23-Dec-2021

ଖୋର୍ଦ୍ଧା: ବ୍ରଜକିଶୋର ଦକ୍ଷୀଣକବାଟ   ଙ୍କ ଆଜି ସକାଳ ଆଠଟା ସମୟରେ ଖୋର୍ଦ୍ଧା ମେଡିକାଲ ରେ ଦେହାନ୍ତ ଘଟିଛି। ସୁଚନା ମୁତାବକ ଦୀର୍ଘ ଦିନ ହେବ ସେ କ୍ୟାନ୍ସର ରୋଗରେ ପୀଡିତ ଥିବା କାରଣରୁ ଆଜି ତାଙ୍କର ମୃତ୍ୟୁ ଘଟିବା ପରେ ତାଙ୍କ ପାର୍ଥିବ ଶରୀରକୁ ଖୋର୍ଦ୍ଧା ଜିଲ୍ଲା ବେଗୁନିଆ ଠାରେ ଅନ୍ତିମ ସଂସ୍କାର କରାଯାଇଛି। ସେ ଖାଲି ଜଣେ ସଚ୍ଚୋଟ ପୋଲିସ ଅଧିକାରୀ ନଥିଲେ ବରଂ ସମାଜ ପାଇଁ ଜଣେ ପରୋପକାରୀ ବନ୍ଧୁ ମା ପାଇଁ ପୁଅ ଟିଏ , ଦୁଃଖୀ ପାଇଁ ସାଥୀ ଟିଏ ଥିଲେ ।ସେ ଯେଉଁ ଥାନା ଫାଣ୍ଡି କୁ ଯାଇଥାନ୍ତି ସେ ଅଞ୍ଚଳର ଲୋକମାନେ ତାଙ୍କୁ ଝୁରନ୍ତି।ସେ ତାଙ୍କ ଶେଷ କାର୍ଯ୍ୟ କୁ ଗତ ୧୨/୦୫/୨୦୧୮ ରୁ ୧୪/୦୬/୨୦୨୧ ପର୍ଯ୍ୟନ୍ତ ଜପକୁଦ ଫାଣ୍ଡି ଅଞ୍ଚଳରେ କଟାଇଥିଲେ ସ୍ଵାସ୍ଥ୍ୟ ଅବସ୍ଥା ଖରାପ ହେବାରୁ ତାଙ୍କୁ ସାଲେପୁର ଥାନା କୁ ବଦଳି କରାଯାଇଥିବା ବେଳେ ସେ ଛୁଟିରେ ରହି ଚିକିତ୍ସିତ ହେଉଥିବା ବେଳେ ଆଜି ତାଙ୍କର ମୃତ୍ୟୁ ଘଟିଛି।ସେ ଜଣେ କର୍ତ୍ତବ୍ୟ ବାନ୍ ସଚ୍ଚୋଟ ପୋଲିସ ଅଧିକାରୀ ଭାବରେ ଜପକୁଦ ଫାଣ୍ଡି ଅଞ୍ଚଳରେ ବେଶ ସୁନାମ ଅର୍ଜନ କରିଛନ୍ତି। ସେ ତାଙ୍କ ସଚ୍ଚୋଟ ପଣିଆ ପାଇଁ ବହୁ ଅନୁଷ୍ଠାନ ପକ୍ଷରୁ ପୁରସ୍କୃତ ହୋଇଥିବାବେଳେ କରୋନା ମହାମାରୀ ସମୟରେ ତାଙ୍କର ମହାନତା ପାଇଁ ଓଡ଼ିଶା ବ୍ରାହ୍ମଣ ସମିତି ଓ ରାଷ୍ଟ୍ରୀୟ ବ୍ରାହ୍ମଣ ମହାସସ୍ଥା ପକ୍ଷରୁ ତାଙ୍କୁ କୋଭିଡ୍ ୧୯ ଯୋଦ୍ଧା ଭାବେ ସମ୍ମାନୀତ କରାଯାଇଥିଲା। ତାଙ୍କର ମୃତ୍ୟୁ ଖବର ପାଇ ଓଡ଼ିଶା ବ୍ରାହ୍ମଣ ସମିତି ର ସଭାପତି ପ୍ରାଚାର୍ଯ୍ୟ ମନୋଜ ପାଣିଗ୍ରାହୀ, ଆଚାର୍ଯ୍ୟ ଅଶୋକ କୁମାର ମିଶ୍ର, ପଣ୍ଡିତ ସର୍ବଶ୍ରୀ ଅରୁପା ନନ୍ଦ କର,  ରାଜେନ୍ଦ୍ର ଦାଶ, ଦୀପକ କୁମାର ଷଡଙ୍ଗୀ, ଅମିୟ ରଞ୍ଜନ ଶତପଥୀ,  ନାରାୟଣ ତ୍ରୀପାଠୀ, କାଳୀଚରଣ ମିଶ୍ର ବ୍ୟାମୋକେଶ ଉପାଧ୍ୟାୟ, ମଦନମୋହନ ଦାଶ,ଶରତ ଚନ୍ଦ୍ର କର ପ୍ରମୁଖ ଗଭୀର ଶୋକ ପ୍ରକାଶ କରିଛନ୍ତି।