18-Dec-2021

ନର୍ଲା (ସଞ୍ଜିବ ଦାସ) କଳାହାଣ୍ଡି ଜିଲ୍ଲା ନର୍ଲାବ୍ଲକ ଅଧିନ ନର୍ଲା ଶିଶୁ ମନ୍ଦିର ଛକ ନିକଟରେ  ସମୀର ଗନ୍ତାୟତଙ୍କ ଘରୁ ଚୋରି ହୋଇଥିବା ଜଣାପଡିଛି। ପ୍ରାପ୍ତ ସୂଚନା ଆଧାରରେ ଶ୍ରୀ ଗନ୍ତାୟତ ବିନାୟକ ନଗରରେ ଥିବା ନିଜ ଘରକୁ ତାଲା ପକାଇ ଚାରି ଦିନ ତଳେ ଦୁଇଝିଅ ଓ ପତ୍ନୀଙ୍କ ସହ କଟକ ଯାଇଥିଲେ। ଶନିବାର ଦିନ କଟକରୁ ଫେରିବା ପରେ ଦିନ ୧୧ଘଣ୍ଟା ସମୟରେ ଘରେ ପହଞ୍ଚିବା ପରେ ତାଙ୍କ ଘରର ୬ଟି ତାଲା ଭାଙ୍ଗି ଚୋରମାନେ ସବୁ ଲୁଟି ନେଇଥିବା ଦେଖିବାକୁ ପାଇଥିଲେ । ଚୋରମାନେ ଘରର ସମସ୍ତ ଆଲମିରା ଭାଙ୍ଗି ୨ ଭରି ସୁନା, ୧୨ ହଜାର ଟଙ୍କା ସହ ଘରର ଦରକାରୀ କାଗଜପତ୍ର ଚୋରି କରି ନେଇଥିବା ଜଣାପଡିଛି।ଏବାବଦରେ ଶ୍ରୀ ଗନ୍ତାୟତ ନର୍ଲା ଥାନାରେ ଅଭିଯୋଗ କରିଛନ୍ତି। କେଶ୍ ନମ୍ୱର ୨୫୯/୨୧ ଆଇପିସି ୪୫୭, ୩୮୦ ରେ ଏକ ମାମଲା ରୁଜୁ କରିବା ସହ ତଦନ୍ତକାରୀ ପୁଲିସ୍ ଅଫିସର ତଥା ନର୍ଲା ଥାନାଧିକାରୀ ରେଣୁକା ସୂନା ଏହି ମାମଲା ହାତକୁ ନେଇଛନ୍ତି । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ନୂଆପଡା ଜିଲ୍ଲାରୁ ସନ୍ଧାନୀ କୁକୁର ଓ ସାଇଣ୍ଟିକଫିକ ଟିମ୍ ଆସୁଥିବା ଜଣାପଡିଛି।