01-Jan-2022

ପଦ୍ମପୁର/ଖପ୍ରାଖୋଲ:-ପ୍ରତିବର୍ଷ ଭଳି ଆଜି ଖପ୍ରାଖୋଲ ବ୍ଳକ ଅନ୍ତର୍ଗତ ମାଟିଆଭଟ୍ଟା ଗ୍ରାମ ଠାରେ ଗନ୍ଧମାର୍ଦ୍ଦନ ସୁରକ୍ଷା ପରିଷଦ ପକ୍ଷରୁ ୪୦ତମ ସଙ୍କଳ୍ପ ସମାବେଶ ଅନୁଷ୍ଠିତ ହୋଇଯାଇଛି l ବଲାଙ୍ଗୀର ଜିଲ୍ଲା ହରିଶଙ୍କର ଶାଖା ଖପ୍ରାଖୋଲ ର ସଂଯୋଜକ ଶ୍ରୀମାନ ଟେକେନ୍ଦ୍ର ଜାଲ ଙ୍କ ଆହ୍ୱାନ କ୍ରମେ ଶ୍ରୀମାନ ରାଜକୁମାର ସେଠ ବୈଠକ ସଞ୍ଚାଳନ ଓ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ lଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦ ଆନ୍ଦୋଳନ ର ବରିଷ୍ଠ ମାର୍ଗଦର୍ଶକ ସ୍ବାମୀ ସୋମବେଶ ସ୍ୱରସ୍ୱତୀ, କେନ୍ଦ୍ରୀୟ ଆବାହକ ଶ୍ରୀ ରବିନାରାୟଣ ସାହୁ ଏବଂ ନୂତନ ନିର୍ବାଚିତ ଖପ୍ରାଖୋଲ ବ୍ଳକ ଆବାହକ ଅଭିଳାଷ ଭୋଇ ଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା lପଣ୍ଡିତ ମଧୂସୁଦନ ସାହୁ ଯଜ୍ଞକାର୍ଯ୍ୟ ପରିଚାଳନା କରିଥିଲେ lଯଜ୍ଞରେ କର୍ତ୍ତା ଭାବେ ବରଗଡ ଜିଲ୍ଲା ପଦ୍ମପୁର ଅଞ୍ଚଳ ର ବିଶିଷ୍ଟ ଆଇନଜୀବୀ ଶ୍ରୀମାନ ପ୍ରଶାନ୍ତ ମାଝୀ ଏବଂ ତାଙ୍କ ଧର୍ମପତ୍ନୀ ଶ୍ରୀମତୀ ସଞ୍ଜୁକ୍ତା ମାଝୀ ଯୋଗଦାନ କରି ଯଜ୍ଞକାର୍ଯ୍ୟ ଟିକୁ ଆଗେଇ ନେଇଥିଲେ lସ୍ୱର୍ଗତ ସଂଗ୍ରାମୀ ମାନଙ୍କ ପ୍ରତି ଶ୍ରଦ୍ଧାଞ୍ଜଳୀ, ତୃଟି ପୂର୍ଣ୍ଣ ଇତିହାସ ର ସଂଶୋଧନ ଗନ୍ଧମାର୍ଦ୍ଦନ ପର୍ବତମାଳା ର ସୁରକ୍ଷା ପାଇଁ ଲୋକସଭା ଏବଂ ବିଧାନସଭା ରେ ଆଇନ ପ୍ରଣୟନ ଆଦି ଉପରେ ବିଶଦ ଭାବେ ଆଲୋଚନା ପର୍ଯ୍ୟାଲୋଚନା ହୋଇଥିଲା lଏହି ଗୁରୁତ୍ୱପୂର୍ଣ୍ଣ ଆଲୋଚନା ରେ ଭାଗନେଇ ସର୍ବଶ୍ରୀ:-ପାଲା ସାଗର ଭୋଇ, ନୀଳମାଧବ ପାଣିଗ୍ରାହୀ, ଦେବରାଜ ଭୁଏ, ମୀନକେତନ ସାହୁ, ସାଗର ମେହେର,ମଲଖାନ ସିଂ,ଜଶଲାଲ ବାବା, ସୁଶିଲ ନାୟକ ପ୍ରମୁଖ ଅଂଶ ଗ୍ରହଣ କରି  ତାଙ୍କ ନିଜସ୍ୱ ମତାମତ ପ୍ରଦାନ କରିଥିଲେ lଆଗାମୀ ଜାନୁୟାରୀ ଶେଷ ସପ୍ତାହରେ ଖପ୍ରାଖୋଲ ବ୍ଳକ ଠାରେ ଆନ୍ଦୋଳନ କାର୍ଯ୍ୟକ୍ରମ କରିବା ପାଇଁ ଆବାହକ ଅଭିଳାଷ ଭୋଇ ସୂଚନା ପ୍ରଦାନ କରିଛନ୍ତି l