମର ଦୁଇଜଣ ବରିଷ୍ଠ ବ୍ୟକ୍ତି ସିଏଚ. ଚକ୍ରବର୍ତ୍ତୀ ଓ ବି ସତ୍ୟନାୟନ ଯୋଗଦାନ କରି ଆନୁଷ୍ଠାନିକ ଭାବରେ ରକ୍ତଦାନ ଶିବିରକୁ ଉଦ୍ଘାଟନ କରିଥିବାବେଳେ ରକ୍ତଦାତା ଙ୍କୁ ଉତ୍ସାହିତ କରିଥିଲେ । ଏହି ରକ୍ତଦାନ ଶିବିରରେ ୧୧ ଜଣ ମହିଳା ରକ୍ତଦାତା ଙ୍କ ସମେତ ମୋଟ ୫୧ୟୁନିଟ ରକ୍ତ ସଂଗ୍ରହ କରାଯାଇଥିଲା ।ଏହି ରକ୍ତଦାନ ଶିବିର ରେ ରକ୍ତ ସଂଗ୍ରହ ରେ ସମସ୍ତ ପ୍ରକାର ସାହାଯ୍ୟ କରିଥିଲେ, ବରଗଡ଼ ରକ୍ତ ଭଣ୍ଡାର ର କର୍ମଚାରୀ ବୃନ୍ଦ । 
    ନିସ୍ୱାର୍ଥପର ଭାବରେ ରକ୍ତଦାନ କରିଥିବା ସମସ୍ତ ରକ୍ତଦାତା ତଥା ନୁଆଁ ଖଇରପାଲି ଗ୍ରାମବାସୀଙ୍କୁ କୋଶଲ ଆନ୍ଧ୍ର ୱେଲଫେଆର  ଆସୋସିଏସନ ତରଫରୁ ବହୁତ ବହୁତ ସାଧୁବାଦ