01-Mar-2022

କଣ୍ଟାମାଳ(ଅକୃର ସାହୁ) // କଣ୍ଟାମାଳ ବ୍ଲକ ଉମା ଗ୍ରାମ ପଞ୍ଚାୟତ ସରପଞ୍ଚ ଭାବେ ଦୌଲତ ପାଣ୍ଡେ ବିପୁଳ ସଂଖ୍ୟାରେ ବିଜୟୀ ହୋଇଛନ୍ତି । ପଞ୍ଚାୟତରେ ପୁରୁଷ ୧୨୯୧ ଓ ମହିଳା ୧୩୬୪ ସର୍ବମୋଟ ୨୬୫୫ ଭୋଟର ରହିଥିବା ବେଳେ ସମୁଦାୟ ୨୨୭୨ ଭୋଟର ମତଦାନ କରିଥିଲେ । ୨୬ ତାରିଖ ଭୋଟ ଗଣନା ହୋଇଥିବା ବେଳେ ୨୭ ତାରିଖ ସକାଳୁ ଫଳାଫଳ ପ୍ରକାଶ ପାଇଥିଲା । ଗଦି ମହାନନ୍ଦ ୧୭ ଖଣ୍ତ, ପ୍ରତିମା ମହାନନ୍ଦ ୪୯୦ ଖଣ୍ତ, ଏବଂ ୭୬ ଖଣ୍ତ ଭୋଟ ନାକଚ ହୋଇଥିବା ବେଳେ ଦୌଲତ ପାଣ୍ଡେ ୧୬୮୯ ଖଣ୍ତ ଭୋଟ ପାଇ ନିକଟତମ ପ୍ରତିଦ୍ବନ୍ଦି ପ୍ରତିମା ଠାରୁ ୧୧୯୯ ଖଣ୍ତ ଭୋଟରେ ବିଜୟୀ ହୋଇଛନ୍ତି । ସୂଚନାଯୋଗ୍ୟ ଯେ ଦୌଲତ ଜଣେ ସାଧାରଣ ପରିବାରର ପୁଅ । ଶିକ୍ଷାଗତ ଯୋଗ୍ୟତା ଯୁକ୍ତଦୁଇ । ସେ ମାଁ ମାଟିର ସ୍ବାଭିମାନ ରକ୍ଷା ପାଇଁ ଲଢେଇ କରି ମାଗଣାରେ ଭୋଟ ଭିକ୍ଷା କରିଥିଲେ ।  ଲୋକଙ୍କ ଅକୁଣ୍ଠ ସମର୍ଥନ ପାଇ ବିପୁଳ ସଂଖ୍ୟକ ଭୋଟରେ ବିଜୟ ହୋଇଛନ୍ତି । ଏ ବିଜୟ ମୋର ନୁହେଁ ମାଁ ମାଟି ଓ ଧର୍ମର ବିଜୟ ହୋଇଛି, ମୋତେ ୫ବର୍ଷ ପାଇ ସେବା କରିବାର ସୁଯୋଗ ଦେଇଥିବାରୁ ଉମା ପଞ୍ଚାୟତବାସୀଙ୍କ ନିକଟରେ ଚିର କୃତଜ୍ଞ ରହିବି ବୋଲି କହିଛନ୍ତି ନବ ନିର୍ବାଚିତ ସରପଞ୍ଚ ଶ୍ରୀ ପାଣ୍ଡେ ।