19-Dec-2021

ମୁରିବାହାଲ (ପ୍ରେରଣା ଖବର) ବଲାଙ୍ଗୀର ଜିଲ୍ଲାର ମୁରିବାହାଲ ବ୍ଲକ ଅଧିନସ୍ଥ ଗୁରଜିଭଟା ଗ୍ରାମ ରେ ପ୍ରଧାନମନ୍ତ୍ରୀ ଆବାସ ଯୋଜନା ଅନୁଯାୟୀ ଚାଲିଥିବା ନିର୍ମାଣ କାର୍ଯ୍ୟକୁ ସରକାରୀ ନିୟମର ଖିଲାପ କରି ଅନୀ ରତେଇ ନାମକ ଜଣେ ବ୍ୟକ୍ତି ଓ ତାଙ୍କ ଟ୍ରାକ୍ଟର ଡ୍ରାଇଭର ଅଞ୍ଚଳରେ ବାଲି ଯୋଗାଇ ଆସୁଛନ୍ତି । ହେଲେ ଉକ୍ତ ବ୍ୟକ୍ତି ବେଆଇନ ଭାବରେ ତାଙ୍କ ନିଜର ଟ୍ରାକ୍ଟର ଓ ଅନ୍ୟ କେତେକ ଟ୍ରାକ୍ଟର ଜରିଆରେ ସରକାରୀ ନିୟମ ମୁତାବକ ସରକାରୀ ଟେଣ୍ଡର ହୋଇଥିବା ସ୍ଥାନରୁ ବାଲି ଆଣିବା ବଦଳରେ ନିଜ ମନମୁଖୀ ଭାବେ ଅନ୍ୟ ନିକଟସ୍ଥ ଅଞ୍ଚଳରୁ ବାଲି ଅଣାଯାଉଛି । ଯଦ୍ୱାରା ସରକାରଙ୍କ ରାଜସ୍ୱ କ୍ଷତିହେବା  ସାର ହେଉଛି, ସରକାରୀ କାମରେ ନିୟୋଜିତ ଏପରି ବେଆଇନ କାର୍ଯ୍ୟ ନେଇ ଅସନ୍ତୋଷ ପ୍ରକାଶ ପାଇଛି । ବିଶେଷ ଦ୍ରଷ୍ଟବ୍ୟ ଯେ ଉକ୍ତ ବ୍ୟକ୍ତି ଅନି ରତେଇ ଓ ତାଙ୍କ ନିଜେ ତାଙ୍କର  ନମ୍ବର ବିହୀନ ଏକ ଚୋରା ଟ୍ରାକ୍ଟର  ଚଲାଇ ଆସୁଥିବା ଜଣାଯାଇଛି । ଗାଡି ର ଡ୍ରାଇଭରର ଲାଇସେନ୍ସ  ମଧ୍ଯ ନ ଥିବା ଓ ଗାଡିର ଜାଲ କିଛି କାଗଜ ପତ୍ର ରଖି ଦିର୍ଘ ବର୍ଷରୁ ଏହି ବେଆଇନ କାର୍ଯ୍ୟ ଚଳାଇଥିବା ଗ୍ରାମବାସୀ ଅଭିଯୋଗ କରିଛନ୍ତି । ସେହିପରି ଉକ୍ତ ଗାଡିକୁ ସେ ରାସ୍ତାରେ ଅବରୋଧ କରୀରଖିଥିବା ଓ ତାକୁ ଗ୍ରାମବାସୀ ତାହା ଉଠେଇ ରାସ୍ତା ଛାଡ଼ିବାକୁ କହିବାରୁ ତାଙ୍କୁ ଗାଳିଗୁଳଜ କରିବା ନେଇ ଉତେଜନା ପ୍ରକାଶ ପାଇଛି । ଏ ନେଇ ତୁରନ୍ତ ପ୍ରଶାସନ ଉପଯୁକ୍ତ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ।