12-Jan-2022

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଅଲଣ୍ଡା ପେକ୍ସ ରେ ଉଭୟ ଝରିଆଲ ଓ ଅଳଣ୍ଡା ପେକ୍ସ ଅଞ୍ଚଳର ଚାଷୀ ମାନେ ଧାନ ବିକ୍ରି କରିବାର ବ୍ୟବସ୍ଥା ହୋଇଛି । ତେବେ ମଙ୍ଗଳବାର ବଙ୍ଗୋମୁଣ୍ଡା ତହସିଲଦାର ଗୁଣମଣୀ ସୁନାନୀ ଅଳଣ୍ଡା ପେକ୍ସ ପରିଦର୍ଶନ ରେ ଆସିଥିବା ବେଳେ କିଛି ଚାଷୀ ଟୋକନ ପାଇ ତାଙ୍କ ଧାନ ବିକିବା ଅବଧି ଶେଷ ହେଉ ଥିଲେ ହେଁ ପେକ୍ସ କୁ ସେମାନେ ଧାନ ଆଣି ନ ଥିବା ଜାଣି ପାରିଥିଲେ। ତେବେ

ଟୋକନ ପାଇ ସୁଦ୍ଧା ଚାଷୀ କାହିଁକି ପେକ୍ସ କୁ ଧାନ ଆଣୁ ନାହାନ୍ତି ତାହା ଜାଣିବା ପାଇଁ ତହସିଲଦାର କିଛି ଚାଷୀଙ୍କ ଘର ଘର ଯାଇ ତଦନ୍ତ କରିଥିଲେ । ତେବେ ଅଳଣ୍ଡା ପଞ୍ଚାୟତ ମୁଖ୍ୟାଳୟର କ୍ଷେତ୍ର ମାଝୀ ଓ ଲକପତି ରଣା ଓ ତେତେଲ ପଡାର ଘାସିରାମ କାଣ୍ଡ ଙ୍କ ଘରକୁ ଘର ଯାଇ ତଦନ୍ତ କଲାବେଲେ ତିନି ଚାଷୀ ଦାଦନ ଖଟିବାକୁ ରାଜ୍ଯ ବାହାରକୁ ଯାଇ ଥିବା ଜଣା ପଡିଥିଲା।