24-Dec-2021

କଣ୍ଟାବାଞ୍ଜି (ଆନନ୍ଦ ମୋଟେ) : ବଲାଙ୍ଗୀର ଜିଲ୍ଲାର କଣ୍ଟାବାଞ୍ଜି ରେଳ ଷ୍ଟେସନରେ ଦୀର୍ଘ ବର୍ଷରୁ ହଜାର ହଜାର ଦାଦନ ଚାଲାଣ ହେଉଥିବା ବେଳେ ଏହାକୁ ନେଇ ଟିକଟ ଦଲାଲ ମାନେ ଟିକଟକୁ କଳାବଜାରୀ କରି ନିଜେ ମାଲାମାଲ ହେବ ସହ ରେଲୱେ ଷ୍ଟେସନର କର୍ମଚାରୀ ମାନେ ଏଥିରେ ସମ୍ପୃକ୍ତ ଥିବା ନେଇ ଅନେକ ଦିନରୁ ଅଭିଯୋଗ ହୋଇ ଆସୁଥିଲା । ଏହାକୁ ଅଭିଯୋଗକୁ ଭିତ୍ତି କରି କଣ୍ଟାବାଞ୍ଜି ରେଳ ଷ୍ଟେସନରେ ଇଷ୍ଟକୋଷ୍ଟ ରେଲୱେର ଏକ ଭୁବନେଶ୍ୱରର ସ୍ୱତନ୍ତ୍ର  ୩ ଜଣିଆ  ଭିଜିଲାନ୍ସ ଟିମ ଚଢ଼ାଉ କରିଥିଲା ।
 ଇଷ୍ଟକୋଷ୍ଟ ରେଲୱେ ଭୁବନେଶ୍ୱର ମୁଖ୍ୟ ଶାଖାର ୩ ଜଣିଆ ସଦସ୍ୟ କଣ୍ଟାବାଞ୍ଜି ରେଳ ଷ୍ଟେସନ ପହଂଚି ବିଭିନ୍ନ କାଗଜପତ୍ର ଯାଞ୍ଚ କରିଥିଲେ । ରେଳ ଷ୍ଟେସନରେ ଥିବା ଟିକଟ

କାଉଣ୍ଟରରେ ଅନିୟମିତତା ହେଉଥିବା ଅଭିଯୋଗ ନେଇ ଯାଞ୍ଚ କରିଥିଲେ ଏହି ଭିଜିଲାନ୍ସ ଟିମ । ଷ୍ଟେଶନ ମ୍ୟାନେଜର କେ.ସି. ମୁଣ୍ଡାଙ୍କ କାର୍ଯ୍ୟଳୟ ରେ ବସି ବିଭିନ୍ନ କାଗଜପତ୍ର ଯାଞ୍ଚ କରିଥିଲେ । ତେବେ ଭିଜିଲାନ୍ସ ଟିମ କୌଣସି ପ୍ରତିକ୍ରିୟା ଦେବାକୁ ମନା କରିଥିବା ବେଳେ ଚଢ଼ାଉ କଥାକୁ ମାନିଛନ୍ତି । ଅନ୍ୟ ପକ୍ଷରେ ଏହି ଟିକଟ କାଉଣ୍ଟର ଯାଞ୍ଚ ସମୟରେ କାଉଣ୍ଟର ରେ ଯେତେ ଟଙ୍କାର ଟିକଟ ବିକ୍ରି ହୋଇଛି ତାଠାରୁ ଅଧିକ ଟଙ୍କା ଥିବା ଏକ ବିଶେଷ ସୂତ୍ରରୁ ଜଣାପଡିଛି ।