22-Jan-2022

ଉଲୁଣ୍ଡା, (ଗୌରଚନ୍ଦ୍ର ପରିଛା) ସୋନପୁର ମହାନଦୀ ପୋଲ ଉପରେ ହୋଇଥିବା ମର୍ମନ୍ତୁଦ ସଡକ ଦୁର୍ଘଟଣାରେ ବାପ ଝିଅ ସମେତ ୫ ଜଣଙ୍କ ମୃତ୍ୟୁ ହୋଇଥିବା ବେଲେ ୫ଜଣ ଗୁରୁତର ହୋଇଥିବା ଜଣାପଡିଛି । ମୃତକ ମାନେ ହେଲେ ନିମନା ଗ୍ରାମ ଆସିଷ ପାଣ୍ଡିଆ, ତାଙ୍କ ôଝଅ ସିଦ୍ଧି ପାଣ୍ଡିଆ, ପୁତୁରା ସୁଭମ ପାଣ୍ଡିଆ ଓ ଅନ୍ୟଜଣେ ତ୍ରୀୟମ୍ବକ ମେହେର ଏବଂ ପଂଚମହଲା ଗ୍ରାମର ପ୍ରମୋଦ ପାଣ୍ଡିଆ ବୋଲି ଜଣାପଡିଛି । ଗୁରୁତର ମାନ ହେଲେ ମୃତ ଆସିଷଙ୍କ ବଡôଝଅ  ଆଲିସା ପାଣ୍ଡିଆ, ପୁତୁରା ଓମପ୍ରକାଶ ପାଣ୍ଡିଆ ଓ ବଡାଲି ଗ୍ରାମର ମାଧବ ପୁରୋହିତ, ତମାମୁରା ଗ୍ରାମର ପ୍ରମୋଦ ହୋତା ଏବଂ ପଂଚମହଲା ଗ୍ରାମର ଅମିନ ବାଘ । ସୂଚନା ଅନୁସାରେ ଗତକାଲି ମୃତ ଆଶିଷଙ୍କ ପୁତୁରା ମନିଶର ବାହାଘର ବିନିକା ବ୍ଲକ କୌଡିଆମୁଣ୍ଡାରେ ହୋଇଥିଲା । ତେବେ ନିମନାରୁ ଏକ ବୋଲେରୋ ଯୋଗେ ଦଶ ଜଣ ବରଯାତ୍ରୀ କୌଡିଆମୁଣ୍ଡାକୁ ଯାଇଥିଲେ । ସେଠାରୁ ରାତିପ୍ରାୟ ଦୁଇଟା ସମୟରେ ଫେରୁଥିବା ବେଳେ

ସୋନପୁର ମହାନଦୀ ପୋଲ ଉପରେ ବୋଲେରୋ ଏବଂ ଟ୍ରକ ମୁହାଁ ମୁହିଁ ହୋଇଥିଲା । ଫଳରେ ଘଟଣା ସ୍ଥଳରେ ଆସିଷ, ତାଙ୍କ ôଝଅ ସିଦ୍ଧି, ପୁତୁରା ସୁଭମ, ପଡୋଶୀ ତ୍ରୀୟମ୍ବକ ଓ ପ୍ରମୋଦଙ୍କ ମୃତ୍ୟୁ ହୋଇଥିଲା । ଅନ୍ୟ ପାଂଚ ଜଣ ଗୁରୁତରଙ୍କ ଅବସ୍ଥା ସଙ୍କଟା ପନ୍ନ ହେବାରୁ ବୁର୍ଲା ଦାକ୍ତରଖାନାକୁ ପଠାଇଦେଇଥିଲେ । ଘଟଣା ସ୍ଥଳରୁ ପୁଲିସ ଶବ ଜବତ କରିବା ସହ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଛି । ତେବେ ଗ୍ରାମରେ ଶବ ପହଂଚିବା ପରେ ଶୋକାକୁଲ ପରିବେଶ ସୃଷ୍ଟି ହେବା ସହ  ଗାଁ ସ୍ମଶାନରେ ଶେଷ କୃତ୍ୟ ସମ୍ପନ୍ନ ହୋଇଛି ।