25-Feb-2022

ରେଢାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା  ରେଢାଖୋଲ ସହରର ଭୀମଭୋଇ ଛକରେ ବ୍ୟବସାୟୀ କରୁଥିବା ଉଠା ଦୋକାନୀଙ୍କ ଜାଗାକୁ ଅବରୋଧ ନ କରିବା ପାଇଁ ଶୁକ୍ରବାର ରେଢାଖୋଲ ଉପଜିଲ୍ଲାପାଳଙ୍କୁ ଉଠା ଦୋକାନୀ ମାନେ ସବୁ ମିଶି ଏକ ଦାବିପତ୍ର ପ୍ରଦାନ କରିଛନ୍ତି। ଏହାର ନକଲ କପି ରେଢାଖୋଲ ନିର୍ବାହୀ ଅଧିକାରୀଙ୍କୁ ମଧ୍ୟ ପ୍ରଦାନ କରି କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଦାବିପତ୍ର ରେ ଉଲ୍ଲେଖ କରାଯାଇଛି ଯେ  ବସଷ୍ଟାଣ୍ଡ ଅଞ୍ଚଳରେ ଉଠା ଦୋକାନୀ ମାନେ ନିଜର ଠେଲା ପକାଇ ବିଭିନ୍ନ ପ୍ରକାର ବ୍ୟବସାୟ ଦୀର୍ଘ ଦିନ ହେଲା କରୁଅଛନ୍ତି।। ହେଲେ ଏନଏସି କତ୍ତୃପକ୍ଷ ଉକ୍ତ ବ୍ୟବସାୟୀ ମାନଙ୍କ ବ୍ୟବସାୟ ସ୍ଥାନରେ ଷ୍ଟିଲର ବାଡ଼ ଦେଇ  ଅବରୋଧ କରିବାକୁ ଯାଉଛନ୍ତି।  ଏଣୁ ଉକ୍ତ ସ୍ଥାନରେ ଷ୍ଟିଲ ବାଡ଼ ନ ଦେଇ ବ୍ୟବସାୟୀ ମାନଙ୍କୁ ବ୍ୟବସାୟ କରିବାକୁ ଦାବି କରିଛନ୍ତି। ଦାବିପତ୍ର ପ୍ରଦାନ ପରିପ୍ରେକ୍ଷୀରେ ଅଶ୍ବିନୀ ମେହେର, ଶିଵ ରାମ ସାହୁ,  ରବୀନ୍ଦ୍ର ସାହୁ, ଅଜୟ ସାହାଣୀ ପ୍ରମୁଖ  ବ୍ୟବସାୟୀ ମାନେ ସାମିଲ ହୋଇ ଦାବିପତ୍ର ପ୍ରଦାନ କରିଥିଲେ।