20-Dec-2021

ସିନ୍ଧେକେଲା,(ଅନୀଲ କୁମାର ତ୍ରିପାଠୀ) ବିଧାୟକ ସନ୍ତୋଷ ସିଂ ସଲୁଜା ନିଜ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଅନ୍ତର୍ଗତ ସିନ୍ଧେକେଲା ଜୋନ ଗସ୍ତ କରି ବିଭିନ୍ନ ପ୍ରକଳ୍ପ ର ଶୁଭ ଉଦଘାଟନ କରିଥିଲେ । ସର୍ବ ପ୍ରଥମେ ବିଧାୟକ ଝଲପ ପଞ୍ଚାୟତ ର ମମିଆଁ ଗ୍ରାମ ପହଞ୍ଚି ସେଠାରେ ୮ ଲକ୍ଷ ବ୍ୟୟରେ ନବ ନିର୍ମିତ ହୋଇଥିବା  ପ୍ରାଥମିକ ବିଦ୍ୟାଳୟ କୋଠରୀର

ଶୁଭ ଉଦଘାଟନ କରିଥିଲେ । ସେଠାରୁ ଝଲପ ପହଞ୍ଚି ସେଠାକାର ପଞ୍ଚାୟତ ରେ ୧୦ ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଥିବା ସୁବିଧା କେନ୍ଦ୍ର , ଝଲପ ରୁ ମମିଆଁ ରାସ୍ତା ମଝିରେ ୨୦ ଲକ୍ଷ ଟଙ୍କା ବ୍ୟୟରେ ଏକ ମିନି ବ୍ରିଜ ର ଉଦଘାଟନ କଲା ପରେ ସିନ୍ଧେକେଲା ପହଞ୍ଚିଥିଲେ । ସିନ୍ଧେକେଲା ପଞ୍ଚାୟତରେ ୧୦ ଲକ୍ଷ ଟଙ୍କା ବ୍ୟୟରେ ନବ ନିର୍ମିତ ସୁବିଧା କେନ୍ଦ୍ର , ବାଣୀଭଗାର ପୋଖରୀ ନିକଟରେ ବହୁ ପ୍ରତୀକ୍ଷିତ ୨୨ ଲକ୍ଷ ଟଙ୍କା ବ୍ୟୟରେ ନବ ନିର୍ମିତ ଏକ ଗ୍ରାମୀଣ ପାର୍କ ଯାହାକି ପ୍ରଥମ ଥର ପାଇଁ ଲୋକେ କିଛି ସମୟ ଅତିବାହିତ କରିବା ପାଇଁ ଏକ ଦିର୍ଘ ଦିନର ଆଶାପୁରଣ ହୋଇପାରିଛି (କାମ ଚାଳୁ ରହିଛି) ତାର ମଧ୍ଯ ଶୁଭ ଉଦଘାଟନ ହୋଇଯାଇଛି। ଓ ବଙ୍ଗୋମୁଣ୍ଡା-ସିନ୍ଧେକେଲା ମୁଖ୍ୟ ରାସ୍ତା ପାର୍ଶ୍ୱରେ ଦ୍ୱାରସେହ୍ନି ଦେବୀ ମନ୍ଦିରର ୩ ଲକ୍ଷ ଟଙ୍କା ବ୍ୟୟରେ ନବ ନିର୍ମିତ କଂକ୍ରିଟ କରଣ ସହ ପ୍ରବେଶ ଦ୍ୱାର ର ଫିତା କାଟି ଶୁଭ ଉଦଘାଟନ କରିଥିଲେ । ଏହି ଅବସରରେ ଦ୍ୱାରସେହ୍ନି ମନ୍ଦିର ପ୍ରାଙ୍ଗଣରେ

