08-Jan-2022

ସିନ୍ଧେକେଲା //ସରକାର ରୋଗୀଙ୍କୁ ଉତ୍ତମ ସେବା ଦେବା ସହ ଡାକ୍ତରଖାନାର ଭିତ୍ତିଭୂମି ସଜାଡ଼ିବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ହେଲେ ପ୍ରସାଶନିକ ଅଧୀକାରୀ ଙ୍କ ଅବହେଳା ଯୋଗୁଁ ଏହି ସବୁ ଯୋଜନା ଫେଲ ମାରୁଛି । ଗୋଟିଏ ଅଫିସର କିମ୍ବା କର୍ମଚାରୀଙ୍କ ଅବହେଲା ଶହଶହ ଲୋକଙ୍କୁ ହଇରାଣ ହରକତ ରେ ପକାଇ ଦେଇପାରେ । ଏହାର ଜ୍ବଳନ୍ତ ଉଦାହରଣ ହେଲା ସିନ୍ଧେକେଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର । ଗତ ୭ ଦିନ ହେଲା ଡାକ୍ତରଖାନା ରେ ପାଣି ଆସୁ ନଥିବାରୁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ଡାକ୍ତରଖାନା କୁ ଆସୁଥିବା ରୋଗୀ ଓ ରୋଗୀଙ୍କ ସମ୍ପର୍କୀୟ । 

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ର ସିନ୍ଧେକେଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର , ବଲାଙ୍ଗୀର , କଲାହାଣ୍ଡି ଓ ନୁଆପଡା ଜିଲ୍ଲାର ସିମାନ୍ତ ରେ ଅବସ୍ଥିତ ଥିବାରୁ ଏହି ସ୍ୱାସ୍ଥ୍ୟ କେନ୍ଦ୍ର ଉପରେ ପଡ଼ୋଶୀ ଜିଲ୍ଲାର ଲୋକେ ମଧ୍ଯ ନିର୍ଭର କରିଥାନ୍ତି । ହେଲେ ଏହି ଡାକ୍ତରଖାନା ରେ ଏବେ ପାଣି ସମସ୍ୟା ଦେଖିବାକୁ ମିଳିଛି । ଗତ ୭ ଦିନ ହେଲା ଡାକ୍ତରଖାନା ରେ ପାଣି ଆସୁ ନଥିବାରୁ ରୋଗୀ ମାନଙ୍କ ସହ ଚିକିତ୍ସକ ମାନେ ବି ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଡାକ୍ତରଖାନାରେ ଥିବା ବିଭିନ୍ନ ଟେପ ଖୋଲିଲେ କୌଣସି ଟେପ ରୁ ପାଣି ବାହାରୁ ନାହିଁ । ପାଣି ଆସୁନଥିବାରୁ ଅସ୍ଵଛ୍ଛକର ପରିବେଶ ରେ ରହୁଥିବା ଅଭିଯୋଗ କରୁଛନ୍ତି ରୋଗୀ । ଡାକ୍ତରଖାନା ର ଅଧିକାରୀ ଙ୍କୁ ଜଣାଇଲେ ମଧ୍ୟ କୌଣସି ସୁଫଳ ମିଳୁନଥିବା ଅଭିଯୋଗ ହେଉଛି । ଖବର ପାଇ ଜିଲ୍ଲା ବିଜେଡି ଉପ ସଭାପତୀ ଉମାକାନ୍ତ ସାହୁ , ବିଜେଡି ନେତା ରୁପେଶ ବେହେରା, ଭକ୍ତବନ୍ଧୁ ବେହେରା , ବିରଞ୍ଚି ଜାଳ, ଧୁବଳେ ମାଝୀ ପ୍ରମୁଖଙ୍କ ସହ ସ୍ଥାନୀୟ ଲୋକେ ଆଜି ଡାକ୍ତରଖାନା ରେ ପହଞ୍ଚି ବିଭିନ୍ନ ନାରାବାଜୀ କରିବାସହ  ସ୍ଥାନୀୟ ମେଡିକାଲ ଅଫିସର ଓ ବିଭାଗୀୟ ଅଧିକାରୀ ଙ୍କ ଦୃଷ୍ଟି ଆକର୍ଷଣ କରିଥିଲେ । ସୁଚନାନୁଯାଇ ଡାକ୍ତରଖାନା ପାଇଁ ଯେଉଁ ଡିପ ବୋରୱେଳ ପାଣି ସଂଯୋଗ କରାଯାଇଛି ତାର ମୋଟର ପୋଡି ଯାଇଥିବା ଓ ଆରଡବ୍ଲୁଏସଏସ ବିଭାଗ ର ପାଇପ ଲାଇନ ଯୋଗେ ପାନୀୟଜଳ ଯୋଗାଣ କନେକ୍ସନ ରୁ କିଛି ଲୋକ ଚୋରା ଭାବରେ ପାଣି ପାଇପ ଲଗାଇ ନିଜ ନିଜ ଘରକୁ ନେଇଛନ୍ତି ଯାହାଦ୍ୱାରା ଡାକ୍ତରଖାନା କୁ ପାଣି ଆସୁ ନାହିଁ । ଅତିଶୀଘ୍ର ଯେଉଁ ମାନେ ଏହି କାମ କରିଛନ୍ତି ତାଙ୍କ ଉପରେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ପାଣି ସଂଯୋଗ କାଟିବା ପାଇଁ ଦାବି କରିଛନ୍ତି । ଏ ନେଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ମେଡିକାଲ ଅଫିସର ବିଶ୍ବରଞ୍ଜନ ଖୁଣ୍ଟିଆ ଙ୍କ ପ୍ରତିକ୍ରିୟା ନେବାରୁ ସେ କହିଛନ୍ତି ଡିପ ବୋରୱେଳ ଏଠାରେ ସଫଳ ହେଉନାହିଁ ଘଣ୍ଟାଏ ଚାଳିବା ମୁସ୍କିଲ କିଛିଦିନ ହେବ ମୋଟର ଖରାପ ହୋଇଥିବାରୁ ତାକୁ ଠିକ କରିବା ପାଇଁ ଦିଆଯାଇଛି। ଏପଟେ ହସ୍ପିଟାଲ କୁୁ ଆସିଥିବା ସପ୍ଲାଇ ପାଇପ ଲାଇନ ପାଣି କନେକ୍ସନ ରୁ ଚୋରା ଭାବରେ ପାଣି ସଂଯୋଗ କରିଥିବା ସଂଯୋଗ କୁ କାଟିବାକୁ ସେ ବ୍ଲକ ପ୍ରଶାସନ କୁ ଜଣାଇଥିଲେ ହେଁ ତାହା କଟାନଯିବାରୁ ଅସୁବିଧା ହୋଇଥିବା ସେ କହିଛନ୍ତି। ଘଟଣା ସ୍ଥଳକୁ ଗ୍ରାମ୍ୟ ଜଳ ଯୋଗାଣ କନିଷ୍ଠ ଯନ୍ତ୍ରୀ ସତ୍ଯ ସାରଦା ମହାନ୍ତି ପହଞ୍ଚି ସ୍ଥିତି ଅନୁଧ୍ଯାନ କରିବାସହ ସେ କହିଛନ୍ତି ଯେ ଡାକ୍ତରଖାନା ରେ ଥିବା ଡିପ ବୋରୱେଳ ର ମୋଟର ପୋଡିଯାଇଥିବାରୁ ଏହି ସବୁ ସମସ୍ଯା ହୋଇଛି ମୋଟର ଠିକ ହେଲେ ପାଣି ର ଅସୁବିଧା ହେବ ନାହିଁ । ଏବଂ ବର୍ତ୍ତମାନ ପାଇପ ଲାଇନ ପାଣି ପାଇବାକୁ ହେଲେ ଏକ ମୋଟର କିଣି ଲଗାଇଲେ ପାଇପ ଲାଇନ ପାଣି ଆରାମରେ ଆସିଯିବ ବୋଲି କହିବାରୁ ମୋଟର ଅଣାଯାଇ ପାଣି ଅସୁବିଧା ଦୁର ହୋଇଥିବା ଯନ୍ତ୍ରୀ ଶ୍ରୀ ମହାନ୍ତି କହିଛନ୍ତି । ଡାକ୍ତରଖାନା କୁ ଅତିଶୀଘ୍ର ଜଳଯୋଗାଣ ର ସ୍ଥାୟୀ ସମାଧାନ କରା ନ ଗଲେ ଆଗାମୀ ଦିନରେ ଆନ୍ଦୋଳନ ହେବ ବୋଲି ଉପସ୍ଥିତ ଥିବା ନେତା ଓ ଜନସାଧାରଣ ଚେତାବନୀ ଦେଇଛନ୍ତି।