07-Jan-2022

ସିନ୍ଧେକେଲା, ବଲାଙ୍ଗୀର ଜିଲ୍ଲାରେ ପ୍ରଥମ ଥର ଗୋଟିଏ ଓ ନୁଆପଡା ଜିଲ୍ଲାରେ ଦୁଇଜଣ ଓମିକ୍ରନ ଚିହ୍ନଟ ହୋଇ ସାରିଛନ୍ତି। ସିନ୍ଧେକେଲା ଅଞ୍ଚଳ ବଲାଙ୍ଗୀର, କଳାହାଣ୍ଡି ଓ ନୁଆପଡା ଜିଲ୍ଲାର ସିମାନ୍ତ ରେ ଅବସ୍ଥିତ ଥିବାରୁ ଓମିକ୍ରନ ସଂକ୍ରମଣ କୁ ନଜରରେ ରଖି ଗୁରୁବାର ସିନ୍ଧେକେଲା ଥାନା ପ୍ରାଙ୍ଗଣରେ ବଙ୍ଗୋମୁଣ୍ଡା ତହସିଲଦାରଙ୍କ ଅଧ୍ୟକ୍ଷତା ରେ ଏକ ସଚେତନତା ବୈଠକ ଅନୁଷ୍ଠିତ ହୋଇ ଯାଇଛି । ବିଗତ ଦିନରେ କରୋନା ସଂକ୍ରମଣ ରେ ସିନ୍ଧେକେଲା ଅଞ୍ଚଳର ବହୁ ଚିହ୍ନା ଚେହେରା ମୃତ୍ଯୁବରଣ କରିଥିଲେ । ଏହା ଆମ ପାଇଁ ଏବେ ସଚେତନ ରହିବାର ବାର୍ତ୍ତା ଦେଉଛି । ତେଣୁ ଓମିକ୍ରନ କୁ ନଜରରେ ରଖି ସରକାର କରିଥିବା କଟକଣା ଓ ଆଇନ କୁ ମାନି ସମସ୍ତେ ମାସ୍କ ପରିଧାନ କରିବା , ଦୁରତା ଅବଲମ୍ବନ କରିବା , ଅଜଥା ଭିଡ କରିବା ନାହିଁ କିମ୍ବା ଭିଡ ଜାଗାକୁ ଜିବା ନାହିଁ ବୋଳି ତହସିଲଦାର ଉପସ୍ଥିତ ସମସ୍ତଙ୍କୁ ସଚେତନ କରିଥିଲେ। ଦୋକାନୀ ମାନେ ମାସ୍କ ପରିଧାନ କରିବାସହ ଗ୍ରାହକ ମାନଙ୍କୁ ମଧ୍ଯ ମାସ୍କ ପାଇଁ କହିବାକୁ ବଣିକସଂଘ ତରଫରୁ ସମସ୍ତ ଦୋକାନୀଙ୍କୁ ପରାମର୍ଶ ଦିଆଯାଇ ଥିବା ବଣିକସଂଘ ସଭାପତି କହିଥିଲେ। ତେବେ ଏହି ସଚେତନତା ବୈଠକରେ ଅନ୍ୟମାନଙ୍କ ମଧ୍ଯରେ ସିନ୍ଧେକେଲା ଥାନା ସବଇନ୍ସପେକ୍ଟର ତରସିଲା ବାର୍ଲା , ଟାଉନ ହାବିଲଦାର ସୁରେନ୍ଦ୍ର ବେହେରା, କନଷ୍ଟେବଲ ଖିରୋଧର ସିନ୍ଦରିଆ, ସରପଞ୍ଚ ରାଜା ଥନାପତୀ, ଜିଲ୍ଲାପରିଷଦ ସଦସ୍ଯାଙ୍କ ପ୍ରତିନିଧି ଅନିଲ ନାଏକ , ବଣିକସଂଘ ସଭାପତି ସୁବାସ ଜୈନ, ଉପସଭାପତି ଗୋବିନ୍ଦ ସାହୁ, ସମ୍ପାଦକ ସନ୍ତୋଷ ଜୈନ, ମିଡିଆ ସମ୍ପାଦକ ଅନିଲ କୁମାର ତ୍ରିପାଠୀ , ଦିନେଶ ଜୈନ ପ୍ରମୁଖ ଉପସ୍ଥିତ ଥିଲେ।