06-Mar-2022

ସମ୍ବଲପୁର( ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ) : କୁଲତା ସମାଜ ସମ୍ବଲପୁରର ୨୪ତମ  ବାର୍ଷିକ ବନ୍ଧୁ ମିଳନ ରବିବାର  ସ୍ଥାନୀୟ ରାମଚଣ୍ଡୀ ସେବାସଦନ ଦାନୀପାଲି ଠାରେ  ଅନୁଷ୍ଠିତ ହୋଇଥିଲା I କୁଲତା ସମାଜ ସମ୍ବଲପୁରର ଉପ ସଭାପତି କୃପାସିନ୍ଧୁ ଖମାରୀଙ୍କ ସଭାପତିତ୍ୱରେ ଅନୁଷ୍ଠିତ ଏହି ବାର୍ଷିକ ବନ୍ଧୁ ମିଳନ କାର୍ଯ୍ୟକ୍ରମରେ ଅବସରପ୍ରାପ୍ତ ଇଞ୍ଜିନିୟର ଦେବାର୍ଚ୍ଚନ ଭୋଇ ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ l ଜଗଦୀଶ ବିଶ୍ୱାଳ, ନବୀନ ଗୁପ୍ତା, ସୁଷମା ସାହୁ, ଚୂଡ଼ାମଣି

ବାରିକ ପ୍ରମୁଖ ସମ୍ବାନିତ  ଅତିଥି ଭାବେ ଯୋଗଦାନ କରିଥିଲେ l ଡ଼ଃ ଗୋରୀ ଦାଶ ପ୍ରଧାନଙ୍କ ପରିଚାଳନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଗତ ୨୦୧୯-୨୦ ଏବଂ ୨୦୨୦-୨୧ ଶିକ୍ଷା ବର୍ଷରେ ଦଶମ ଶ୍ରେଣୀରେ ୮୦ ପ୍ରତିଶତରୁ ଉର୍ଦ୍ଧ ମାର୍କ ରଖିଥିବା ସମାଜର ୧୪୭ ଛାତ୍ର ଛାତ୍ରୀ ମାନଙ୍କ ମଧ୍ୟରେ ଟପ୍ପର ଛାତ୍ର ସୋମ୍ୟରଞ୍ଜନ ଖମାରୀ, ରୋହିଣୀ ପ୍ରଧାନ, ମୋହିତ ପ୍ରଧାନ ଏବଂ ଧନଶ୍ରୀ ସାହୁଙ୍କୁ ଅତିଥି ଗଣ ସମ୍ବର୍ଦ୍ଧିତ କରିଥିଲେ I ସମାଜସେବା ତଥା ଶିକ୍ଷା ଓ କଳା କ୍ଷେତ୍ରରେ ବିଶେଷ ଅବଦାନ ପାଇଁ ଅବସରପ୍ରାପ୍ତ ଆଦର୍ଶ ଶିକ୍ଷକ ହୃଷିକେଶ ବଢ଼େଇ, ରାମଚନ୍ଦ୍ର ଭୋଇ, ବିଦେଶୀ ପ୍ରଧାନ ଏବଂ ସଫଳ ମହିଳା ଚାଷୀ ସରସ୍ବତୀ ବାରିକ, ଚାଷୀ ସୁଦାମ ସାହୁ, ମନବୋଧ ବାରିକ, ଲକ୍ଷ୍ମଣ ଖମାରୀ ଏବଂ ସୁଜିତ ବିଶ୍ୱାଳଙ୍କୁ ମାନପତ୍ର, ଉପ ଢୌକନ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା l ଏହି ଅବସରରେ ଛାତ୍ର ଛାତ୍ରୀ ମାନଙ୍କ ମଧ୍ୟରେ ଅନୁଷ୍ଠିତ ଚିତ୍ରାଙ୍କନ ପ୍ରତିଯୋଗୀତାରେ କୃତି ପ୍ରତିଯୋଗୀଙ୍କୁ ସ୍ଵIନ୍ତାନା ମୂଳକ ପୁରସ୍କାର ପ୍ରଦାନ କରାଯାଇଥିଲା I ଏହି ପୁରସ୍କାର ବଣ୍ଟନ କାର୍ଯ୍ୟକ୍ରମକୁ ସୁପ୍ରଭା ପ୍ରଧାନ ପରିଚାଳନା କରିଥିଲେ I ଏହି କାର୍ଯ୍ୟକ୍ରମରେ ସମ୍ବଲପୁର ମହାନଗର ନିଗମ ଅଂଚଳରେ ବସବାସ କରୁଥିବା ୫୦୦ରୁ ଉର୍ଦ୍ଧ ପରିବାରର ୨୫୦୦ରୁ ଉର୍ଦ୍ଧ ଜାତି ଭାଇଙ୍କ ସମାଗମ ହୋଇଥିଲା l ସାଧାରଣ ସମ୍ପାଦକ ଦେଵତ୍ତମ ପ୍ରଧାନ ୨୦୧୯-୨୦ ଏବଂ ୨୦୨୦-୨୧ ଉଭୟ ବର୍ଷର ଆୟ ବ୍ୟୟ ପ୍ରଦାନ ପୂର୍ବକ ସମ୍ପାଦକୀୟ  ବିବରଣୀ ପଠନ କରିଥିଲେ l ଏହି ଅବସରରେ ସକାଳ ୯ ଘଣ୍ଟାରୁ ଯଥା ରୀତି ନୀତି ପୂଜା ପାଠ ଆରମ୍ଭ ହୋଇଥିଲା l କୁଲତା ସମାଜର ବିଶିଷ୍ଟ ପୂଜକ

ପଣ୍ଡିତ ଉପେନ୍ଦ୍ର ନାରାୟଣ ଭୋଇ, ଦେବୀ ପ୍ରସାଦ ଭୋଇ ଓ ନିର୍ମଳ ପ୍ରଧାନ ମା' ରାମଚଣ୍ଡୀଙ୍କ ପୂଜା ପାଠ କରିଥିଲେ l ଏହି ଅବସରରେ ହାରାଧନ ପ୍ରଧାନ, ଲଷ୍ମଣ ପ୍ରଧାନ, ଜଟା ଭୂଷଣ ସାହୁ, ନାରଦ ପାତ୍ର, ମୁରଲୀ ପ୍ରଧାନ,  ଦୟାନିଧି ବିଶ୍ୱାଳ, ଦେବଦତ୍ତ ସାହୁ, କ୍ଷୀରୋଦ ପ୍ରଧାନ,ରଞ୍ଜନ ପାତ୍ର, ଅକ୍ଷୟ ପ୍ରଧାନ,ପ୍ରେମାନନ୍ଦ ସାହୁ, ରବି ନାରାୟଣ ପ୍ରଧାନ, ରଂଜିତ ପ୍ରଧାନ, ସରୋଜ ସାହୁ  ପ୍ରମୁଖ ସକ୍ରିୟ ସହଯୋଗ କରିଥିଲେ l ଶେଷରେ ଯୁଗ୍ମ ସମ୍ପାଦକ ଚୂଡ଼ାମଣି ବାରିକ ଧନ୍ୟବାଦ ଜ୍ଞାପନ କରିଥିଲେ l