19-Feb-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ). ତ୍ରିସ୍ତରୀୟ ପଞ୍ଚାୟତ ନିର୍ବାଚନ ର ବିଗୁଲ ବାଜିବା ପରେ ଆଶାୟୀ ଦୌଡରେ ଥିବା ପ୍ରାର୍ଥୀ ଭିନ୍ନ ଭିନ୍ନ ଉପାୟ କରି ଭୋଟ ହାତେଇବା ଆଶାରେ ଲୋକଙ୍କ ପାଖକୁ ପହଞ୍ଚି ଲୋକଙ୍କ ମନ ଜିଣିବାକୁ କଳ,ବଳ,କୌଶଳ ଖଟାଇ ଜିତିବାକୁ ପ୍ରାଣପଣେ ଚେଷ୍ଟା ଚଳାଇଛନ୍ତି। ତେବେ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ପଞ୍ଚାୟତ ର ୧୪ ନମ୍ବର ୱାର୍ଡ ପାଇଁ ସଭ୍ଯ ହେବାପାଇଁ ପ୍ରାର୍ଥୀ ଏକ ଅଭିନବ ଉପାୟ ଆପଣେଇ ଥିବା ଦେଖା ଦେଇଛି । ଏହି ୱାର୍ଡ ରେ ତିନିଜଣ ପ୍ରାର୍ଥୀ ସଭ୍ଯ

ଆଶାୟୀ ଥିବାବେଳେ। ତାଙ୍କ ମଧ୍ଯରୁ ଜଣେ ଆଶାୟୀ ପ୍ରାର୍ଥୀ ନୁତନ ସାହୁ ଜଣେ ଶିକ୍ଷିତ ଯୁବକ ହୋଇଥିବା ବେଳେ ସେ ଲଗାତାର ଦୁଇ ଥର ସଭ୍ଯ ପଦରେ ଉଠିଥିଲେ ହେଁ ସଫଳ ହୋଇ ପାରିନଥିଲେ। ତେଣୁ ଏଥର ତୃତୀୟ ଥରରେ ଯେ କୌଣସି ପ୍ରକାରେ ସଭ୍ଯ ପଦବୀ ଭୋଟ ଜିତିବାର ଆଶା ତେଣୁ ଅନ୍ୟ ମାନଙ୍କ ପରି ମଦ , ମାଂସ , ଟଙ୍କାର ସାହାରା ନ ନେଇ ସେ ଭଗବାନ ଶ୍ରୀ ରାମଚନ୍ଦ୍ର ଙ୍କ ପରମ ଭକ୍ତ ହନୁମାନଙ୍କ

ବେଶରେ ଭୋଟରଙ୍କ ପାଖକୁ ଯାଇ ଆପଣ ପ୍ରଭୁ ଶ୍ରୀରାମ ହେଲେ ମୁଁ ହନୁମାନ ହୋଇ ଆପଣ ମାନଙ୍କ ସେବା କରିବି ବୋଳି ଭୋଟରଙ୍କୁ ମତଉଥିବା ଦେଖା ଯାଇଥିଲା। ଏପରି ପ୍ରଚାର କରି ସେ ଭୋଟରଙ୍କ ମନ କେତେ ଜିଣି ପାରିଛନ୍ତି ତାହା ଭୋଟ ପରେ ଜଣାପଡିବ । କିନ୍ତୁ ଏପରି ପ୍ରଚାର ଛୋଟ ଛୋଟ ଛୁଆ ଓ ଦେଖଣାହାରୀଙ୍କ ପାଇଁ ବେଶ ମଜାଲିଆ ଥିଲା ।