31-Dec-2021

ରେଢାଖୋଲ ( ଅନିଲ କୁମାର ପୃଷ୍ଟି ) ତା୩୧।୧୨ ଓଡିଶା ସରକାରଙ୍କ ଦକ୍ଷତା ବିକାଶ ପ୍ରାଧିକରଣ ଓ  ସମ୍ବଲପୁର ଜିଲ୍ଲା ପ୍ରଶାସନର  ମିଳିତ ସହଯୋଗରେ ରେଢାଖୋଲ ସ୍ଥିତ ଭୀମ ଭୋଇ କଲେଜରେ ନିଯୁକ୍ତି ଓ ପରାମର୍ଶ ମେଳା ଅନୁଷ୍ଠିତ ହୋଇ ଯାଇଛି। ଉକ୍ତ ମେଳାକୁ ଅତିରିକ୍ତ ଜିଲ୍ଲାପାଳ(ଏଡିଏମ) ଉମାକାନ୍ତ ଦାଶ ମୁଖ୍ୟ ଅତିଥି ଭାବରେ ଯୋଗ ଦେଇ ଏହି ଜିଲ୍ଲା ସ୍ତରୀୟ ନିଯୁକ୍ତି ମେଳାର ଉଦଘାଟନ କରିଥିଲେ। ଅନ୍ୟ ମାନଙ୍କ ମଧ୍ୟରେ ରେଢାଖୋଲ ଉପଜିଲ୍ଲାପାଳ ପବିତ୍ର ବେହେରା, ବିଡ଼ିଓ ପରୀକ୍ଷିତ ସାହୁ, ନାକଟିଦେଉଳ ବିଡ଼ିଓ ନିଗମାନନ୍ଦ ସାହୁ, ଭୀମ ଭୋଇ କଲେଜର ଅଧ୍ୟକ୍ଷ ଦିଲିପ

କୁମାର ଦାସ ,ନିଯୁକ୍ତି ଅଧିକାରୀ ବିଦ୍ୟୁତ ସାହୁ, ଓରମାସ ଡେପୁଟି ସିଇଓ ଶ୍ରୀମନ୍ତ ହୋତା, ଆଞ୍ଚଳିକ ସହକାରୀ ନିର୍ଦ୍ଦେଶକ ଏମ୍ପ୍ଲମେଣ୍ଟ ଶଙ୍କର ଚରଣ ମୂର୍ମୁ ପ୍ରମୁଖ ଯୋଗ ଦେଇଥିଲେ। ଏହି ମେଳାରେ ମୋଟ ୫୦୩ ଜଣ ନାମ ପଞ୍ଜିକରଣ କରିଥିଲେ। ସେଥି ମଧ୍ୟରୁ ସିଧା ସଳଖ ଭାବରେ ୯୨ ଜଣଙ୍କୁ  ନିଯୁକ୍ତି ପାଇଁ ଯୋଗ୍ୟତା ଅର୍ଜନ କରିଥିବା ବେଳେ ୮୯ ଜଣଙ୍କୁ ପ୍ରଶିକ୍ଷଣ ଆଧାରରେ ନିଯୁକ୍ତି ପାଇବା ପାଇଁ ମନୋନୀତ ହୋଇଥିଲେ।