09-Feb-2022

ବଲାଙ୍ଗୀର: ( ମଳୟ ମିଶ୍ରଙ୍କ ରିପୋର୍ଟ ): ତୁରେକେଲା ବ୍ଲକ୍ ର ଏକ ଗ୍ରାମସ୍ଥିତ ଏକ ହାଇସ୍କୁଲ ତଥା ଏମ ଇ ସ୍କୁଲ୍ ରଏକ ବାଳିକା ହଷ୍ଟେଲର ଜଣେ ଦଶମଶ୍ରେଣୀ ଛାତ୍ରୀଙ୍କର ଆଇଡେଣ୍ଟିକାର୍ଡରେ ତାଙ୍କର ପ୍ରକୃତ ନାମ ଓ ଠିକଣା ବଦଳାଯାଇଥିବା ସମ୍ପର୍କୀୟ ଏକ ଅବୈଧ କାର୍ଯ୍ୟକଳାପର ପ୍ରମାଣ ଆମର ହସ୍ତଗତ ହୋଇଛି । ଏହି ବ୍ଲକ୍ ର ଗଭରା ଗ୍ରାମର ଉକ୍ତ ଛାତ୍ରୀଙ୍କର ପ୍ରକୃତ ପିତାମାତାଙ୍କ ନାମ ଅଲଗା ହୋଇଥିବାବେଳେ , ତାଙ୍କର ସ୍କୁଲ୍ ଆଇଡେଣ୍ଟିକାର୍ଡରେ ତାଙ୍କ ପିତାଙ୍କ ନାମ ଉକ୍ତ ଗ୍ରାମର ଏମ ଇ ସ୍କୁଲ୍ ର ପ୍ରଧାନଶିକ୍ଷକଙ୍କ ନାମ ଓ ମାଆଙ୍କ ନାମ ଉକ୍ତ ସ୍କୁଲ୍ ର ଏକ ସ୍ବତନ୍ତ୍ର ଯୋଜନାର ବାଳିକା ହଷ୍ଟେଲର ଉଆଡେନ୍ ଙ୍କ ନାମ ମୁଦ୍ରିତ ହୋଇଥିବା ଦେଖାଯାଇଛି । ଏହି ଆଇଡେଣ୍ଟି କାର୍ଡଟି ଉକ୍ତ ହଷ୍ଟେଲର ସୁପରିନ୍ ଟେଣ୍ଡେଣ୍ଟଙ୍କ ଜରିଆରେ କେହି ଏଭଳି ଅବୈଧ କାମର ତଦନ୍ତ ପାଇଁ ଗଣମାଧ୍ୟମକୁ ପଠାଇଥିବା କୁହାଯାଉଛି ।

 ତେବେ ଆମେ ଉକ୍ତ ଛାତ୍ରୀ , ଶିକ୍ଷକ ଶିକ୍ଷୟିତ୍ରୀ ଓ ସ୍କୁଲ୍ ତଥା ହଷ୍ଟେଲର ମର୍ଯ୍ୟାଦା ଦୃଷ୍ଟିରୁ ଯଥାସମ୍ଭବ ଗୋପନ ରଖି ଉକ୍ତ ଅଞ୍ଚଳର ଲୋକଙ୍କ ଅଭିଯୋଗକ୍ରମେ ଏ ସମ୍ପର୍କରେ ଲିଖିତ ଉକ୍ତ ପ୍ରଧାନଶିକ୍ଷକଙ୍କ ଲକ୍ଷାଧିକ ଟଙ୍କାର ଆର୍ଥିକ ଅନିୟମିତତା ସହିତ ଅଞ୍ଚଳରେ ଚର୍ଚ୍ଚାର ବିଷୟ ହୋଇ ଉଠିଥିବା ଏ ସମ୍ପର୍କରେ ତଳସ୍ତରରେ ନାମମାତ୍ର ତଦନ୍ତ କରି ଚପାଇ ଦିଆଯାଇଥିବା ଏହି ଗୁରୁତର ଅଭିଯୋଗ ଓ ଚର୍ଚ୍ଚାର ଏକ ଉଚ୍ଚସ୍ତରୀୟ ତଦନ୍ତ ପୂର୍ବକ ପ୍ରକୃତ କାରଣ ବାହାର କରାଯିବାକୁ  ଗଣଶିକ୍ଷାବିଭାଗ ବନାମ ସରକାରଙ୍କ ଦୃଷ୍ଟିଆକର୍ଷଣ କରୁଛୁଁ ।

