28-Dec-2021

ବଲାଙ୍ଗୀର - ତୁଷୁରା ରେଜିଷ୍ଟ୍ରି ଅଫିସ ରେ ଚୌକିଦାର ଙ୍କ ଦୌରାତ୍ମ୍ୟ କୁ ନେଇ " ଚୌକିଦାର ସାଜିଛି ଠିକାଦାର " ଶୀର୍ଷକ ଥାଇ ଗଣମାଧ୍ୟମ ପୃଷ୍ଠା ମଣ୍ଡନ କରିଥିଲା । ସମ୍ବାଦ ପ୍ରକାଶିତ ହେଲା ପରେ ମଧ୍ୟ ଡି ଏସ ଆର,ଡି ଆର,ଜିଲ୍ଲାପାଳ କିମ୍ବା ତୁଷୁରା ତହସିଲଦାର ସମ୍ବାଦ କୁ ନେଇ ସକ୍ରିୟ ନ ଥିବା ପରିଲକ୍ଷିତ ହୁଏ । ଡି. କେ. ମିଶ୍ର ନାମକ ଜଣେ ଅସ୍ଥାୟୀ ରାତ୍ର ଜଗୁଆଳି ତୁଷୁରା ରେଜିଷ୍ଟ୍ରି ଅଫିସ ର ସର୍ବେ ସର୍ବା ହୋଇ ରେଜିଷ୍ଟ୍ରି କରିବା କୁ ଯାଇଥିବା ଜଣେ ଆଇନଜୀବୀ ଙ୍କୁ ଦୁର୍ବ୍ୟବହାର ଦେଖାଇଥିବା  ଡି ଏସ ଆର,ଡି ଆର, ଜିଲ୍ଲାପାଳ ଏବଂ ତୁଷୁରା ତହସିଲଦାର ଙ୍କ ଠାରେ ଲିଖିତ ଅଭିଯୋଗ କରିଥିଲେ । ଗତ ୨୦୨୦ ରୁ ଏଭଳି ଅପ୍ରୀତିକର ଘଟଣା ଘଟିଥିବା ତଥା ଅଭିଯୋଗ ହୋଇଥିଲେ ମଧ୍ୟ ଅସ୍ଥାୟୀ ଚୌକିଦାର କୁ ଡି ଏସ ଆର,ଡି ଆର,ଏବଂ ତହସିଲଦାର କେଉଁ ସ୍ବାର୍ଥ ରେ ଏକବର୍ଷ ବିତିଯାଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିବା ,ପଛରେ ଏକ ବଡ଼ ଧରଣର ଡିଲ ହୋଇଛି କି ବୋଲି ଚର୍ଚ୍ଚା ହେଉଛି । 5T ଅନୁଯାୟୀ ଦୁର୍ନୀତିଖୋର୍ ସରକାରୀ କର୍ମଚାରୀ ଙ୍କୁ ସରକାର ତାଙ୍କ କାର୍ଯ ରୁ ବିତାଡିତ କରୁଥିବା ବେଳେ କେଉଁ କାରଣରୁ ଅସ୍ଥାୟୀ ରାତ୍ର ଜଗୁଆଳି ଡି.କେ.ମିଶ୍ର ଙ୍କୁ ଜିଲ୍ଲା ପ୍ରଶାସନ ଘଣ୍ଟ ଘୋଡାଇ ରଖିଛନ୍ତି ଏକ ପ୍ରଶ୍ନବାଚୀ । ଉପରୋକ୍ତ ବିଷୟକୁ ନେଇ ତୁଷୁରା ତହସିଲଦାର ଙ୍କୁ ପଚାରିବାରୁ ପ୍ରତ୍ୟୁତ୍ତର୍ ରେ ଫାଇଲ ଏ ଡି ଏମ , ବଲାଙ୍ଗୀର ଙ୍କ ପାଖରେ ଥିବା କହିଥିଲେ । ଦେଖାଯାଉ କାର୍ଯ୍ୟାନୁଷ୍ଠାନ ପାଇଁ ଏ ଡି ଏମ ଙ୍କୁ ଆଉ କେତେ ବର୍ଷ ଲାଗିବ ଦେଖିବାକୁ ବାକି ରହିଲା ।