ଏକ ସଭାର ଆୟୋଜନ କରାଯାଇଥିଲା । ମୁଖ୍ୟ ଅତିଥି ଭାବରେ ବିଧାୟକ ସନ୍ତୋଷ ସିଂହ ସାଲୁଜା ମଞ୍ଚାସିନ ରହି ଏହି ଅଞ୍ଚଳରେ ନିର୍ବାଚନ ସମୟରେ ମୋ ସପକ୍ଷରେ ଜନମତ ନ ହୋଇଥିବା ସତ୍ତ୍ୱେ ମୁଁ ଏହି ଅଞ୍ଚଳ ପାଇଁ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ କରିଛି ଏବଂ ଆଗାମୀ ଦିନରେ ମଧ୍ୟ କରିବି ବୋଲି ମତବ୍ୟକ୍ତ କରିଥିଲେ । ସମ୍ମାନିତ ଅତିଥି ଭାବରେ ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷ ରଂଜୁବାଲା ବେହେରା , ଉପାଧ୍ୟକ୍ଷ ମାମରାଜ ଜୈନ , ବ୍ଲକ ସରପଞ୍ଚ ସଂଘ ସଭାପତି ଉପେନ୍ଦ୍ର ମେହେର , ଜିଲ୍ଲା ପରିଷଦ ସଦସ୍ୟା ଛନ୍ଦାରାଣୀ ନାଏକ , ସମାଜସେବୀ ଭୋଲାନାଥ ବେହେରା , ସମିତି ସଭ୍ୟ ଧନୁ ଥନାପତି , ଝରିଆଲ ସରପଞ୍ଚ ପ୍ରତିନିଧି ଗୋପୀନାଥ ସାହୁ , ଅରସାତୁଲା ସରପଞ୍ଚ ପ୍ରତିନିଧି ମୁରଲୀ ବେହେରା , ବଙ୍ଗୋମୁଣ୍ଡା ବ୍ଲକ କନିଷ୍ଠ ଯନ୍ତ୍ରୀ ନରେଶ ପ୍ରସାଦ ସିହ୍ନା  ପ୍ରମୁଖ ମଞ୍ଚାସିନ ରହି ଉଦବୋଧନ ଦେଇଥିଲେ । ସିନ୍ଧେକେଲା ପୂର୍ବତନ ଜିଲ୍ଲା ପରିଷଦ ସଦସ୍ୟ ସନ୍ତୋଷ ନାଏକ ମଞ୍ଚ ପରିଚାଳନା କରିବା ସହ ଏ ଅଞ୍ଚଳ ପ୍ରତି ବିଧାୟକ ଶ୍ରୀ ସାଲୁଜା ଙ୍କ ସଦାସର୍ବଦା ଆଶୀର୍ବାଦ ରହିଥିବାରୁ ତାଙ୍କୁ ମଧ୍ୟ ସେହିଭଳି ଭାବରେ ଆଗାମୀ ପଞ୍ଚାୟତ ନିର୍ବାଚନରେ ତାଙ୍କ ଦଳର ଜିଲ୍ଲା ପରିଷଦ ସଦସ୍ୟ ପ୍ରାର୍ଥୀ ଙ୍କୁ ଆଶୀର୍ବାଦ ପ୍ରଦାନ କରିବାକୁ ଅନୁରୋଧ କରିଥିଲେ । କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ଚାନ୍ଦୋତରା ର ବରିଷ୍ଠ କଂଗ୍ରେସ ନେତା ରୂପଧର ଯୁଗନିଆ , ନୀଳକଣ୍ଠ ତ୍ରିପାଠୀ , ଜାମଖୁଣ୍ଟା ପୂର୍ବତନ ସରପଞ୍ଚ ବିଘ୍ନରାଜ ନାଏକ , ଭୁସଲାଡ଼ ପୂର୍ବତନ ସରପଞ୍ଚ ଯୁବରାଜ ବେହେରା , ସମିତି ସଭ୍ୟ ପଙ୍କଜ ସାହୁ , ତପନ ଜୈନ , ଗଣପତ୍ ଜୈନ , ଓମ ସାହୁ , ଭୁଜ ପୁଟେଲ , ରାଜୀବ ସାହୁ , ପୂର୍ଣ୍ଣ ଦାସ , ଦିଲୀପ ପାଣ୍ଡିଆ , ନୟନ ବେହେରା , କନ୍ଦର୍ପ ସାହୁ ,ଖଳି ସାହୁ ଦେଢଗାଁ ସମିତି ସଭ୍ୟ ପିତାମ୍ବର ସାହୁ ପ୍ରମୁଖ ସହଯୋଗ କରିଥିଲେ । ଶେଷରେ ବିଧାୟକ ଶ୍ରୀ ସଲୁଜା ସିନ୍ଧେକେଲା ରୁ ଠେମରା ଗ୍ରାମ ଯାଇ ସେଠାରେ ମିଶନ ଶକ୍ତି ଗୃହ ଓ ଖେଳପଡ଼ିଆ ର ଶୁଭ ଉଦଘାଟନ କରିଥିଲେ ।