ସୂଚନାଯୋଗ୍ୟ, ଗତ କିଛି ଦିନ ତଳେ ଏହି ସ୍କୁଲରେ ଗତ ୨୦୧୨ରୁ କ୍ରମାଗତ ଭାବେ ରହିଆସିଥିବା ପ୍ରଧାନଶିକ୍ଷକଙ୍କ ବିରୋଧରେ ପିଲାଙ୍କ ଷ୍ଟାଇପେଣ୍ଡ୍ ଟଙ୍କା , ମଧ୍ୟାହ୍ନଭୋଜନ ଚାଉଳ ହଡପ ଓ ଅନ୍ୟାନ୍ୟ ଆର୍ଥିକ ଅନିୟମିତତା ଅଭିଯୋଗ କରି ଗ୍ରାମବାସୀଙ୍କ ପକ୍ଷରୁ ତୁରେକେଲା ବିଇଓଙ୍କ ସମେତ ଜିଲ୍ଲା ଶିକ୍ଷାଧିକାରୀ ଓ ଜିଲ୍ଲାପାଳଙ୍କୁ ଲିଖିତ ଅଭିଯୋଗ କରାଯାଇଥିଲା । ଦୀର୍ଘଦିନ ଧରି ଏହାର ତଦନ୍ତ ସୁଦ୍ଧା କରାଯାଇ ନଥିଲା । ହଠାତ୍ ଯୁଗ୍ମଦାୟିତ୍ୱରେ ଥିବା ବିଇଓଙ୍କର ଖପ୍ରାଖୋଲକୁ ବଦଳି ହୋଇଗଲା ଓ ଏବିଇଓ ଯାଇ ଯଥାକଥା ନାମମାତ୍ର ତଦନ୍ତ କରି ଫେରିଆସିଲେ । ଆହୁରିମଧ୍ୟ ଗ୍ରାମବାସୀଙ୍କ ଅଭିଯୋଗକୁ ଭିତ୍ତିକରି କଣ୍ଟାବାଞ୍ଜିର ଜଣେ ସାମ୍ବାଦିକଙ୍କ ଦ୍ବାରା ଏବିଷୟରେ ଗଣମାଧ୍ୟମରେ ଖବର ପ୍ରକାଶ ପାଇବାରୁ ସ୍ଥାନୀୟ ଏକ ସାମ୍ବାଦିକସଂଘ ଉକ୍ତ ଅଭିଯୁକ୍ତ ପ୍ରଧାନଶିକ୍ଷକଙ୍କ ପାଇଁ ସମ୍ପୃକ୍ତ ସାମ୍ବାଦିକଙ୍କୁ ମାଡ ମାରିବା ଘଟଣାରେ କଣ୍ଟାବାଞ୍ଜି ଥାନାରେ ମାମଲା ଋଜୁ ହୋଇଛି । ଉକ୍ତ ଅଭିଯୁକ୍ତ ପ୍ରଧାନଶିକ୍ଷକ ଏଥିପାଇଁ ପଚାଶହଜାର ଟଙ୍କା ଖର୍ଚ୍ଚ କରିଥିବା କୁହାଯାଇଥିଲା । ସେଥିରେ ସଫଳକାମ ନ ହେବାରୁ ଉକ୍ତ ଅଭିଯୁକ୍ତ ପ୍ରଧାନଶିକ୍ଷକ ମଧ୍ୟ ସ୍ଥାନୀୟ ହାସପାତାଳରେ ଭର୍ତ୍ତି ହୋଇଯାଇଥିଲେ । ତେବେ ସେ ଯାହାହେଉ , ତାଙ୍କ ପତ୍ନୀଙ୍କ ତତ୍ତ୍ୱାବଧାନରେ ଥିବା ହଷ୍ଟେଲର ଜଣେ ଯୁବତୀଛାତ୍ରୀଙ୍କର ନାମ ଠିକଣା ବଦଳାଇ ସେ ନିଜେ ତା'ର ଅଭିଭାବକ ବା ପିତାମାତା ପାଲଟିବାର କାରଣ କ'ଣ , ଏହା ରହସ୍ୟମୟ ଜଣାପଡୁଛି ।ଏଣୁ ଏହା ଏହି ଅଞ୍ଚଳର ଝରଣୀ ଗ୍ରାମର କଳାହାଣ୍ଡିଜିଲ୍ଲା ମହାଲିଙ୍ଗ କଲେଜ ସଂଲଗ୍ନ ସନ୍ ସାଇନ୍ ପବ୍ଲିକ୍ ସ୍କୁଲ୍ ର ଅଧ୍ୟକ୍ଷା ମମିତା ମେହେରଙ୍କୁ ସେହି କଲେଜ ତଥା ସ୍କୁଲର ସଭାପତି ବନାମ ମାଲିକ ଗୋବିନ୍ଦ ସାହୁ ପରକୀୟା ପ୍ରେମ ଯୋଗୁଁ ହତ୍ୟା କରି ପୋଡି ପୋତିଦେବା ଘଟଣା ରାଜ୍ୟବ୍ୟାପି ନିଆଁ ଜଳାଇଦେଲା ପରି ଏହା ଯେ ଶିକ୍ଷାବିଭାଗର ଅବୈଧ କାରବାର ଯୋଗୁଁ ସେଭଳି ନ ହେବ , କୁହାଯାଇପାରିବ ନାହିଁ । ଉକ୍ତଗ୍ରାମରେ ଉକ୍ତ ଅଭିଯୁକ୍ତ ପ୍ରଧାନଶିକ୍ଷକଙ୍କୁ ଆଉ ଜଣେ ଗୋବିନ୍ଦ ସାହୁ ବୋଲି ସେ ସମୟରୁ ଅଦ୍ୟାବଧି ଚର୍ଚ୍ଚା ହୋଇଆସୁଛି !
