18-Dec-2021

ରେଢ଼ାଖୋଲ ( ଅନିଲ କୁମାର ପୃଷ୍ଟି) ସମ୍ବଲପୁର ଜିଲ୍ଲା ରେଢାଖୋଲ ଏନଏସି ସ୍ଥିତ ଭୀମ ଭୋଇ କଲ୍ୟାଣ ମଣ୍ଡପଠାରେ ସମଗ୍ର ଶିକ୍ଷା ସମ୍ବଲପୁର ତରଫରୁ ରେଢ଼ାଖୋଲ ଏବଂ ନାକଟିଦେଉଳ ବ୍ଲକର ଦିବ୍ୟାଙ୍ଗ  ଛାତ୍ରଛାତ୍ରୀ ମାନଙ୍କୁ ନେଇ ବିଭିନ୍ନ ସହାୟକ ଉପକରଣ ଯୋଗାଇ ଦେବାପାଇଁ ଏକ ନିର୍ଦ୍ଧାରଣ ଶିବିର ଅନୁଷ୍ଠିତ ହୋଇଯାଇଛି।  ଅରୁଣ କୁମାର ଦାସ ଅନ୍ତ ନିର୍ଦ୍ଦେଶୀ ଶିକ୍ଷା ସଂଯୋଜକ, ସମ୍ବଲପୁରଙ୍କ ତତ୍ବାବଧାନରେ ରେଢ଼ାଖୋଲ ଏବଂ ନାକଟିଦେଉଳ ବ୍ଲକର ମାନସିକ ଅନଗ୍ରସର, ଶ୍ରବଣ ବାଧିତ, ଦୃଷ୍ଟି ବାଧିତ ,ଚଳନ ଶକ୍ତି ଇହିତ ଏବଂ ମସ୍ତିଷ୍କ ପକ୍ଷ୍ୟାଘାତ ଆଦି ମୋଟ୍ ୨୫ ଜଣ ଦିବ୍ୟାଙ୍ଗ ଛାତ୍ରଛାତ୍ରୀ ଯୋଗଦେଇଥିଲେ।ଆଳିମକୋ ଭୂବନେଶ୍ବର ତରଫରୁ  ଅବିଳାଶ ପତି (Audiologist) ଏବଂ ଧନଞ୍ଜୟ ମହାରଣା,(Poe) ଯୋଗଦେଇ ସମସ୍ତ ଦିବ୍ୟାଙ୍ଗ ଛାତ୍ରଛାତ୍ରୀ ମାନଙ୍କୁ ପରୀକ୍ଷା କରାଇ MSIEDKIT, ଶ୍ରବଣ ଯନ୍ତ୍ର,ସିପି ଚେୟାର, Wheel chair, ଆଦି ଦେବାପାଇଁ ନିର୍ଦ୍ଧାରଣ କରିଥିଲେ । ଉକ୍ତ କାର୍ଯ୍ୟକ୍ରମରେ ଉଭୟ ବ୍ଲକର ବିଆରପି ପ୍ରମୋଦ କୁମାର ସେଠୀ , ଇଶ୍ଵର ଚନ୍ଦ୍ର ପ୍ରଧାନ, ସନ୍ତୋଷ କୁମାର ପ୍ରଧାନ ଏବଂ ଆଇଏଭି ମାନେ ସହଯୋଗ କରିଥିଲେ ।