09-Jan-2022

ସିନ୍ଧେକେଲା //ବାଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ  ଅନ୍ତର୍ଗତ ଐତିହାସିକ ରାଣୀପୁର ଝରିଆଲ ଚଉଷଠି ଯୋଗିନୀ ତନ୍ତ୍ର ପୀଠ ସୋମେଶ୍ୱର ମନ୍ଦିର ପ୍ରାଙ୍ଗଣରେ ବ୍ଲକସ୍ତରୀୟ କିଶାନ କଂଗ୍ରେସର ଆଲୋଚନା ସଭା ଅନୁଷ୍ଠିତହୋଇଯାଇଛି। ଏ ଅବସରରେ ମୁଖ୍ୟ ଅତିଥି ଭାବେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ଯୋଗଦେଇ ଥିବାବେଳେ ସମ୍ମାନୀୟ ଅତିଥି ଭାବେ ପ୍ରଦେଶ କଂଗ୍ରେସ କମିଟିର କିଶାନ ସେଲର ସଭାପତି ଅମୀୟ ପଟ୍ଟନାୟକ ଯୋଗଦେଇ ଥିଲେ । ଆଲୋଚନା ରେ ଚାଷୀ ମାନଙ୍କ ଖରିଫ ରୁତୁକାଳିନ ଧାନ ମଣ୍ଡି ମାନଙ୍କୁ ବିକ୍ରୟ କରିବାକୁ ନେଲେ ମଣ୍ଡି ମାନଙ୍କରେ ମିଲର୍ସ ମାନେ ଧାନ କଟନୀ ଛଟନୀ କରୁଥିବା ଚାଷୀ ମାନେ ଅଭିଯୋଗ କରିଥିଲେ । ଅଭିଯୋଗ କୁ ଭିତ୍ତିକରି ବିଧାୟକ ନିଜେ ମଣ୍ଡି ମାନଙ୍କୁ ବୁଳି ସ୍ଥିତି ପରଖିବି ବୋଳି ମତ ପ୍ରକାଶ କରିଥିଲେ । କୌଣସିବି ଚାଷୀକୁ ଶୋଷଣର ଶିକାର ହେବାକୁ ଦିଆ ଯିବନାହିଁ ବୋଳି ଶ୍ରୀ ସାଳୁଜା ମତ ପ୍ରକାଶ କରିଥିଲେ । ୨୦୨୨ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ କିପରି କଂଗ୍ରେସ ପ୍ରାର୍ଥି ମାନଙ୍କୁ ବିପୁଳ ସଂଖ୍ୟା ରେ ବିଜୟ କରାଯାଇ ପାରିବ ସେନେଇ ତୃଣ ମୂଳ ସ୍ତରରୁ କଂଗ୍ରେସ ସମର୍ଥିତ ସମସ୍ତ ପ୍ରାର୍ଥୀ ଯଥା ସରପଞ୍ଚ, ୱାର୍ଡ଼ ମେମ୍ବର , ସମିତିସଭ୍ୟ, ଜିଲ୍ଲା ପରିଷଦ ମାନଙ୍କୁ ବିଜୟ କରାଯାଇ ପାରିବ ସେ ଉପରେ ବିଶେଷ ଭାବେ ଆଲୋଚନା କରିଥିଲେ ଶ୍ରୀ ବିଧାୟକ ଓ ଶ୍ରୀ ପଟ୍ଟନାୟକ।ଏ ଅବସରରେ ଅନ୍ୟମାନଙ୍କ ମଧ୍ୟରେ ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ଭୋଳାନାଥ ବେହେରା, ଉପାଧ୍ୟକ୍ଷ, ମାମରାଜ ଜୈନ, ସରପଞ୍ଚ ସଂଘ ସଭାପତି ଉପେନ୍ଦ୍ର ମେହେର, ବଙ୍ଗୋମୁଣ୍ଡା ବ୍ଲକ କଂଗ୍ରେସ ସଭାପତି ଗୁରୁଚରଣ ବେହେରା, ଗୋପାଳ ସାହୁ, ଲକ୍ଷ୍ମୀକାନ୍ତ ବାଗ,ଦେଢ଼ଗାଁ ପଞ୍ଚାୟତ ସମିତି ସଭ୍ୟ ପିତାମ୍ବର ସୁନା, ନୀଳକଣ୍ଠ,ତ୍ରିପାଠୀ, ପୂର୍ବତନ ଜିଲ୍ଲା ପରିଷଦ ସଦସ୍ୟ ସନ୍ତୋଷ କୁମାର ନାଏକ, ଯୁବ ନେତା ଯୁବରାଜ ବାଗ, ଘାସିରାମ ସାହୁ , ଯୁବରାଜ ବେହେରା, ପ୍ରମୁଖଙ୍କ ସହ ଶତାଧିକ ଚାଷୀ ଓ ଦଳୀୟ କଂଗ୍ରେସକର୍ମୀ ଉପସ୍ଥିତ ଥିଲେ ।