20-Dec-2021

 ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) :ଆଜି ବାଣିଜ୍ଯ ଓ ପରିବହନ ଏବଂ ଯୋଜନା ଓ ସଂଯୋଜନା  ବିଭାଗ ର ମାନ୍ୟବର ମନ୍ତ୍ରୀ ଶ୍ରୀଯୁକ୍ତ ପଦ୍ମନାଭ  ବେହେରା ଙ୍କ ଦ୍ଵାରା  ସୋନପୁର ବଲାଙ୍ଗୀର  ମୁଖ୍ୟରାସ୍ତା  ର ସାହାଜପିଟା ଠାରେ  ଏକ  ଅତ୍ୟାଧୁନିକ ସ୍ଵୟଂଚାଳିତ ଯାନ ପରୀକ୍ଷଣ କେନ୍ଦ୍ରର ଶୁଭ  ଉଦ୍ଘାଟନ  ହୋଇ ଯାଇଛି l ପରିବହନ ବିଭାଗ ତରଫରୁ ଆୟୋଜିତ ଏହି ଲୋକାର୍ପଣ  ସମାରୋହ ରେ ମୁଖ୍ୟ ଅତିଥି  ଭାବରେ  ମାନ୍ୟବର ମନ୍ତ୍ରୀ ଶ୍ରୀଯୁକ୍ତ  ବେହେରା, ମୁଖ୍ୟବକ୍ତା   ଭାବରେ ବିଭାଗୀୟ ସଚିବ  ଶ୍ରୀଯୁକ୍ତ ମଧୁସୂଦନ ପାଢୀ,   ସମ୍ମାନିତ ଅତିଥିଭାବେ ପରିବହନ ଆୟୁକ୍ତ ଶ୍ରୀଯୁକ୍ତ  ଅରୁଣ  ବୋଥ୍ରା , ଜିଲ୍ଲାପାଳ ଶ୍ରୀମତୀ  ଅବୋଲି ସୁନୀଲ ନରୱଣେ ,ଜିଲ୍ଲା ଆରକ୍ଷୀ ଅଧୀକ୍ଷକ  ଶ୍ରୀଯୁକ୍ତ ସୀତାରାମ ଶତପଥୀ,   ପରିବହନ ଉପ ଆୟୁକ୍ତ ଶ୍ରୀଯୁକ୍ତ  ଦୀପ୍ତି  ରଞ୍ଜନ ପାତ୍ର , ଆଂଚଳିକ ପରିବହନ ଅଧିକାରୀ  ଶ୍ରୀଯୁକ୍ତ  ରବିନ୍ ପଟ୍ଟନାୟକ ଯୋଗଦାନ  କରିଥିଲେ I  ଅତିଥି ମାନଙ୍କ ଦ୍ଵାରା ପ୍ରଦୀପ  ପ୍ରଜ୍ବଳନ ପରେ  ଜିଲ୍ଲାପାଳ ଶ୍ରୀମତୀ  ନରୱଣେ ପ୍ରାରମ୍ଭିକ  ଅଭିଭାଷଣରେ  ଏହି  ପରୀକ୍ଷଣ  କେନ୍ଦ୍ର ଉଦଘାଟନ ଦ୍ଵାରା  ଜିଲ୍ଲା ର  ଏକ  ବହୁ  ଦିନର  ସ୍ଵପ୍ନ ପୂରଣ  ହେଲା  ଏବଂ  ଏହାଦ୍ଵାରା  ଜିଲ୍ଲାରେ  ନିଶ୍ଚିତ  ଭାବରେ  ଦୁର୍ଘଟଣା  ହ୍ରାସ  ପାଇବ ବୋଲି ଆଶା ବ୍ୟକ୍ତ କରିଥିଲେ I କାର୍ଯ୍ୟକ୍ରମର ମୁଖ୍ୟ ବକ୍ତା  ଶ୍ରୀଯୁକ୍ତ  ପାଢୀ   ଏହି  ପ୍ରକଳ୍ପ ର  ସଫଳତା  ରେ  ନିଜର  ଖୁସି  ବ୍ୟକ୍ତ କରିଥିଲେ l  ଏହି  ଅବସରରେ  ସେ କହିଲେଯେ  ପ୍ରତ୍ୟେକ  ଗାଡ଼ି ଚାଳକ ଙ୍କର ଗାଡି  ଚାଳନା  ସମୟରେ  ସତର୍କ ଏବଂ ସାବଧାନ  ଅପରିହାର୍ଯ୍ୟ, ସେମାନେ  ନିଜେ  ଯତ୍ନବାନ  ହେବା  ସହ ପଥଚାରୀ ମାନେ  ମଧ୍ୟ  ସତର୍କ  ରହିଲେ ଦୁର୍ଘଟଣା  ଅନେକ  ମାତ୍ରାରେ  ହ୍ରାସ  ପାଇବ l ରାଜ୍ୟ ପରିବହନ  ଆୟୁକ୍ତ  ଶ୍ରୀଯୁକ୍ତ  ବୋଥ୍ରା କହିଲେ  ଯେ ଯେଉଁ  ଗାଡି  ଚାଳକ  ମାନେ  ଏହି  ଅତ୍ୟାଧୁନିକ ପରୀକ୍ଷଣ  କେନ୍ଦ୍ର ରୁ  ଉତ୍ତୀର୍ଣ୍ଣ ହୋଇ ପ୍ରମାଣ  ପତ୍ର  ପାଇବେ  ସେମାନେ  ନିଶ୍ଚିତ  ଭାବରେ  ଜଣେ ଜଣେ ଭଲ ଡ୍ରାଇଭର ହୋଇ  ପାରିବେ l  ଆଗାମୀ  ଦିନରେ   ଇଛୁକ  ପ୍ରାର୍ଥୀମାନଙ୍କୁ  ସ୍ପେଶିଆଲ ଡ୍ରାଇଭ  ମାଧ୍ୟମରେ ଏହି  ପରୀକ୍ଷା କେନ୍ଦ୍ରରୁ  ଉତ୍ତୀର୍ଣ୍ଣ  ହେବା ପାଇଁ ପଦକ୍ଷେପ  ନିଆଯିବ l   ସମସ୍ତ ଅତିଥି ମାନେ  ଏହି  ଅବସରରେ ନିଜ  ନିଜର  ଶୁଭେଚ୍ଛା  ବାର୍ତ୍ତା  ପ୍ରଦାନ  କରିଥିଲେ l ମାନ୍ୟବର  ପରିବହନ ମନ୍ତ୍ରୀ  ଶ୍ରୀଯୁକ୍ତ ପଦ୍ମନାଭ

ବେହେରା ତାଙ୍କ  ବକ୍ତବ୍ୟରେ କହିଲେ ଯେ ସମ୍ମିଳିତ  ପ୍ରଚେଷ୍ଟା ଓ ସହଯୋଗ ବଳରେ ଆମେ  ଜିଲ୍ଲାରେ  ଦୁର୍ଘଟଣା ରୋକି  ପାରିବା ଏବଂ  ଦୁର୍ଘଟଣା ଜନିତ ମୃତ୍ୟୁ  ହାରକୁ  ହ୍ରାସ  କରି  ପାରିବା I ଏହି ସ୍ଵୟଂ  ଚାଳିତ ଯାନଚାଳନା ପରିକ୍ଷଣ କେନ୍ଦ୍ର  ଦ୍ଵାରା କେବଳ  ଯୋଗ୍ୟ  ବ୍ୟକ୍ତିମାନେ  ହିଁ ଡ୍ରାଇଭିଂ  ଲାଇସେନ୍ସ  ପାଇପାରିବେ ବୋଲି ସଚେତନ କରି ଦେଇଥିଲେ l ଏହା  ସମଗ୍ର  ରାଜ୍ୟରେ  ପରିବହନ  କ୍ଷେତ୍ରରେ  ଏକ ଆଦର୍ଶ  ପ୍ରକଳ୍ପ ଭାବରେ  ଶୀଘ୍ର  କାର୍ଯ୍ୟକ୍ଷମ  ହୋଇ  ପାରିଛି ବୋଲି  କହିଥିଲେ l ଶେଷରେ  ଆଂଚଳିକ  ପରିବହନ ଅଧିକାରୀ  ରବିନ୍  ପଟ୍ଟନାୟକ  ଧନ୍ୟବାଦ  ଅର୍ପଣ କରିଥିଲେ l ଏହି  କାର୍ଯ୍ୟକ୍ରମକୁ ସ୍ଥାନୀୟ  କୋଶଳ ଉଚ୍ଚ ବିଦ୍ୟାଳୟ ର  ଛାତ୍ରଛାତ୍ରୀମାନେ ସୁନ୍ଦର  lଭାବରେ ସଂଯୋଜନା କରିଥିଲେ l ଏହି  ସଭାରେ ସମସ୍ତ ପରିବହନ ବିଭାଗୀୟ ଅଧିକାରୀ, ବିଭିନ୍ନ ଆରକ୍ଷୀ ଅଧିକାରୀ,ସାମ୍ବାଦିକ ତଥା ସ୍ବେଛାସେବୀ ପ୍ରମୁଖ ଅଂଶଗ୍ରହଣ  କରିଥିଲେ l