03-Jan-2022

ସୁବର୍ଣ୍ଣପୁର,  ଗତକାଲି ତାରିଖ ରାତି 11 ଟା ବେଳେ ମୟୂରଉଡାନ ପଂଚାୟତ ସାର୍ଗୁଣାମୁଣ୍ଡା ଗାଁ ର ଜଣେ ମେଳାପୀ ବ୍ୟକ୍ତି ତଥା ପରିଚିତ ବ୍ୟବସାୟୀ  ବୁଡୁ ସାହୁ( 80)  ଙ୍କ  ହୃଦଘାତ ପରଲୋକ ଘଟି ଥିବାରୁ ଗତ କାଲି ଗାଁ ସମେତ ସାରା ପଞ୍ଚାୟତ ବ୍ଲକ ଅଞ୍ଚଳ ରେ ଶୋକ ର ଛାୟା ଖେଳି ଯାଇଛି l ଶ୍ରୀ ସାହୁ ଜଣେ ଶାନ୍ତ, କର୍ତ୍ତବ୍ୟ ନିଷ୍ଠ, ମେଳାପୀ ବ୍ୟକ୍ତି ଓ ସଫଳ ବ୍ୟବସାୟୀ ଭାବେ ଏ ଅଞ୍ଚଳ ରେ ଖୁବ ପରିଚିତ ଥିବା ବେଳେ  ପ୍ରଥମେ ସେ ଯୁବ ସମୟ ରୁ ଦୀର୍ଘ 50 ବର୍ଷ ଆଗରୁ ଗାଁ ରେ ଗୋଟେ ତେଜରାଜୀ ଦୋକାନ ଆରମ୍ଭ କରିଥିଲେ l ପରେ ପରେ ସେ ସିଜିନାଲ ବେପାର ରେ କେବେ ଧାନ ତ କେବେ ମୁଗ ବିରି ତ କେବେ କପଡା, ଫେନ୍ସୀ ଜିନିଷ ସବୁ  ସୋନପୁର, ବିନିକା,  ଡୁଙ୍ଗୁରିପାଲି ଅଂଚଳ ର  ଗାଁ ଗାଁ  ବୁଲି ବ୍ୟବସାୟ କରି ଲୋକଙ୍କ ସହ ଖୁବ ପରିଚିତ ଥିଲେ l ଲୋକେ  ପାଖ ଆଖ ସହର ରୁ ଯେତେବେଳେ ମାର୍କେଟିଂ କରିବାକୁ ଦୂର ଵା  କଷ୍ଟ ବୋଲି ଭାବୁଥିଲେ ଶ୍ରୀ ସାହୁ ସେତେବେଳେ ସୁଦୂର ରାୟପୁର କୁ ଯାଇ ମାର୍କେଟିଙ୍ଗ କରି  ଲୋକ ଙ୍କ ପାଈଁ  ଫେନ୍ସୀ, କପଡା ଓ ବିଭିନ୍ନ ଆକର୍ଷଣୀୟ ଜିନିଷ ସବୁ ସଂଗ୍ରହ କରି ଆଣି ଗାଁ ଗାଁ  ଯାଇ ବିକ୍ରୟ କରୁଥିଲେ l   ଖୁବ କ୍ଵଚିତ ଲୋକ ଙ୍କ ମଧ୍ୟ ରେ  80 ଦଶକ ରେ ସେ ରାଜଦୂତ ମଟର ସାଇକିଲ ଚଳାଇବା ରେ ପାରଙ୍ଗମ ଥିଲେ ଏବଂ  ଅନବରତ ଭାବେ ସେ ଦୀର୍ଘ ବର୍ଷ ଯାଏ ପାଦ ରେ ଚାଲି ଚାଲି ପ୍ରସିଦ୍ଧ ବାବାଧାମ କୁ ବୋଲବମ ଯାତ୍ରା କରୁଥିଲେ l ଲୋକ ଙ୍କୁ  ନାନା ବ୍ୟବସାୟ ଓ ତାରି କୌଶଳ ଶିଖାଇଥିଲେ l  ସୁବର୍ଣ୍ଣପୁର ଜ଼ିଲ୍ଲା ର  ବରିଷ୍ଠ  ନେତା ତଥା 25 ବର୍ଷ ଧରି ସରପଞ୍ଚ ପଦବୀ  ରେ ରହିଥିବା  ଏ ଅଞ୍ଚଳ ର ଜଣା  ଶୁଣା  ନେତା  ସ୍ବର୍ଗୀୟ ଘାସିରାମ ତ୍ରିପାଠୀ ଙ୍କ  ଅତି ଘନିଷ୍ଠ ବିଶ୍ଵସ୍ଥ  ଭାବେ ମଧ୍ୟ ଶ୍ରୀ ସାହୁ କାର୍ଯ୍ୟ କରିଥିଲେ l ସ୍ବର୍ଗତ ସାହୁ ଜୀବନ ସଂଗ୍ରାମ ରେ  ହାରି ଯାଇଥିଲେ ସତ,  ହେଲେ ବୟସ କିନ୍ତୁ ତାଙ୍କ ଆଗରେ ହାର ମାନିଥିଲା l କାରଣ ମାତ୍ର 20/25   କମ ବୟସ ରୁ ସେ ବିଭିନ୍ନ ବେପାର ଆରମ୍ଭ କରି ବୟସ 80 ଯାଏ ଜୀବନ  ର ଶେଷ ଦିନ ଵା ନିଶ୍ୱାସ ର ଶେଷ ଯାଏ ସେ ବ୍ୟବସାୟ କାମ ରେ ମନ ପ୍ରାଣ ଦେଇ ସଂଗ୍ରାମ କରି ଆସିଥିଲେ l ଜଣେ ସଚ୍ଚୋଟ, ମିଷ୍ଠ ଭାସି,  ସଫଳ ବ୍ୟବସାୟୀ, ଉଦ୍ୟୋଗୀ ମଣିଷ ଭାବେ ଲୋକେ ସବୁ ଦିନ ତାଙ୍କୁ ମନେ କରିବେ ଏବଂ ପ୍ରତ୍ୟକ କ୍ଷେତ୍ରରେ ତାଙ୍କ ଏଭଳି ସାହସ, ନିଷ୍ଠା, ଉଦ୍ୟମ , ଓ ପରିଶ୍ରମ, ଆଗାମୀ ଯୁବ ପିଢୀ ଙ୍କୁ ପ୍ରେରଣା ଦେବ ବୋଲି  ମୟୂରଉଡାନ  ପଞ୍ଚାୟତ ର କିଛି ବୁଦ୍ଧିଜୀବୀ   ପ୍ରକାଶ କରିଛନ୍ତି l