24-Jan-2022

କୁଚିଣ୍ଡା,(ସଂଜୀବ ପାଣିଗ୍ରାହୀଙ୍କ ରିପୋର୍ଟ): କୁଚିଣ୍ଡା ନିକଟସ୍ଥ ପତ୍ରାପାଳି ଠାରେ ଚାଇଲ୍ଡ ଲାଇନ୍ ଓ ନେତାଜୀ ସଂଘ ପକ୍ଷରୁ ନମାନି ହେମ୍ବ୍ରମଙ୍କ ସଭାପତିତ୍ବରେ ମହାତ୍ମା ଗାନ୍ଧୀଙ୍କ ଓଡ଼ିଶା ଆଗମନର ଏକ ଶତ ବର୍ଷ ପୂର୍ତ୍ତି ସହ ନେତାଜୀ ସୁଭାଷ ଚନ୍ଦ୍ର ବୋଷ ଙ୍କ ୧୨୫ ଜନ୍ମ ଶତ ବାର୍ଷିକୀ ଓ ଜାତୀୟ ବୀର ସୁରେନ୍ଦ୍ର ସାଏ ଙ୍କ ଜନ୍ମ ବାର୍ଷିକୀ ମିଳିତ ଭାବରେ ପାଳିତ ହୋଇ ଯାଇଛି I ଏଥିରେ ଅବସରପ୍ରାପ୍ତ ଅଧ୍ୟକ୍ଷ,ସମାଜସେବୀ  ସାହିତ୍ୟିକ ସୁବାସ ଚନ୍ଦ୍ର ନାୟକ ମୁଖ୍ୟ ଅତିଥି ଭାବରେ ଯୋଗଦେଇ ନେତାଜୀ ହିଁ ପ୍ରଥମେ ଗାନ୍ଧୀଙ୍କୁ ଜାତିର ଜନକ ଭାବରେ ସମ୍ବୋଧିତ କରିଥିଲେ ବୋଲି କହିଥିଲେ । ସମ୍ବଳ ବୀର ବୀରସୁରେନ୍ଦ୍ର ସାଏ ଙ୍କ ସଂଗ୍ରାମ ସପର୍କରେ ଆଲୋଚନା ମଧ୍ୟ କରିଥିଲେ । ସାମାଜିକ କର୍ମୀ ସରୋଜ ମେହେର ସମ୍ମାନିତ ଅତିଥି ଭାବରେ ଯୋଗ ଦେଇ ବରପୁତ୍ର ମାନଙ୍କ ଜୀବନୀ ଉପରେ ଆଲୋଚନା କରିଥିଲେ । ପ୍ରାରମ୍ଭରେ ଚାଇଲ୍ଡ ଲାଇନର କର୍ମୀ ସ୍ୱେତାଙ୍ଗିନି ବାରିକ  ସ୍ଵାଗତ ଭାଷଣ ଦେବା ସହ ଅତିଥି ପରିଚୟ ପ୍ରଦାନ କରିଥିଲେ ।ପ୍ରାରମ୍ଭରେ ଅତିଥି ଗଣ ମହାତ୍ମା ଗାନ୍ଧୀ,ନେତାଜୀ ସୁଭାଷ ବୋଷ ଓ ବୀର ସୁରେନ୍ଦ୍ର ସାଏ ଙ୍କ ତୈଳ ଚିତ୍ରରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଜଣାଇଥିଲେ । ଅନ୍ୟ ମାନଙ୍କ ମଧ୍ୟରେ ଅରୁଣୋଦୟ ସ୍କୁଲ ର ଶିକ୍ଷକ ଲୁମ୍ବିନୀ ନାୟକ,ରେଖବତି ନାୟକ, ଗୋଲାପି ଦେହୁରୀ, ଗୀତାଞ୍ଜଳି ସାହୁ,ମାଧବୀ ଲତା ସାହୁ,ସୁପ୍ରିୟା ପୃସେଠ୍ ,ଓମ୍ ବୁଡା ପ୍ରମୁଖ କାର୍ଯ୍ୟକ୍ରମ ଆୟୋଜନ ରେ ସକ୍ରିୟ ସହଯୋଗ କରିଥିଲେ । ଶେଷରେ ଲୁମ୍ବିନ ନାୟକ ଧନ୍ୟବାଦ୍ ଅର୍ପଣ କରିଥିଲେ ।