23-Feb-2022

ବଲାଙ୍ଗିର// ଆଗରୁ ପୌରସଂସ୍ଥା ଗୁଡିକରେ ସ୍ବାୟତ୍ତ ଶାସନଭାର ବା ନିର୍ବାଚିତ ପ୍ରତିନିଧିଙ୍କ ଦାୟିତ୍ୱ ଥିଲାବେଳେ, ଏ ନବସଂସ୍କାର ଦେଖା ନଥିଲା ? ତେଣେ ବିଭିନ୍ନ ନିୟମଗତ ଅହେତୁକ ପ୍ରତିବନ୍ଧକ ଓ କରୋନାକାଳ ନିମନ୍ତେ ବିଳମ୍ବକୁ  ଏଣେ ସରକାରୀବାବୁଙ୍କ ହାତରେ ଅଢା, ରଙ୍ଗ ଦେଖାଇଲା ।  ସର୍ବୋଚ୍ଚ ଶୀର୍ଷ କୋର୍ଟର ଆଇନଗତ ଆଦେଶ ଦେଖାଇ ଚାଲିଲା ଜବରଦଖଲ ଉଚ୍ଛେଦ ଓ ଭଙ୍ଗାରୁଜା ।  ତା'ପରେ ନାଳିନର୍ଦ୍ଦମା ତିଆରି , ପିଚୁ ବା ପକ୍ପାରାସ୍ତା , ପାର୍କ  ଓ ଭେଣ୍ଡିଂ ଯୋନ୍ ନିର୍ମାଣ, ଗଳିରାସ୍ତାର ପ୍ରଶସ୍ତିକରଣ ଓ ସହରର ଅତ୍ୟାବଶ୍ୟକୀୟ ସ୍ବଚ୍ଛତା, ପରିଷ୍କାର ପରିଚ୍ଛନ୍ନତା ବା ମୌଳିକ ଜରୁରୀ ଆବଶ୍ୟକତାକୁ ବାଦ୍ ଦେଇ ଅକସ୍ମାତ୍ ଅଭିନବ ' ଆମ ବଲାଙ୍ଗୀର' , ' ଆମ ଟିଟିଲାଗଡ ' କି ' ଆମ ପାଟଣାଗଡ', ଆମ କଣ୍ଟାବାଞ୍ଜି', ' ଆମ ତୁଷୁରା' ଭଳି ଚକ୍ ଚକ୍ ଷ୍ଟିଲ୍ ବାର୍ ଘେରା ବାଡାବନ୍ଦୀର ଭେଳିକି ଓ  ଉଜ୍ବଳ ଆଲୋକ ବା ଏଲ ଇ ଡି ଟିଭିର ଆଖିଝ ଲ୍ ସା ଜ ଲ୍ ବା  ! କାନ୍ଥବାଡ ପାଚେରୀରେ ଚିତ୍ରଅଙ୍କନ ଓ  ସରକାରୀ ଅଫିସ୍ ର ସବୁଜରଙ୍ଗମରା  ଯୋଜନାମାନ ।

ଏସବୁର ଟେଣ୍ଡର୍ , ଭାଗ ଭାଗ କରି ବିନା ଟେଣ୍ଡର୍ , ପୋଷ୍ୟ ଠିକାଦାର ପୋଷଣ ,  ବର୍ଦ୍ଧିତ ବିଲ୍ ଭାଉଚର୍ ର ମନଇଚ୍ଛା କୋଉଠୁ ଚିତ୍ରକର ଓ କାରିଗର ଡକେଇ ସଜ୍ଜିକରଣ । ଘରୋଇକରଣ , ଆଉଟ୍ ସୋର୍ସିଂ ପ୍ରକ୍ରିୟା ତ ଚାଲିଲାଣି  !  ଲୋକାଲ୍ ଏମଏଲ ଏ , ଏମ ପି , ମନ୍ତ୍ରୀ  ଓ ପ୍ରଶାସନର ସ୍ବୀକୃତି ହାତେଇ କରିତ୍ କର୍ମା  ପୌର ନିର୍ବାହୀ ମାଡିଯାଇଛନ୍ତି ।  ଯୋଉଠି ଗଳଗଳ ବର୍ଷା ଓ  ଶୀତଜାଡରେ ଶହେ / ପଚାଶବର୍ଷର ଘର , ଦୋକାନ , ବସ୍ତିକୁ ପୁଲିସ୍ ଓ ବୁଲ୍ ଡୋଜର ଲଗାଇ ଦି'ଟା ଦିନରେ ସହରବାସିନ୍ଦାଙ୍କ ସଂସାର ଓ ଜୀବିକା ଉଜାଡି ଦିଆଯାଇପାରିଲା , ସେଠି ପାଟି ଫିଟେଇବ କିଏ  ?

