11-Jan-2022

ସିନ୍ଧେକେଲା : ବଲାଙ୍ଗୀର ଜିଲ୍ଲା ସିନ୍ଧେକେଲା ଥାନା ଅନ୍ତର୍ଗତ ଭୁସଲାଡ ଗ୍ରାମରୁ ଅବକାରୀ ବିଭାଗ ଏକକାଳୀନ ଚଢାଉ କରି ତୁକଡେଶ୍ବର ଯୋଶୀଙ୍କ ଘରୁ ୨୫ କେଜି ଗଞ୍ଜେଇ ଜବତ କରିବାରେ ସଫଳ ହୋଇଛି। ସୋମବାର ଦିନ ସକାଳ ୧୦ ଟା ସମୟରେ କୌଣସି ସୁତ୍ରରୁ ଖବରପାଇ କଣ୍ଟାବାଞ୍ଜି ଅବକାରୀ ଇନ୍ସପେକ୍ଟର ବିଶ୍ବନାଥ ପରିଡା ଙ୍କ ନେତୃତ୍ବ ରେ ହୋଇଥିବା ଏହି ଚଢାଉରେ ଟିଟିଲାଗଡ ଅବକାରୀ ଓଆଇସି ସତ୍ଯ ନାରାୟଣ ଦାସ, ଓଆଇସି ବଙ୍ଗୋମୁଣ୍ଡା ଅଲେଖ ପୁଟେଲ , ଏଏସଆଇ ବଲରାମ ପ୍ରଧାନ, ଏଏସଆଇ ଦୟାନିଧି ବାରିକ ପ୍ରମୁଖ ଙ୍କ ସହ ତିନୋଟି ଟିମ ଏକକାଳୀନ ଚଢାଉ କରି ଏତେ ମାତ୍ରାର ଗଞ୍ଜେଇ ଧରିବାରେ ସଫଲ ହୋଇଥିଲେ। ସୁଚନାନୁଯାଇ ଅବକାରୀ ବିଭାଗ ଚଢାଉ କରିବା ବେଳେ ଯୋଶୀ ନିଜ ଘର ପଛପଟେ ଏକ ଜରି ବସ୍ତାରେ ପେକିଙ୍ଗ ହୋଇଥିବା ଗଞ୍ଜେଇ କୁ ଲୁଚାଉଥିବା ସମୟରେ ଅବକାରୀ ବିଭାଗ କାବୁ କରିବାରେ ସଫଳ ହୋଇଥିଲା। ଏହାର ଆନୁମାନିକ ମୂଲ୍ଯ ୧ ଲକ୍ଷ ତିରିଶ ହଜାର ଟଙ୍କା ହୋଇପାରେ ବୋଲି ଜଣାପଡିଛି । ତେବେ ଅବକାରୀ ବିଭାଗ ଗଞ୍ଜେଇ ଜବତ କରିବାସହ ତୁକଡେଶ୍ବର ଯୋଶୀଙ୍କୁ ଅବକାରୀ କେସ ନମ୍ବର ୩୩/୨୦୨୨ ରେ ଏକ ମାମଲା ରୁଜୁ କରି କଣ୍ଟାବାଞ୍ଜି ଏଡିଜେ କୋର୍ଟ ଚାଲାଣ କରାଯାଇଛି । ତେବେ ସେଠାରେ ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଥିବା ବଙ୍ଗୋମୁଣ୍ଡା ଅବକାରୀ ଓଆଇସି ଅଲେଖ ପୁଟେଲ ସୁଚନା ଦେଇଛନ୍ତି। ପ୍ରକାଶ ଥାଉକି ସିନ୍ଧେକେଲା ଥାନା ଅନ୍ତର୍ଗତ ଭୁର୍ଷାଗୁଡା - ଚାନ୍ଦୋତରା ଦେଶୀ ମଦଭାଟି ନିକଟରେ ଡିସେମ୍ବର ୫ ତାରିଖ ରବିବାର ଏକ ପଲସର ( ଓଆର ୧୭ ଜି ୩୬୧୯ )      ଦୁର୍ଘଟଣା ଗ୍ରସ୍ତ ହୋଇଥିଲା। ବାଇକ ରେ ଥିବା ୩ ଟି ବ୍ୟାଗ ରୁ  ଏକ ବ୍ୟାଗ ସାମାନ୍ଯ ଫାଟି ଯିବାରୁ ବ୍ୟାଗରେ ଗଞ୍ଜେଇ ଥିବା ଜଣାପଡିବା ଭୟରେ ବାଇକ ଚାଳକ ଓ ପଛରେ ବସିଥିବା ଘଟଣା ସ୍ଥଳରୁ ଫେରାର ହୋଇ ଯାଇଥିଲେ । ତିନୋଟି ବ୍ୟାଗରୁ ୫ ଟି ମେସିନ ପ୍ରେସ ହୋଇଥିବା ଗଞ୍ଜେଇ ପ୍ୟାକେଟ ରେ ୩୦ କେଜି ଗଞ୍ଜେଇ ବାହାରିଥିଲା। ତେବେ ଅଦ୍ୟାବଧି ପର୍ଯ୍ୟନ୍ତ ସେହି ପଲସର ବାଲା କିଏ , କୋଉ ଠାରୁ କେଉଁଠି କୁ ଗଞ୍ଜେଇ ଚୋରାଚାଲାଣ ହେଉଥିଲା , କିଏ ନେଉଥିଲା , ସେହି ଗାଡିରେ ବସିଥିବା ଲୋକ ଓ ଚାଳକ କିଏ ପୋଲିସ ବର୍ତ୍ତମାନ ପର୍ଯ୍ୟନ୍ତ ଜାଣିପାରି ନାହିଁ । କେବଳ ଗାଡି ଓ ଗଞ୍ଜେଇ ଜବତକରି କାମ ଶେଷ କରି ଦେଇଛି । ଗୁରୁତ୍ବପୂର୍ଣ୍ଣ କଥା ହେଉଛି ସିନ୍ଧେକେଲା ଥାନା ବଲାଙ୍ଗୀର, କଳାହାଣ୍ଡି ଓ ନୁଆପଡା ଜିଲ୍ଲାର ସିମାନ୍ତ ଅଞ୍ଚଳ ରେ ଅବସ୍ଥିତ ଥିବାରୁ ଏହି ଥାନା ଅଞ୍ଚଳ ଦେଇ ପ୍ରତିଦିନ ଗୋଚାଲାଣ, ଗଞ୍ଜେଇ, ନକଳି ମଦ, କଫ ସିରଫ ଭଲି ଚୋରାଚାଲାଣ ଚାଳିଥିଲେ ହେଁ ବିଭାଗୀୟ ଅଧିକାରୀ ମାନଙ୍କ ଇଛାଶକ୍ତି ଅଭାବରୁ ଚୋରାଚାଲାଣ ବେଶ ଆରାମରେ ଚାଳୁଥିବା ଅଞ୍ଚଳରେ ଚର୍ଚ୍ଚା ହେଉଛି।