09-Jan-2022

ବଲାଙ୍ଗୀର(ପ୍ରେରଣା ଖବର) : ସ୍ବାର୍ଥ ସର୍ବସ୍ବ ଆଜିର ସମାଜରେ ମଣିଷ କୁ ଭଲ ପାଇବା ପୁରା ପୁରି ସରିଯାଇନାହିଁ । ଆଜି ବି  ରକ୍ତ ର ସଂପର୍କ ବିନା ବି ମଣିଷ  ମଣିଷ କୁ  ଭଲ ପାଉଛି ।ସାହାଯ୍ୟ କରୁଛି  ବିପଦ ଆପଦରେ। କୋରୋନାର  ବିଭିନ୍ନ  ଲହରରେ ମଣିଷ ର ମାନବିକତା  ଜାଗି ଉଠିଥିବା ଦେଖାଯାଇଛି । ଅନ୍ଧାର ଭିତରେ ଆଲୁଅର କ୍ଷୀଣ ରେଖାଟିଏ ଦିଶୁଛି  ବୋଲି ତ ମଣିଷ ବଂଚିଛି। କୋଭିଡ ଆମକୁ  ଜୀବନ ବଂଚିବାକୁ  ବିଭିନ୍ନ  ମାର୍ଗ ଓ ଜୀବିକା ର ପନ୍ଥା ଦେଖାଦେଇଛି । କିଛି  ଯୁବକ ଯୁବତୀ, ଛାତ୍ର ସାଙ୍ଗ ଭାବରେ  ପରସ୍ପର ସହ କଥା ହୋଇ କୋଭିଡ ର ବର୍ତ୍ତମାନ ସ୍ଥିତିରେ  ନିଜର ଭୂମିକା  ନିଜେ ସ୍ଥିର କରି ଆଗେଇ ଆସିଛନ୍ତି  ଅନାଥ  ମାନଙ୍କୁ  ସାର୍ମର୍ଥ୍ୟ ପ୍ରଦାନ ପାଇଁ  ଓ ସମାଜରେ ଏକ ସମତୁଲତା ବଜାୟ ରଖିବା ପାଇଁ । ସ୍ବରୂପ

ନାୟକଙ୍କ ନେତୃତ୍ବରେ  ତପସ୍ବିନୀ ପଟନାୟକ, ଅଭିଷେକ ସାହୁ, ସ୍ବସ୍ତିକ ମେହେର ,ଅସ୍ମିତା ସାହୁ, ପ୍ରଶାନ୍ତ ସାହୁ ଓ ବ୍ରଜକିଶୋର ରୋଶନଲାଲ ପଧାନ ଆଜି ପଥରଚେପା ସ୍ଥିତ    ପାର୍ବତୀ ଗିରି ବାଲ୍ ନିବେଦନ ପହଞ୍ଚି  ସେଠିକାର  ଅନ୍ତେବାସୀ ଛାତ୍ରଛାତ୍ରୀ ମାନଙ୍କୁ ଉନ୍ନତମାନର ର ମାସ୍କ,ସାନିଟାଇଜର  ଓ ଶୁଖିଲା ଖାଦ୍ୟ  ଅନୁଷ୍ଠାନ ର ତତ୍ବାବଧାରକ ଙ୍କୁ  ହସ୍ତାନ୍ତର କରିଛନ୍ତି । ଯୁବକ ଯୁବତୀ ମାନେ  ଏଥିପାଇଁ  ନିଜ ପାଣ୍ଠି ରୁ ଅର୍ଥ ଖର୍ଚ କରି  ଏକ ଆତ୍ମସନ୍ତୋଷ ପାଇଥିବା ଆଗାମୀ ସମୟରେ ଏପରି କାର୍ଯ୍ୟ କରିବାକୁ ସେମାନେ ନିଶ୍ଚୟ ଉଦ୍ୟମ କରିବେ ବୋଲି କହିଛନ୍ତି ।