29-Jan-2022

କର୍ଲାମୁଣ୍ଡା:(ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରେଗଡା  ପଞ୍ଚାୟତର  ଯୋଗିପଲା ଗ୍ରାମର  ୮ ନଂ. ୱାର୍ଡ  ରେ ୪୦ ଜଣଙ୍କ ନାଁ ଭୋଟର ତାଲିକାରୁ ବାଦ୍‌ ପଡ଼ିଛି। ଏନେଇ ଗ୍ରାମବାସୀ ଅସନ୍ତୋଷ ପ୍ରକାଶ କରି ସାମ୍ବିଧାନିକ ଅଧିକାର ପାଇଁ   ଉପଜିଲ୍ଲାପାଳ ଙ୍କୁ ଲିଖିତ ଭାବେ ଅଭିଯୋଗ କରିଛନ୍ତି।  ସୂଚନା ମତେ ଏହି ୱାର୍ଡ ରେ ପୂର୍ବରୁ ୧୩୦ ଜଣ ଭୋଟ ର ରହିଥିବା ବେଳେ ତାହା ବର୍ତ୍ତମାନ ୯୦ ଜଣ ଭୋଟର ଙ୍କ ନାମ ରହିଥିବା ଜଣା ପଡ଼ିଛି । ଭୋଟର ମାନେ ବ୍ଲକ ପ୍ରଶାସନ ନିକଟରେ ବାରମ୍ବାର ଅଭିଯୋଗ କରିଥିଲେ ମଧ୍ୟ କୌଣସି ଲାଭ ହେଉନଥିବା  ଶ୍ରୀମୁଖ ଭୋଇ କହିଛନ୍ତି।ଏନେଇ ରେଗଡା ଗ୍ରାମ ପଞ୍ଚାୟତ ର କାର୍ଯ୍ୟ ନିର୍ବାହୀ ଅଧିକାରୀ ଓଁମ ଜଗଦିଶ୍ୱର ଜାନୀ  ଙ୍କୁ ପଚାରିବାରୁ ପୂର୍ବରୁ ସମସ୍ତ ଙ୍କ ନାମ ଥିଲା ,ଟାଇପିଙ୍ଗ ଓ ପ୍ରିଣ୍ଟିଂଗ ସମୟରେ ଏମିତି ଭୁଲ ହେଈଛି ବୋଲି କହିଛନ୍ତି।ଯଥାଶୀଘ୍ର ଜିଲା ପ୍ରଶାସନ ଏହାକୁ ଗୁରୁତ୍ୱ ଦେଇ କାର୍ଯ୍ୟାନୁଷ୍ଠାନ ଗ୍ରହଣ ନ କଲେ ମତଦାନ ଦିନ ଭୋଟ ଗ୍ରହଣ କେନ୍ଦ୍ର ସମ୍ମୁଖରେ  ଧାରଣା ଦେବାକୁ ବାଦ ପଡିଥିବା ଭୋଟର ମାନେ ଚେତାବନୀ ଦେଇଛନ୍ତି।