24-Feb-2022

ଉଲୁଣ୍ଡା (ଗୌରଚନ୍ଦ୍ର ପରିଛା) ଉଲୁଣ୍ଡା ବ୍ଲକରେ ଶେଷ ପର୍ଯ୍ୟାୟ ତ୍ରୀସ୍ତରୀୟ ପଂଚାୟତ ନିର୍ବାଚନ ଶାନ୍ତି ଶୃଙ୍ଖଲା ସହିତ ସମ୍ପନ୍ନ ହୋଇଛି । ଆଜି ବ୍ଲକରେ ୮୫.୪୪ ପ୍ରତିଶତ ମତଦାନ ହୋଇଥିବା ବେଳେ ୧୭ଟି ପଂଚାୟତର ୨୩୪ ଟି ବୁଥରେ ୬୮ହଜାର ୩୪୯ ଜଣଙ୍କ  ମଧ୍ୟରୁ ୫୮୩୯୭ ଜଣ ଭୋଟର ନିଜ ନିଜ ପସନ୍ଦର ପ୍ରାର୍ଥୀଙ୍କୁ ଭୋଟ ଦେଇଛନ୍ତି । ସୂଚନା ଅନୁସାରେ ବ୍ଲକର ଏସପତ୍ରାପାଲି, ସିଣ୍ଢୋଲ, ଜଉଁରାଭଉଁରା, ଚଢେଇପଙ୍କ, ଖେମାଲୋଏ, କୋଟସମଲାଇ, କାଦୋଦର, କଲାପଥର, ମହଦା, ମୁଣ୍ଢୋଘାଟ, ରକ୍ସା, ଜାଲୋଏ, ନିମା୍ନ, ପଂଚମହଲା, ବିଶିପଡା, ଉଲୁଣ୍ଡା ଏବଂ ଲସ୍ତଲା ପଂଚାୟତର ୧୧ ଜଣ ଜିଲ୍ଲାପରିଷଦ ସଭ୍ୟଙ୍କ ସମେତ ୬୧ଜଣ ସରପଂଚ, ୫୨ ଜଣ ସମିତିସଭ୍ୟ ଏବଂ ୨୭୨ ଜଣ ୱାଡସର୍ଭଙ୍କ ଭାଗ୍ୟ ଭୋଟ ବାକ୍ସରେ ବନ୍ଧା ପଡିଛି । ଭୋଟର ମାନେ ଉତ୍ସାହ ସହିତ ମତଦାନ କରିଥିବା ବେଳେ ବ୍ଲକର ସଦର ପଂଚାୟତର ବୁଥ ନମ୍ବର ୧୯ ଏବଂ ୨୦କୁ ପିଙ୍ଗ ବୁଥ ଭାବରେ ନିଆଯାଇଥିଲା । ବିଶେଷ କରି ଉକ୍ତ ଦୁଇ ବୁଥରେ ଭୋଟର ମାନଙ୍କ ଉତ୍ସାହ ପରିଲକ୍ଷୀତ ହୋଇଥିଲା । ତେବେ ବ୍ଲକର ୩୬ଟି ସମ୍ବେଦନ ଶୀଲ ବୁଥରେ କଡାକଡି ସୁରକ୍ଷା ବ୍ୟବସ୍ଥା ଭିତରେ ଭୋଟର ମାନେ ମତଦାନ କରିଥିଲେ । ।