30-Dec-2021

ପଦ୍ମପୁର:-ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ମାଣ୍ଡୋସିଲ ଆଞ୍ଚଳିକ କୃଷକ ମହାସଂଘ ପକ୍ଷରୁ ଏକ ଜରୁରୀ ବୈଠକ ମହାସଂଘ ର ସଭାପତି ଶ୍ରୀମାନ ଗିରିଶ କୁମାର ଡନସନା ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି lପ୍ରକୃତି ର ନିଷ୍ଠୁର ପ୍ରହାର, ପ୍ରାକୃତିକ ବିପର୍ଯ୍ୟୟ ର ସମ୍ମୁଖୀନ ହୋଇ ଚିରମରୁଡ଼ି ପ୍ରପିଡିତ ଅଂଚଳ ଭାବେ ଇତିହାସ ପୃଷ୍ଠାରେ ଲିପିବଦ୍ଧ ହେବାକୁ ଯାଉଥିବା ପଦ୍ମପୁର ଅଞ୍ଚଳ ରେ ମରୁଡ଼ିର ପଦଧ୍ୱନୀ ସତ୍ୱେ ବର୍ଷାଭାବ ରେ ମଧ୍ୟ ଚାଷୀ ମୁଠାଏ ଧାନ ଅମଳ କରିପାରିଥିଲା ସତ କିନ୍ତୁ ଚାଷୀ ଙ୍କ ପ୍ରତି ଅକାଳ ଚଡକ ପଡିଲା ଭଳି ଏବେ ସୃଷ୍ଟି ହୋଇଛି lମଣ୍ଡିରେ ଦିର୍ଘଦିନ ଧରି ଖୋଲା ଆକାଶ ତଳେ ପଡ଼ିରହିଛି ଅମଳ କରିଥିବା ଧାନ ବସ୍ତା lସରକାରୀ ନିର୍ଦ୍ଧାରିତ ଦର ରେ ବିକ୍ରୟ କରି ବା ପାଇଁ ମଣ୍ଡି କୁ ନେଇଥିଲା ଧାନ ଚାଷୀ ହେଲେ ହଠାତ କରକା ମାଡ଼ ସହ ଅଦିନିଆ ପ୍ରବଳ ବର୍ଷା ହେବା ଦ୍ବାରା ଧାନ ସବୁ ସମ୍ପୁର୍ଣ୍ଣ ଓଦା,ଆଗକୁ ବର୍ଷା ଲାଗି ରହିବ ବୋଲି ଚାଷୀ ଏକ ପ୍ରକାର ସନ୍ଦେହଘେରରେ lଏ ନେଇ ଚାଷୀଙ୍କ ମନରେ ତିବ୍ର ପ୍ରତିକ୍ରିୟା ପ୍ରକାଶ ପାଇଥିଲା lଉପରୋକ୍ତ ବର୍ଷା ଯୋଗୁଁ ଧାନ ନଷ୍ଟ ହେବା ଏବଂ ଏହାର ଅନେକ କାରଣ କୁ ନେଇ ବୈଠକରେ ଆଲୋଚନା ଓ ପ୍ରଯ୍ୟାଲୋଚନା ହୋଇ ନିମ୍ନଲିଖିତ କେଇଗୋଟି ପ୍ରସ୍ତାବ ଉପନିତ କରାଯାଇଛି lସେ ଗୁଡିକ ହେଲା ୧-ଧାନମଣ୍ଡି ରେ ଟୋକନ ପାଇବାପରେ ଚାଷୀ ଉପର୍ଜିତ ଧାନ ମଣ୍ଡି ରେ ଜମା କରୁଛି ହେଲେ ଧାନ ର ସୁରକ୍ଷା ପାଇଁ ତାରପୋଲିନ ର ସୁବ୍ୟବସ୍ଥା କରାଯାଇନି l୨-ଧାନମଣ୍ଡିରେ ଟୋକନ୍ ପାଇଥିବା ଚାଷୀ ଧାନ ମଣ୍ଡି ରେ ଜମା କଲାପରେ ସରକାର ସମସ୍ତ ସୁରକ୍ଷା ଦାୟିତ୍ବ ନେବା କଥା,ଯଦି ମଣ୍ଡିରେ କ୍ଷୟକ୍ଷତି ହୁଏ ତେବେ ସରକାର ଦାୟିତ୍ଵ ହେଉଛି ଚାଷୀ ଙ୍କୁ ଭରଣା ଦେବା ଆବଶ୍ୟକ l୩-ଧାନ କିପରି ଶିଘ୍ର ଉଠିବା, ସରକାର ସେ ଦିଗରେ ଉଚିତ ପଦକ୍ଷେପ ନେବା ନିତାନ୍ତ ଆବଶ୍ୟକ ଅଟେ ୪-ମଣ୍ଡି ହୋଇଥିବା ସ୍ଥାନରେ ସରକାର ଗୋଦାମ ଗୃହ ଅତିଶିଘ୍ର ନିର୍ମାଣ କରିବା ଆବଶ୍ୟକ ଅଟେ lଏନେଇ ଆସନ୍ତା ତିନିଦିନ ମଧ୍ୟରେ ଚାଷୀ ମାନଙ୍କ ଦାବି ଗୁଡିକ ସରକାର ଗ୍ରହଣ ନକଲେ ଆସନ୍ତା ତା:-୦୩.୦୧.୨୦୨୨ରିଖ ନୂତନ ବର୍ଷ ର ନୂତନ ମାସ ସାଙ୍ଗକୁ ସୋମବାର ଦିନ ପଦ୍ମପୁର-ନୂଆପଡା ରାସ୍ତା (ବିଜୁ ଏକ୍ସପ୍ରେସ ଓ୍ୱେ)କୁ ବରତୁଣ୍ଡା ବଜାର ପ୍ରାଙ୍ଗଣ ଠାରେ ରାସ୍ତା ରୋକ କରାଯିବାନେଇ ବୈଠକ ରେ ନିଷ୍ପତ୍ତି ଗ୍ରହଣ କରାଯାଇଛି lତାହା ସହିତ ମାନ୍ୟବର ମୁଖ୍ୟମନ୍ତ୍ରୀ ଓଡିଶା ସରକାର ଭୁବନେଶ୍ବର, ଜିଲ୍ଲାପାଳ ବରଗଡ, ଉପଜିଲ୍ଲାପାଳ ପଦ୍ମପୁର, ତହସିଲଦାର ପାଇକମାଲ, ବିଡ଼ିଓ ପାଇକମାଲ, ଭାରପ୍ରାପ୍ତ ଥାନା ଅଧିକାରୀ ପାଇକମାଲ, ରାଜସ୍ୱ ନିରୀକ୍ଷକ ମାଣ୍ଡୋସିଲ,ଜାମସେଠ,ସିନ୍ଧେଇକେଲା,ଝିଟକୀ ଙ୍କୁ ଏ ବିଷୟ ରେ ଆଗତୁରା ଜଣାଇ ଦିଆଯାଇଛି l