15-Nov-2020

ଲୋଇସିଂହା, (ବିନୋଦ କୁମାର ଦୀପ): ଏସସି, ଏସଟି କଲ୍ୟାଣ ସଂଘ ଆନୁକୂଲ୍ୟରେ ବ୍ଲକସ୍ତରୀୟ କ୍ରାନ୍ତିବୀର ବିର୍ସାମୁଣ୍ଡାଙ୍କ 145 ତମ ଜୟନ୍ତୀ ଲୋଇସିଂହା ଆଦିବାସୀ ଭବନ ଠାରେ ପାଳିତ ହୋଇଯାଇଛି l ଏଥିରେ ପ୍ରାୟ 10ଟି ପଂଚାୟତର ପ୍ରତିନିଧି ଯୋଗ ଦେଇଥିଲେ l ଏହି ଅବସରରେ ମୁଖ୍ୟଅତିଥି ଭାବେ ଆଦିବାସୀ ସମ୍ପ୍ରଦାୟର ଧୀମାନ ଗୋପାଳ ପଧାନ, ଅଧ୍ୟାପକ ଅଭିନାଶ ନାଗ ପ୍ରମୁଖ ମଞ୍ଚାସୀନ ଥିଲେ  l ସଭାକାର୍ଯ୍ୟକୁ ସୁନୀଲ କୁମାର ନନ୍ଦ ସଂଚାଳନ କରିଥିଲେ l ସ୍ୱାଗତ ଅଭିଭାଷଣ ଧୀମାନ ଲାଲମାନ ନାଗ, ଅତିଥି ଭାବେ ବିପିନ ନାଗ ଏବଂ ଧୀମାନ ବ୍ୟାସଦେବ ନାଗ ସମ୍ବିଧାନ ର ମୁଖବନ୍ଧକୁ ପଢିଥିଲେ l ଗୋପାଳ ପଧାନ କ୍ରାନ୍ତିବୀର ବିର୍ସାମୁଣ୍ଡାଙ୍କ ଜୀବନୀ, ଇଂରେଜଙ୍କ ସହ ସଂଘର୍ଷ  ଓ ସମାଜ ପାଇଁ ବିର୍ସାମୁଣ୍ଡାଙ୍କ ବଳିଦାନ ବିଷୟକୁ ଆଲୋଚନା କଲେ ଓ ବ୍ୟାସଦେବ ନାଗ ବିଶେଷ କରି ମୂଳନୀବାସୀ ଅଧିକାର ପାଇଁ ସମସ୍ତଙ୍କୁ ପଢ଼ି ଦୀର୍ଘ ସମୟ ସେହି ମୁତାବକ ସମାଜ ଗଠନ ପାଇଁ ପରାମର୍ଶ ଦେଲେ l ଏହାପରେ ସ୍ବର୍ଗତ ଗୋବିନ୍ଦ ତାଣ୍ଡିଙ୍କ ପରେ ଧୀମାନ ଲାଲମନ ନାଗଙ୍କୁ ଲକ୍ଷେଘର ଗଣ୍ଡା ସମାଜର ସଭାପତି ବେଳେ ସହକାରୀ ସଭାପତି ଭାବେ ହିମାଂଶୁ ସିକ୍କା ହେଲେ ଓ କମିଟି ଫରମେସନ ଲାଗି ଯୋଗୀସରଡା ପଂଚାୟତ ରୁ ଯୁଧିଷ୍ଠିର ବାଗ, ଝାରମୁଣ୍ଡାରୁ ଗୌର କୁମ୍ଭାର, ବୁରଡ଼ା ରୁ ଦୈତାରୀ ନନ୍ଦ, ଦୀପକ ବାରିକ, କୁଟେନପାଳି ରୁ ସରୋଜ କନ୍ଧେର ଓ ଲୋଇସିଂହା ପଂଚାୟତରୁ ସୁଶାନ୍ତ କୁମ୍ଭାର, ସୁରେଶ ନାଗ ବେଳେ ଲକ୍ଷେଘର ଗଣ୍ଡା ସମାଜର ବ୍ଲକ ଉପଦେଷ୍ଟା ଭାବେ ଧିମାନ ସୁନୀଳ ନନ୍ଦଙ୍କୁ ମନୋନୀତ କରା ଯାଇଥିଲା l ଶେଷରେ ଧନ୍ୟବାଦ ଅର୍ପଣ କଲେ ଧୀମାନ ବ୍ୟାସଦେବ ନାଗ l