21-Dec-2021

ପଦ୍ମପୁର(ନିରଞ୍ଜନ ତ୍ରିପାଠୀ) :ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ସ୍ଥିତ ସଭାଗୃହ ଠାରେ ଗ୍ରାମପଞ୍ଚାୟତ ସ୍ତରୀୟ ଗାଁ କଲ୍ୟାଣ ସମିତି ଓ ବିଶ୍ବାସ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି lଗାଁ କଲ୍ୟାଣ ସମିତି ଏବଂ ସ୍ୱାସ୍ଥ୍ୟ ପରିମଳ ବିଷୟରେ ଉପସ୍ଥିତ ଆଶାକର୍ମୀ, ଅଙ୍ଗନୱାଡ଼ି କର୍ମୀ, ୱାର୍ଡ ମେମ୍ବର ତଥା ଗାଁ କଲ୍ୟାଣ ସମିତି ର ସଭ୍ୟ ସଭ୍ୟା ମାନଙ୍କୁ ନେଇ ଏହି ତାଲିମ

ଶିବିର ଆୟୋଜନ କରାଯାଇଥିଲା lଗାଁ କଲ୍ୟାଣ ସମିତି ର ଆବଶ୍ୟକତା,କାର୍ଯ୍ୟକାରିତା ଓ ଗାଁ ର ଉନ୍ନତିକରଣ ସହ ସ୍ୱାସ୍ଥ୍ୟ ଓ ପରିମଳ ଉପରେ ସ୍ୱାସ୍ଥ୍ୟ ପରିଦର୍ଶକ ଶ୍ରୀମାନ ସତ୍ୟ ଭୂଷଣ ସାହୁ ଆଲୋକପାତ କରିଥିଲେ lବୁକୁରାମୁଣ୍ଡା ଗ୍ରାମପଞ୍ଚାୟତ ମଧ୍ୟରେ ଯାଉଥିବା ବୁକୁରାମୁଣ୍ଡା ଗ୍ରାମ ସମେତ ଲହଙ୍ଗୀର,ପଲସାନୀ ର ଗାଁ କଲ୍ୟାଣ ସମିତି ର ସଭ୍ୟ ସଭ୍ୟା ମାନେ ଯୋଗ ଦେଇଥିବାବେଳେ,ଟେମରି ଗ୍ରାମପଞ୍ଚାୟତ ର ଟେମେରି,ଧାନ୍ଦୁପାଲି,ଖୁର୍ଷାପାଲି,ସୋଢା,ମହୁଲପାଲି ଗ୍ରାମ ର ସମସ୍ତ ସଭ୍ୟସଭ୍ୟା ଏହି ତାଲିମ ଶିବିର ରେ ଯୋଗଦେଇଥିଲେ l   ଏହି କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ବୁକୁରାମୁଣ୍ଡା

ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର ଡାକ୍ତର ସେବାବ୍ରତ ମେହେର, ମହିଳା ପରିଦର୍ଶିକା ମେରିୟମ କୁଲୁ,ବୁକୁରାମୁଣ୍ଡା ସ୍ୱାସ୍ଥ୍ୟ ଉପକେନ୍ଦ୍ର ର ମହିଳା ସ୍ବାସ୍ଥ୍ୟକର୍ମୀ କବିତାଞ୍ଜଳୀ ଦାସ,ଟେମରୀ ସ୍ୱାସ୍ଥ୍ୟ ଉପକେନ୍ଦ୍ର ର ମହିଳା ସ୍ବାସ୍ଥ୍ୟକର୍ମୀ ରଞ୍ଜିତା ଦାଶ ପ୍ରମୁଖ ଉପସ୍ଥିତ ଥିଲେ l