03-Jan-2022

ବୀରମହାରାଜପୁର, ( ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜାପୁର ଡିଭିଜନ ର ରଥପୁର ଗ୍ରାମ ନିକଟସ୍ଥ  ଏକ ବିଦ୍ୟୁତ ଖୁଣ୍ଟ ରେ ଚଢି ମରାମତି କରୁଥିବା ସମୟରେ ବିଦ୍ୟୁତ ଆଘାତରେ ତଲେ ପଡି ଠିକା କର୍ମଚାରୀ ଶିବାଶିଷ ହୋତା  (୨୪) ଙ୍କ ମୃତ୍ୟୁ ଘଟିଛି । ଏହି ଘଟଣାକୁ ନେଇ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିବା ବେଲେ ମୃତ ପରିବାର କୁ ୫୦ ଲକ୍ଷ ଟଙ୍କା କ୍ଷତିପୂରଣ ଦାବିରେ ଜନସାଧାରଣ ବୀରମହାରାଜପୁର ମୁଖ୍ୟ ଛକ ନିକଟରେ ମୃତ ଦେହ ରଖି ରାସ୍ତା ଅବରୋଧ କରିଥିଲେ । ଚମ୍ପାମାଲ ଗ୍ରାମର ପ୍ରଦୀପ ହୋତାଙ୍କ ଏକମାତ୍ର ପୁତ୍ର ଶିବାଶିଷ ବୀରମହାରାଜପୁର ବିଦ୍ୟୁତ ବିଭାଗ ରେ ଠିକାରେ  ହେଲପର ଭାବେ କାର୍ଯ୍ୟରତ ଥିଲେ । ଅଭିଯୋଗ ଅନୁଯାୟୀ ବିଦ୍ୟୁତ ସଂଯୋଗ ବିଚ୍ଛିନ୍ନ କରାଯାଇ ନଥିବାରୁ ସେ ବିଦ୍ୟୁତ ଆଘାତରେ ତଲେ ପଡିଯାଇଥିଲେ । ତାଙ୍କୁ ଗୁରୁତର ଭାବେ ଉଦ୍ଧାର କରି ଜିଲ୍ଲା ମୁଖ୍ଯ ଚିକିତ୍ସାଳୟକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୁଲିସ ପହଞ୍ଚି ଶବ ଜବତ କରିବା ସହ ବ୍ୟବଚ୍ଛେଦ କରାଯାଇଥିଲା । ବିଦ୍ୟୁତ ବିଭାଗ ର ଅବହେଳା ଯୋଗୁଁ ଶିବାଶିଷ ଜୀବନ ଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି । ଏଥିରେ ପରିବାର ଜଣକୁ ଚାକିରୀ, ୫୦ ଲକ୍ଷ ଟଙ୍କା କ୍ଷତିପୂରଣ ଓ ଦୋଷୀ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ପରିବାର ଲୋକେ ଓ ଜନସାଧାରଣ ସୋନପୁର -ରେଢ଼ାଖୋଲ ମୁଖ ରାସ୍ତା ବୀରମହାରାଜପୁର ଛକ ନିକଟରେ ମୃତ ଦେହ ରଖ ରାତି ପର୍ଯ୍ୟନ୍ତ ରାସ୍ତା ଅବରୋଧ କରିଥିଲେ । ରାତି ୯ ଟା ସମୟରେ

ବିଦ୍ୟୁତ ବିଭାଗ ନିର୍ବାହୀ ଯନ୍ତ୍ରୀ ସତ୍ୟରଞ୍ଜନ ସାହୁ, ସହକାରୀ ଯନ୍ତ୍ରୀ ସଞ୍ଜିବ ରାଓ, ଜିଲ୍ଲା ବିଦ୍ୟୁତ ଯୋଗାଣ ଦାୟିତ୍ବ ରେ ଥିବା ହିନ୍ଦୁସ୍ଥାନ କମ୍ପାନୀର ଦୀପ୍ତି ରଞ୍ଜନ ପଟ୍ଟନାୟକ, ଉପଖଣ୍ଡ ପୋଲିସ୍ ଅଧିକାରୀ ଡୋଳାମୋଣି ଭୋଇ, ଅତିରିକ୍ତ ତହସିଲଦାର ସ୍ଵାଗତ ପଣ୍ଡା ପ୍ରମୁଖ ଅଧିକାରୀ ମାନେ ଘଟଣା ସ୍ଥଳରେ ପହଞ୍ଚି  ନ୍ଦୋଳନକାରୀଙ୍କୁ ବୁଝାସୁଝା କରିଥିଲେ । ଏନେଇ  କମ୍ପାନୀ ପକ୍ଷରୁ ୩୦ ହଜାର ଟଙ୍କା ପ୍ରଦାନ କରିବା ସହ ୪ ଲକ୍ଷ ଟଙ୍କା କ୍ଷତିପୂରଣ ଦେବାକୁ ପ୍ରତିଶ୍ରୁତି ଦେବା ପରେ ରାସ୍ତା ଅବରୋଧ ହଟିଥିଲା । ବରିଷ୍ଠ ଶ୍ରମିକ ନେତା ଗୋବିନ୍ଦ ମହାରଣା,  କିଶୋର ହୋତାଙ୍କ ନେତୃତ୍ବରେ ଜନସାଧାରଣ ସାମିଲ ଥିଲେ ।