13-Jan-2022

ବଲାଙ୍ଗିର,- ଆଶ୍ଚର୍ଯ୍ୟଜନ ଭାବରେ ଓଡିଶା ନିର୍ବାଚନ ଅଧିକାରୀ / କମିଶନ ଭୟଙ୍କର କରୋନା କାଳରେ ପଂଚାୟତ ନିର୍ବାଚନ ଘୋଷଣା କରିଛନ୍ତି । ଅବଶ୍ୟ ଦେଶର ନିର୍ବାଚନ କମିଶନ ମଧ୍ୟ ୫ଟି ରାଜ୍ୟରେ ବିଧାନସାଭା ନିର୍ବାଚନ ଘୋଷଣା କରିଛନ୍ତି । କରୋନା କାଳରେ ଏତାଦୃଶ ବିଧାନସଭା ନିର୍ବାଚନ କରିବା ମଧ୍ୟ ସ୍ପଭଣୀୟ ନୁହେଁ । କିନ୍ତୁ ଉକ୍ତ ୫ଟି ରାଜ୍ୟର କାର୍ଯ୍ୟକାଳ ସରିଗଲା ପରେ ସାଂବିଧାନିକ ସଂକଟ ହେବ ବୋଲି ବିଧାନସଭା ନିର୍ବାଚନ ଘୋଷଣା କରାଯାଉଛି । କିନ୍ତୁ ବିଧାନସଭା ନିର୍ବାଚନ କରି ନ ଥିଲେ ମଧ୍ୟ ସାଂବିଧାନିକ ସଂକଟ ହୋଇନଥାନ୍ତା କାରଣ ସଂବିଧାନରେ ଏଭଳି ସ୍ଥଳେ ପ୍ରଥମେ ଛଅ ମାସ ଓ ପରେ  ୬ମାସର ରାଷ୍ଟ୍ରପତି ଶାସନ ଜାରି ହେବାର ବ୍ୟବସ୍ଥା ରହିଛି । ନିର୍ବାଚନ କମିଶନ ଯେତେ କୋଭିଡ୍ କଟକଣା ଜାରି କଲେ ମଧ୍ୟ ପଶ୍ଚିମ ବଙ୍ଗଳା ଭଳି ସ୍ଥିତି ଉକ୍ତ ୫ଗୋଟି ରାଜ୍ୟରେ ହେବା ଆବଶ୍ୟମ୍ଭାଭି ।
    ସବୁଠାରୁ ବିସ୍ମୟକର କଥା ହେଲା ପଂଚାୟତ ନିର୍ବାଚନ ଘୋଷଣା, କାରଣ ବିରୋଧି ଦଳଙ୍କ ଦାବୀ ମତେ ୩/୪ ମାସ ପଂଚାୟତ ନିର୍ବାଚନ ଘୁଞ୍ଚାଇ ଦେଇଥିଲେ  କିଛି ଅସୁବିଧା ହୋଇ ନ ଥାନ୍ତ କିମ୍ବା କୌଣସି ସାଂବିଧାନିକ ସଂକଟ ସୃଷ୍ଟି ହୋଇ ନ ଥାନ୍ତା । କୋଭିଡ୍ କଟକଣା ଘୋଷାନ ହୋଇଥିଲେ ମଧ୍ୟ ପଂଚାୟତ ନିର୍ବାଚନରେ ଏହାକୁ କେହି ମାନିବାର ସଂଭାବନା ନାହିଁ । ଏହା ଛଡା ଏତଦ୍ୱାରା ନିର୍ବାଚନରେ ଅସାଧୁ ଡକାୟତ ଅର୍ଥ / ମଦ ଓ ଗୁଣ୍ଡାମୀ କରବାର ଜୋର ସୋରରେ ବଢିବ । ରାଜ୍ୟ ସାଧା ପଂଚାୟତ ନିର୍ବାଚନ ହୋଇଥିବା ଦୃଷ୍ଟିରୁ ପ୍ରଶାସନ ଏହାକୁ ନିୟନ୍ତ୍ରଣ କରିବାକୁ ସକ୍ଷମ ହୋଇ ନ ପାରେ । ଏହା ଛଡା ଏଭଳି ନିର୍ବାଚନ ଯୋଗୁଁ କୋଭିଡ୍ ୧୯ ର ଭୟାବହତା ପ୍ରତି ଲୋକଙ୍କ ଆଉ ଭ୍ରୁକ୍ଷେପ ରହିବ ନାହିଁ ଓ ନିର୍ବାଚନ ପରେ ପରିସ୍ଥିତି ଅସଂଭାଳ ହୋଇପାରେ । ତେଣୁ ମାନବିକ ଦୃଷ୍ଟି କୋଣରୁ ଓ ଗଣତନ୍ତ୍ରର ସୁସ୍ଥ ପରଂପରାକୁ ବଜାୟ ରଖିବାକୁ ରାଜ୍ୟ ନିର୍ବାଚନ ଆୟୋଗ ଓ ରାଜ୍ୟ ସରକାର ଘୋଷିତ ପଂଚାୟତ ନିର୍ବାଚନକୁ ଅନ୍ୟୁନ ୬ ମାସ ପାଇଁ ସ୍ଥଗିତ ରଖିବାକୁ କୋସଲ ରାଜ୍ୟ ସମନ୍ୱୟ ସମିତିର କେନ୍ଦ୍ରୀୟ ଅଧ୍ୟକ୍ଷ ପ୍ରମୋଦ କୁମାର ମିଶ୍ର ଦାବି କରିଛନ୍ତି ।