 

ଚର୍ଚ୍ଚା ଓ ଅଭିଯୋଗ ଅନୁଯାୟୀ , ଛାତ୍ରୀଜଣକୁ ଉକ୍ତ ଅଭିଯୁକ୍ତ ପ୍ରଧାନଶିକ୍ଷକ ନିଜ ଝିଅ ପରିଚୟ ଦେଇ ବିଭିନ୍ନ ସ୍ଥାନକୁ ନେଇ ଲଜ୍ ରେ  ରଖିବାର ସୁବିଧାଦୃଷ୍ଟିରୁ ଏପରି କରିଛନ୍ତି । ଛାତ୍ରୀଜଣକ କିଛିଦିନତଳେ ଲକ୍ ଡାଉନ ସମୟରେ ଅବୈଧଭାବରେ ତାଙ୍କ ଦ୍ବାରା ଗର୍ଭବତୀ ହୋଇପଡିଥିବା ଓ ସେ ତାକୁ ନେଇ କେଉଁଠି ଗର୍ଭପାତ କରାଇଥିବା ଉକ୍ତ ଗ୍ରାମରେ ଚର୍ଚ୍ଚା ଜୋର୍ ଧରିଛି । ଏପରିକି ସେ ହଷ୍ଟେଲର ଝିଅର ନାଁ ସହ ସମାନ ନାଁ' ଥିବା ଜଣେ ରାନ୍ଧୁଣି ର ଘରେ ତାକୁ ମକର ବସାଇ ପ୍ରାୟ ମାସେକାଳ ରଖାଇଥିବା କଥା ମଧ୍ୟ ଶୁଣିବାକୁ ମିଳିଛି । ପତ୍ନୀଙ୍କ ସରଳବିଶ୍ବାସର ଫାଇଦା ନେଇ ଅଭିଯୁକ୍ତ ପ୍ରଧାନଶିକ୍ଷକ ଜଣକ ଏଭଳି ଅବୈଧ କାର୍ଯ୍ୟକଳାପ ଚଳାଇବା ସହିତ ଯଥେଷ୍ଟ ପରେ ପିଲାଙ୍କ ଷ୍ଟାଇପେଣ୍ଡ୍ ଟଙ୍କା ବ୍ୟାଙ୍କରୁ ଉଠାଇ ଏହି ବିଷୟରେ ଗଣମାଧ୍ୟମରେ ଲୋଚନକୁ ଆସିବାରୁ ଜିପିଏଫ୍ ଉଠାଇ ଘର ଘର ବୁଲି ପିଲାଙ୍କ ଟଙ୍କା ଫେରେଇଥିବା ଶୁଣାଯାଇଛି । ଏସବୁ ସମ୍ପୃକ୍ତଅଞ୍ଚଳରେ ଗତ କେଇମାସ ହେଲା ଚର୍ଚ୍ଚାର ବିଷୟବସ୍ତୁ ହୋଇଛି । ବିଭାଗୀୟ ଅଧିକାରୀମାନେ ସବୁ ଜାଣି ଘଟଣାକୁ ଚପାଇଦେଉଥିବା କୁହାଯାଉଛି । ଅଞ୍ଚଳରେ ଏହା ଚର୍ଚ୍ଚିତ ହୋଇପଡିବାରୁ ଉକ୍ତ ଅଭିଯୁକ୍ତ ପ୍ରଧାନଶିକ୍ଷକ ଜଣକ ଚିକିତ୍ସା ଆଳରେ ଦୀର୍ଘ ଛୁଟିନେଇ ଅନୁପସ୍ଥିତ ରହିଥିବା କୁହାଯାଉଛି ।