24-Feb-2022

ଟିଟିଲାଗଡ଼ // ସେହିଭଳି ଏକ କରୁଣ ଦୃଶ୍ୟ ଦେଖିବାକୁ ମିଳିଛି ଆମ   ଟିଟିଲାଗଡ଼ ନିକଟସ୍ଥ କତରକେଲା ଗ୍ରାମ ର କାଲା ମାଝୀ ନାମକ ନିରୀହ ବ୍ୟକ୍ତି ଯିଏକି ଆଜି କ୍ୟାନ୍ସର ଭଳି ରୋଗରେ ପୀଡ଼ିତ ହୋଇ ନିଜର ଗୋଟିଏ ଗୋଡ ହରାଇଛନ୍ତି ।ଆଉ ଏଥିରୁ ବଢି ଦୁଃଖ ର କଥା ଆଉ କେଉଁଠି ରହିଲା , ଯାହାର ତିନିଟି ଝିଅ ଏବଂ ତାଙ୍କ ସ୍ତ୍ରୀ ତାଙ୍କ ଉପରେ ନିର୍ଭର କରି ଚଳୁଛନ୍ତି , ବହୁତ ଦୁଃଖ ର ବିଷୟ ଯେ ସେ ଏତେ ଗରିବ ଶ୍ରେଣୀରୁ ଆସିଛନ୍ତି ଯେ ଯିଏ ଦେଖିକି ମଧ୍ୟ ସହିପାରିବ ନାହିଁ।ସେ ପୁରାପୁରି ଭାବରେ ଅର୍ଥ ଉପାର୍ଜନ ପାଇଁ ଭିନ୍ନକ୍ଷମ ।ସିଏ ଚାହୁଁଛନ୍ତି ତାଙ୍କର ଗୋଟିଏ କୃତ୍ରିମ ଗୋଡ ଲାଗିପରିଲେ ନିଜେ ଯାଇ ଅର୍ଥ ଉପାର୍ଜନ କରିପାରିବେ । ଏବଂ ଆଉ ଚାରି ପ୍ରାଣୀ ର ଭରଣ ପୋଷଣ ଦାୟିତ୍ୱ ଉଠାଇପାରିବେ । ମୁଣ୍ଡ ଉପରେ ଅଛି ତିନିଝିଅ ଙ୍କ ପଢାପଢି ଓ ବିବାହ । ଏବେ ସେ କେବଳ ନିଜର ଜୀବନ ବଞ୍ଚୁଛନ୍ତି ଆଉ କିଛି ନୁହେଁ,ଆଉ ଗୋଟିଏ ଆଶା ନେଇ ବଞ୍ଚିଛନ୍ତି ଯେ, କେବେ କିଏ ତାହାଙ୍କୁ ସାହାଯ୍ୟ କରିବେ ଓ ସେ ଭଲହୋଇ ପୁଣି କାର୍ୟଗ୍ରାହୀ ହୋଇପାରିବେ ।

 ଆଶା ନେଇ ବଂଚିଛନ୍ତି କାଳା ଭାଇ
              କିନ୍ତୁ ପ୍ରଶାସନ କାହିଁକି ଏ ପର୍ଯ୍ୟନ୍ତ ଆଖି ବନ୍ଦ କରି ରହିଛି।ତାକୁ ସୁବିଧା ମିଳିବା ଦରକାର,ଏ ପର୍ଯ୍ୟନ୍ତ କିଛି ମଧ୍ୟ ମିଲିନାହିଁ । ଆଜି ଏହି ମଣିଷ ବୋଲି ନାହିଁ ଆହୁରି ବହୁତ ଲୋକ ଏହିଭଳି ଅବସ୍ଥା ଦେଇ ଗତି କରୁଛନ୍ତି । କିନ୍ତୁ ପ୍ରଶାସନ କିଛି ବି କରୁନାହିଁ । 
              ବର୍ତ୍ତମାନ ରାଜନୀତି ରେ ନିଜର ବ୍ୟକ୍ତିଗତ ଲକ୍ଷ୍ୟ ସାଧନ ପାଇଁ ପ୍ରତ୍ୟେକ ପ୍ରାର୍ଥୀ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିଦେଉଛନ୍ତି କିନ୍ତୁ ଏହିଭଳି ଅସହାୟ  ରୁଗ୍ଣ ଗରିବ ବ୍ୟକ୍ତି କୁ ସାହାଯ୍ୟ କରିବା ପାଇଁ କେହି ଆଗକୁ ଆସୁନାହାନ୍ତି । ଲୋକଙ୍କୁ ମଦ ମାଂସ ଦେଇ ମାସ ମାସ ଧରି ସାଙ୍ଗରେ ବୁଲେଇବା ଅପେକ୍ଷା ଏହିଭଳି ଲୋକଙ୍କୁ ଯଦି ସାହାଯ୍ୟ କରନ୍ତେ ତା ହେଲେ ପୁଣି କେବେ ଆଉ ହାତଯୋଡ଼ି ଭୋଟ ଭିକ୍ଷା କରିବାକୁ ପଡ଼ନ୍ତା ନାହିଁ ଲୋକଙ୍କ ମନରେ ରହିଥାନ୍ତେ।