11-Feb-2022

ଢେଙ୍କାନାଳ / ନିର୍ବାଚନ ପାଖେଇ ଆସୁଥିବା ବେଳେ ବଢ଼ି ଚାଲିଛି ପ୍ରଚାର ଉଷ୍ମତା । ଅନେକ ସ୍ଥାନରେ ଦେଖାଦେଇଛି ନିର୍ବାଚନି ହିଂସା। ସେହିପରି ଏକ ଅଭାବନୀୟ ଘଟଣା ଘଟିଛି ଢ଼େଙ୍କାନାଳ ଜିଲ୍ଲା ନିହଲପ୍ରସାଦ ଥାନା ଅନ୍ତର୍ଗତ ଵେଗା ଗ୍ରାମ ରେ। ପୋଷ୍ଟର ଚିରାକୁ ନେଇ ହୋଇଛି ଗଣ୍ଡଗୋଳ। ବୁଧବାର ଦିନ ଜଣେ  ସରପଂଚ ପ୍ରାର୍ଥୀ ନିର୍ବାଚନ ଆଚରଣବିଧି ତଥା କୋରନା କଟକଣା କୁ ଫୁ କରି ଖୋଲାଖୋଲି  ଵଟସେନା ନାମରେ କରିଥିଲେ ବାଇକ୍ ରାଲି। ନା ଥିଲା ମୂହଁ ରେ ମାକ୍ସ ନା ଥିଲା ସାମାଜିକ ଦୂରତା। ସବୁ ନିୟମକାନୁନ କୁ ଦଳିଚକଟି ରାଲିରେ ମଦ ମାଂସ ରେ  ଭାସିଥିଲେ ସମର୍ଥକ। ସେତିକି ରେ ସରିନଥିଲା ବଟ ସେନା ର କାମ lରାତି ୧୧ଟା ବେଳେ ଅତ୍ୟଧିକ ମଦ୍ୟପାନ କରି ଅନ୍ୟ ପ୍ରାର୍ଥୀଙ୍କ ପୋଷ୍ଟର ଚିରିବା ସହ ସାହି ଭିତରେ ପଶି ଅଭଦ୍ର ଭାଷା ରେ ଗାଳିଗୁଲଜ କରିବାକୁ ପଛାଇ ନଥିଲେ l ଯାହାକୁ ଦେଖି ବିରୋଧ କରିଥିଲେ କିଛି ସ୍ଥାନୀୟ ଯୁବକ। ଏଥିରେ ଉତ୍କ୍ଷିପ୍ତ ହୋଇ ବଟ ସେନା ଯୁବକ ମାନେ ଲୁହା ରଡ଼ ଓ କାଠ ଫାଳିଆରେ ଆକ୍ରମଣ କରିଥିଲେ। ଖବର ପାଇ ଘଟଣାସ୍ଥଳରେ ନିହଲପ୍ରସାଦ ପୋଲିସ ପହଞ୍ଚି ଆହତମାନଙ୍କୁ ଡାକ୍ତରଖାନା ପଠାଇ ଥିଲେ। ଉକ୍ତ ଘଟଣାରେ ଥାନାରେ ଉଭୟଙ୍କ ପକ୍ଷରୁ ମାମଲା ରୁଜୁ କରାଯାଇଛି ଯାହାର ତଦନ୍ତ ଚାଲିଥିବା ଥାନା ଅଧିକାରୀ କହିଛନ୍ତି। ଏଠାରେ ପ୍ରଶ୍ନ ଉଠେ ଏ ଵଟସେନା କିଏ ଓ କିଏ କରୁଛି ଏପରି ଉତ୍ପାତ ? କାହା ଵଳରେ ବଳିୟାନ ଏମାନେ ? ଯଦି ସରପଞ୍ଚ ନହେଉଣୁ ଏତେ ତାହେଲେ ସରପଞ୍ଚ ହେଲେ କେତେ, ଏବେଏମିତି ତମାମ ପ୍ରଶ୍ନ   ବେଗା ପଞ୍ଚାୟତ ବାସୀଙ୍କ ମନରେ ଉଙ୍କି ମାରୁଥିବା ବେଳେ  ଘଟଣାକୁ ନେଇ ଉକ୍ତ ପଞ୍ଚାୟତରେ ଲାଗି ରହିଛି ତିକ୍ତତା।