07-Jan-2022

ପଦ୍ମପୁର(ନିରଞ୍ଜନ ତ୍ରିପାଠୀ) : ଦୀର୍ଘ ଦଶନ୍ଧି ଧରି ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଲ ବ୍ଳକ ଅଧିନସ୍ଥ ଚର୍ଦାପାଲି ଗ୍ରାମପଞ୍ଚାୟତ,ଲଖମରା ଗ୍ରାମପଞ୍ଚାୟତର ଅଧିବାସୀ ଅଙ୍ଗନଦୀ ଉପରେ ପୋଲ ଟିଏ ନିର୍ମାଣ ସକାଶେ ବାରମ୍ବାର ଅନେକ ଆନ୍ଦୋଳନ,ଅନଶନ, ରାସ୍ତାରୋକ କରି ଆସୁଥିଲେ l ହେଲେ ଶ୍ରମ ଓ ଗ୍ରାମ୍ୟ ଉନ୍ନୟନ ମନ୍ତ୍ରୀ ଶ୍ରୀ ସୁଶାନ୍ତ ସିଂ ଏବଂ ପୂର୍ବତନ ଆଦିବାସୀ କଲ୍ୟାଣ ମନ୍ତ୍ରୀ ତଥା ପଦ୍ମପୁର ନିର୍ବାଚନ

ମଣ୍ଡଳୀର ବିଧାୟକ  ବିଜୟ ରଞ୍ଜନ ସିଂ ବରିହାଙ୍କ ମିଳିତ ପ୍ରଚେଷ୍ଟାରେ ଦୀର୍ଘ ଦିନର ଦାବିକୁ ପୂରଣ ଯାଉଥିବାରୁ ଅଞ୍ଚଳବାସୀଙ୍କ ତରଫରୁ  ଅଭିନନ୍ଦନ ସହ ଶୁଭେଚ୍ଛା ଗ୍ରହଣ କରାଯାଇଥିଲା lଏ ପରିପ୍ରେକ୍ଷୀରେ ଉଭୟ ନେତାଙ୍କର ନାମ ଏହି ଅଞ୍ଚଳବାସୀଙ୍କ ତରଫରୁ ଚିର ଦିନ ସକାଶେ ସ୍ମରଣୀୟ ରହିବ lଏହି ପ୍ରକଳ୍ପ ପାଇଁ ରାଜ୍ୟ ସରକାର ୨୦ କୋଟି ୪୦ ଲକ୍ଷ ଟଙ୍କା ମଞ୍ଜୁରୀ କରିଥିବାରୁ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କୁ ଅଞ୍ଚଳବାସୀଙ୍କ ପକ୍ଷରୁ ଅଶେଷ ଧନ୍ୟବାଦ ଜ୍ଞାପନ କରାଯାଉଛି lଏହି ଅଞ୍ଚଳ ପାଇଁ ଏହି ସମସ୍ୟା ଟି କେବଳ ସ୍ୱାଧୀନତା ପରବର୍ତ୍ତୀ ନୁହେଁ ଏହା ସୃଷ୍ଟି ଆରମ୍ଭ ରୁ ରହି ଆସିଥିଲା ଯାହାର ସମାଧାନ କି ଆଜି

ସାକାର ହେବାକୁ ଯାଉଛି l ଏ ଶୁଭ ଅବସରରେ ଅନ୍ୟ ମାନଙ୍କ ମଧ୍ୟରେ ପାଇକମାଲ ବ୍ଳକ ଅଧ୍ୟକ୍ଷ ଅଲତାପ ମହମ୍ମଦ,ପାଇକମାଲ ବିଜେଡି ସଭାପତି ରାଜେନ୍ଦ୍ର କୁମାର ରାଉତ, ବିଧାୟକ ଙ୍କ ପ୍ରତିନିଧି ହୃଦାନନ୍ଦ ବାରିକ, ଚର୍ଦାପାଲି ସରପଞ୍ଚ ଗିରିଶ ଚନ୍ଦ୍ର ନାଏକ, ପାଇକମାଳ ସରପଞ୍ଚ ଧବଳେଶ୍ଵର ସାହୁ,ଗ୍ରାମ୍ୟ ଉନ୍ନୟନ ବିଭାଗୀୟ ନିର୍ବାହୀ ଯନ୍ତ୍ରୀ ପ୍ରମୁଖ ମଞ୍ଚାସୀନ ଥିଲେ l