25-Feb-2022

 ପଦ୍ମପୁର:-ପାଇକମାଲ ସଡକ-ପଡାରେ ପାଖାପାଖି ସଂନ୍ଧ୍ୟା ୭ଟା ସମୟରେ ନିଜ ଘର ଭିତରେ ନିଜ ଓଢଣି ବେକରେ ଲଗାଇ ଜଣେ ଝିଅ ଆତ୍ମହତ୍ୟା କରିଥିବା ଜଣା ପଡିଛି ।  ପାଇକମାଲ ଥାନା ସଡକପଡାରେ ରହୁଥିବା ଝାରବନ୍ଧ ଆଇ.ସି.ଡି.ଏସ କାଯ୍ୟାଳୟର ସୁପର ଭାଇଜରଙ୍କ ଝିଅ ଜିତେନ୍ଦ୍ରୀ କୁମ୍ଭାର (୧୯) ବେକରେ ନିଜ ଓଢଣି ଦେଇ ଆତ୍ମହତ୍ୟା କରିଥିବା ଜଣାପଡିଛି । ପରିବାର ଲୋକଙ୍କ କହିବା ଅନୁସାରେ ଜିତେନ୍ଦ୍ରୀର ମାଆ ଓ ଭାଇ ଦୁହେଁ ଝାରବନ୍ଧ ଅଞ୍ଚଳକୁ ନିଜ ଅଫିସ କାମରେ ଯାଇଥିଲେ । ଘରେ ଜିତେନ୍ଦ୍ରୀ ,ତାଙ୍କ ଭାଉଜ ଓ ଜଣେ ଛୋଟ ଛୁଆ ରହିଥିଲେ । ପ୍ରତିଦିନ ସେ ନିଜ ରୁମ୍ କୁ ଯାଇ କବାଟ କିଳି ମୋବାଇଲରେ ଘଣ୍ଟା ଘଣ୍ଟା

କଥା ହୁଅନ୍ତି ତାକୁ ବିରୋଧ କରି  ତାଙ୍କ ଭାଉଜ କିଛି କହୁଥିଲେ । ସନ୍ଧ୍ୟା ହେବା କାରଣରୁ ବାହାର ଲାଇଟ ଦେବାପାଇଁ ଜିତେନ୍ଦ୍ରୀଙ୍କୁ ଡାକି ଥିଲେ, ତାକୁ ବହୁତ ଡାକିଲା ପରେ ନଶୁଣିବାରୁ ତତ୍କ୍ଷଣାତ୍ ଜିତେନ୍ଦ୍ରୀର ଭାଇକୁ ଫୋନ କରି ଜଣାଇଥିଲେ । ଭାଇ ଆସିବାପରେ କବାଟ ଭାଙ୍ଗି ଦେଖିଲା ବେଳକୁ ଜିତେନ୍ଦ୍ରୀ ନିଜ ଓଢଣି ସାହାଯ୍ୟରେ ବେକରେ ଫାଶୀ ଲଗାଇ ଝୁଲୁଛି । ସଙ୍ଗେ ସଙ୍ଗେ ତାକୁ ସେଠୁ ଖୋଲି ୧୦୮ ଆମ୍ବୁଲାନ୍ସରେ ପାଇକମାଲ ସରକାରୀ ଚିକିତ୍ସାଳୟକୁ ଅଣାଯାଇଥିଲା ।ପାଇକମାଲ ସରକାରୀ ଡାକ୍ତରଖାନା ରେ କାର୍ଯ୍ୟରତ ଡାକ୍ତର ଶ୍ରୀଧର ପ୍ରଧାନ ତାଙ୍କୁ ଦେଖିବାପରେ  ମୃତ ଘୋଷଣା କରିଥିଲେ । ଏନେଇ ପାଇକମାଲ ଥାନା ଅପମୃତ୍ୟୁ କେସ ସଂଖ୍ୟା ୨/୨୦୨୨ ରେ ଏକ ମାମଲା ରୁଜ୍ଜୁ କରାଯାଇ ଏସ.ଆଇ ଚୁମୁକି ପ୍ରଭା ନାଥ ଘଟଣାର ତଦନ୍ତ କରୁଛନ୍ତି  ଏବଂ ଆଜି ସକାଳେ ଶବ ବ୍ୟବଛେଦ କରାଯାଇ ତାଙ୍କ ପରିବାର ଲୋକଙ୍କୁ ଶବ ହସ୍ତାନ୍ତର କରାଯିବ ବୋଲି ପାଇକମାଲ ଥାନା ଅଧିକାରୀ ବିଶ୍ବଜିତ ମନବୋଧ ସୂଚନା ପ୍ରଦାନ କରିଛନ୍ତି