କରୋନାରେ ତ କଣ୍ଟେନମେଣ୍ଟ ଯୋନ୍ ବା ଅବରୋଧର ବାଉଁଶବାଡ ଓ ରେଳଷ୍ଟେସନ ଅସ୍ଥାୟୀ ସେଡ୍ ବା ଖର୍ଚ୍ଚବାର୍ଚ୍ଚରୁ ଯେତେ ହାତଚିକ୍କଣ କରି କରାଇ ହାତବାରିସୀ ସାଜିଥିଲେ ନିର୍ବାହୀବାବୁ , ପୁଣି ବଦଳି ବାତିଲ୍ କରି ଗାଦୀମାଡି ରହିଗଲେ  

ତେଣେ ଏସଏଚ ଜି ଲଗାଇ ଭେଣ୍ଡିଂଯୋନ୍ , ଘରୋଇବାଲାଙ୍କୁ ଯାନବାହନ ଷ୍ଟାଣ୍ଡ୍ ବା ଏନଜିଓ ଲଗାଇ ସ୍ବଚ୍ଛ ଭାରତ ର ଜିଜିୟାକର ଅସୁଲିର ପଣିରେ ପକେଟ୍ ଖର୍ଚ୍ଚ ଉଠୁଛି , ତେଣିକି ଏ ସୌନ୍ଦର୍ଯ୍ୟକରଣ ଓ ରାସ୍ତାଘାଟଠିକାରେ ତଳୁଉପରଯାଏ ଗିଜମୁନା ଅଙ୍ଗରଖାମୁଣା ଗରମ  !  ଇଏ କୁଆଡେ ପ୍ରାକ୍ ପୌରନିର୍ବାଚନ ଖର୍ଚ୍ଚବାର୍ଚ୍ଚର ବ୍ୟାପକ ବାଟମାରଣା । ସିଂହାବଲୋକନରେ ଚଞ୍ଚଳ ଗ୍ରାସ ଗିଳୁଛି ।  ଦୀପ ଜଳୁଛି  ! ଜୟ କଳା  !
ରାଜେନ୍ଦ୍ର ପାର୍କ , ଚିଲ୍ ଡ୍ରେନ୍ ପାର୍କ ଓ ଅନ୍ୟାନ୍ୟ ବାଡ ପାଚିରୀ ଘେର ବନ୍ଧର ମଜବୁତ ଲୁହା କାଢି ପୁଣି ନୂଆ ପତଳା ଲୁହାବାଡା ହେଉ , ଚିତ୍ରିତ ପାଚରୀ ଭାଙ୍ଗି ଆଉଥରେ ଅଧାପାଚେରୀ ନିର୍ମାଣ , ସବୁର ଅଭିନବ ବ୍ୟୟ ଅଟକଳ ଉପର ନିର୍ଦ୍ଧାରିତ ?କେବଳ ବଲାଙ୍ଗୀର ମ୍ୟୁନିସିପାଲଟିରେ ଏସବୁ ଭଙ୍ଗାଗଢା , କାହାର ଭଙ୍ଗାଯିବ / ନଯିବ , ନୋଟିସ୍ ଆତଙ୍କ , ଠିକାଠକା , ମିଥ୍ୟାବିଲ୍ ଭାଉଚର , ନୂଆପଡିଆ ପାଚିରୀଚିତ୍ର , ନେତାଖୁସ୍ ଭେଣ୍ଡିଂଯୋନ୍ ଉଦ୍ ଘାଟନ , ଏଲଇଡି କିଣା ଓ ଅନ୍ୟାନ୍ୟ ତଥାକଥିତ ସୌନ୍ଦର୍ଯ୍ୟକରଣରେ ଯେତେ ତେଲ ବାହାରିଲାଣି , କଣ କମ୍ କି  ?