08-Feb-2022

 ବିନିକା(ହିମାଂଶୁ ଶେଖର ପୁଟେଲ): ତ୍ରୀସ୍ତରୀୟ ପଞ୍ଚାୟତ ନିର୍ବାଚନ ମତଦାନ ଯେତେ ନିକଟତର ହେଉଛି ସେତିକି ଭାବରେ ଭୋଟର ଜନାର୍ଦ୍ଦନଙ୍କ ଉତ୍ସାହ ବଢ଼ିବାରେ ଲାଗିଛି ।ପ୍ରାର୍ଥୀ/ପ୍ରାର୍ଥୀନୀ ମାନେ ଭୋଟରଙ୍କୁ ଆତ୍କୁଷ୍ଟ କରିବା ପାଇଁ ବିଭିନ୍ନ ପନ୍ଥା ଅବଲମ୍ବନ କରି ଦିନରାତି ଲାଗି ପଡିଛନ୍ତି । ଏମିତିକା ଦେଖୀବାକୁ ମିଳିଛି ବିନିକା ବ୍ଲକ ଚରଦା ପଞ୍ଚାୟତରେ । ଏଠାରେ   ବିନିକା ବ୍ଳକ ଅନ୍ତର୍ଗତ ଭଣ୍ଡାର ପଞ୍ଚାୟତ ଗୁଲୁଣ୍ଡା ଗ୍ରାମର ଚାଷୀ ନେତା ଭୀମସେନ ସାହୁଙ୍କ ଧର୍ମପତ୍ନୀ ନଳିନୀ ସାହୁ ଗତ ୨୦୧୨ରୁ୨୦୧୭ ମସିହାରେ ବିନିକା ବ୍ଳକ ଅଧ୍ୟକ୍ଷା ଭାବେ କାର୍ଯ୍ୟ ତୁଲାଇଥିବା ବେଳେ ପୁଣିଥରେ ବ୍ଲକର ଅଧ୍ୟକ୍ଷା ପଦ ହାତେଇବା ପାଇଁ ନିର୍ବାଚନ ଯୁଦ୍ଧରେ ଅବତୀର୍ଣ୍ଣ ହୋଇ ସମିତିସଭ୍ୟାରେ ପ୍ରତିଦ୍ବନ୍ଦିତା କରୁଛନ୍ତି । ଠିକ ସେହିପରି ୨୦୧୭ରୁ୨୦୨୨ ବିନିକା ବ୍ଲକର ଅଧ୍ୟକ୍ଷ ଥିବା ସିଂହିଯୁବା ଗ୍ରାମର ଅଶୋକ ନନ୍ଦଙ୍କ ଧର୍ମପତ୍ନୀ ଦିପ୍ତିରେଖା ନନ୍ଦ ମଧ୍ୟ ନିର୍ବାଚନ ମଇଦାନରେ ରହିଛନ୍ତି ।ଉଭୟ ସମିତିସଭ୍ୟା ବିଜେଡ଼ି ଦଳର ହୋଇଥିବାରୁ କିଏ ଏହି ସିଟ କବଜା କରିବ ସେନେଇ ସବୁଆଡେ ଚାଲିଛି ଚର୍ଚ୍ଚା । କାରଣ ଏହି ସିଟ ଯିଏ ଅକ୍ତିଆର କରିବ କୁଆଡେ ସେହୀ ପ୍ରାର୍ଥୀନୀ ଜଣକ ବିନିକା ବ୍ଳକ ଅଧ୍ୟକ୍ଷା ପଦ ଆସନ ଅଳଙ୍କୃତ କରି ପାରନ୍ତି  ବୋଲି ସାରା ବିନିକା ଅଞ୍ଚଳ ବାସୀଙ୍କ ଠାରେ କଳ୍ପନା ଜଳ୍ସନା ଚାଲିଥିବାରୁ ସମସ୍ତଙ୍କର ନଜର ଉକ୍ତ ପଞ୍ଚାୟତ ଉପରେ । ତେଣୁ ଏହି ଦୁଇ ହେବିୱେଟଙ୍କ ନିର୍ବାଚନ ପ୍ରଚାର ସରଗରମ ହୋଇଉଠିଛି । ପ୍ରତିଦ୍ବନ୍ଦିତାରେ ଥିବା ପୂର୍ବତନ ଅଧ୍ୟକ୍ଷା ତଥା ସମିତିସଭ୍ୟା ନଳିନୀ ସାହୁ ତାଙ୍କ ସମର୍ଥକଙ୍କ ଗ୍ରହଣରେ ଇତି ମଧ୍ୟରେ ପଞ୍ଚାୟତର ଫୁଲମୁଠି,ପୂଜାରୀ ସାହାଜଵାହାଲ,ଚରଦା ଗ୍ରାମର କୋଣ ଅନୁକୋଣରେ ବସବାସ କରୁଥିବା ଲୋକଙ୍କ ଘରକୁ ଘର ଯାଇ ପ୍ରଚାର କାର୍ଯ୍ୟକୁ ଯୋର କରି ଦେଇଥିବା ବେଳେ ପୂର୍ବତନ ବ୍ଳକ ଅଧ୍ୟକ୍ଷ ଅଶୋକ ନନ୍ଦ ମଧ୍ୟ ତାଙ୍କ ଧର୍ମପତ୍ନୀ ଦୀପ୍ତିରେଖାଙ୍କ ବିଜୟୀ

ପାଇଁ ପ୍ରଚାର ପ୍ରସାର କାର୍ଯ୍ୟକୁ ଜୋରଦାର କରିଛନ୍ତି । ରାଜନୀତି ଉଷ୍ମତାକୁ ତର୍ଜମା କଲେ ନଳିନୀଙ୍କ ପଲାଭାରୀ ଧୀରେ ଧୀରେ ବଡୁ ଥିବା ଭୋଟର ଙ୍କ ଠାରୁ ଶୁଣା ଯାଉଛି  ।ତେବେ ନଳିନୀ ସାହୁ ୫ବର୍ଷ ଧରି ଅଧ୍ୟକ୍ଷା ଦାୟିତ୍ଵ ତୁଲାଇ ରାଜନୀତି ତଥା ଅଞ୍ଚଳର ବିକାଶ କାର୍ଯ୍ୟ ତ୍ବରାନ୍ବିତ କରିବା ଦିଗରେ ଅଭିଜ୍ଞତା ସହ ସମସ୍ତଙ୍କ ସହିତ ସୁସମ୍ପର୍କ ସ୍ଥାପନ ରଖିଥିବା  ବେଳେ ରାଜନୀତି ନିର୍ବାଚନରେ ଦୀପ୍ତିରେଖା ନୂଆଁ କରି ପାଦ ପକାଇଛନ୍ତି । କିଛିଦିନ ତଳେ ପ୍ରାର୍ଥୀନୀ ନଳିନୀ ସାହୁଙ୍କୁ ଫୁଲମୁଠି ଗ୍ରାମର ସମସ୍ତ ମହିଳା ସ୍ୱତପ୍ରବୃତ୍ତ ଭାବେ ସମର୍ଥନ ଦେଇ ଏକ ରେଳିରେ ଗ୍ରାମ ପରିକ୍ରମା ସହ ହୁଳହୁଳି ଦେବା ନିର୍ବାଚନ ବାତାବରଣକୁ ଆହୁରି ସରଗରମ କରି ଦେଇଛି।  ନିର୍ବାଚନ ମତଦାନ ଯେତିକି ପାଖେଇ ଆସୁଛି ସେତିକି ମାତ୍ରାରେ ରାଜନୈତିକ ଉଷ୍ମତା ବଢିବାରେ ଲାଗିଛି ।  ମତଦାନ ଦିନ ପର୍ଯ୍ୟନ୍ତ ନିର୍ବାଚନ ବାତାବରଣ ଯଦି ଏହିଭଳି ଭାବରେ ବଳବତ୍ତର ରୁହେ ତେବେ ଭୋଟରଙ୍କ ମତଦାନ ପର୍ଯ୍ୟନ୍ତ କିଏ ଜିତିବ କିଏ ହାରିବ  ଆକଳନ କରିବା ମସ୍କିଲ ବୋଲି ରାଜନୀତି ମହଲରେ ଆଲୋଚନା ହେଉଛି ।