28-Jan-2022

ଉଲୁଣ୍ଡା,(ଗୌରଚନ୍ଦ୍ର ପରିଛା) ଉଲୁଣ୍ଡା ବ୍ଲକ କୁକିଆ ଠାରେ ୫ତମ ଉଷାଦେବୀ ସ୍ମାରକୀ କ୍ରିକେଟ ଟୁର୍ଣ୍ଣାମେଂଟ ଉଦଘାଟିତ ହୋଇଯାଇଛି । ସ୍ଥାନୀୟ ପତ୍ରାଗାର୍ଡେନ ଠାରେ ଆୟୋଜିତ ହୋଇଥିବା ଏହି ଟୁର୍ଣ୍ଣାମେଂଟରେ ସୋନପୁରକୁ ହରାଇ ବଲାଙ୍ଗୀର ଦଳ ସେମିଫାଇନାଲରେ ପ୍ରବେଶ କରିଛି । ଆୟୋଜକ ସଭାପତି ପିଙ୍କୁ ପୁରୋହିତଙ୍କ ଅଧ୍ୟକ୍ଷତା ଏବଂ ସଂପାଦକ ବସନ୍ତ ପଣ୍ଡାଙ୍କ ସଂଯୋଜନାରେ ହୋଇଥିବା ଉଦଘାଟଣୀ ଉତ୍ସବରେ ସ୍ଥାନୀୟ ସରପଂଚ  ରେବତୀ ବିଶ୍ୱାଲ, କୈଲାସ ଚନ୍ଦ୍ର ପୁରୋହିତ, ଉରୁକ୍ରମ ପାଣ୍ଡିଆ ଯୋଗଦେଇ ଅତିଥି ଭାବରେ ଯୋଗଦେଇ ଖେଳକୁ ଉଦଘାଟନ କରିଥିଲେ ।  ପ୍ରଥମ କ୍ୱାଟର ଫାଇନାଲରେ ବିସିସି ସୋନପୁର  ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୯ ଉଇକେଟ ହରାଇ ୧୩୨ ରନ କରିଥିଲା । ଦଲପକ୍ଷରୁ ସର୍ବାଧିକ  ମନୋଜ ବଡଚାଟ ୩୯ ରନ ଏବଂ ହରିଶଙ୍କର ମଲ୍ଲିକ ୨୨ ରନ କରିଥିଲେ । ଏହାର ଜବାବରେ ଜିଏନସିସି ବଲାଙ୍ଗିର ଦଲ ୧୬.୨ ଓଭରରେ ଦୁଇ ଉଇକେଟ ହରାଇ ଆବଶ୍ୟକ ରନ ସଂଗ୍ରହ କରି ସେମିଫାଇନାଲରେ ପ୍ରବେଶ କରିଛି । ଖେଳକୁ ରଘୁବୀର ମିଶ୍ର ଓ ଶ୍ରୀବନ୍ତ ନାଏକ ପରିଚାଲନା କରିଥିବା ବେଳେ ଦିନେଶ ଘିବିଲା ଓ ବିଶ୍ୱନାଥ ନାଏକ ସ୍କୋରର ଦାଇତ୍ୱ ତୁଲାଇଥିଲେ । ମ୍ୟନଅଫଦ ମ୍ୟାଚ ଭାବରେ ଶିବରାଜ ମଲ୍ଲିକଙ୍କୁ ପୁରସ୍କୃତ କରାଯାଇଥିଲା ।