18-Dec-2021

ପଦ୍ମପୁର(ନିରଞ୍ଜନ ତ୍ରିପାଠୀ) :- ୭୫ତମ ଆଜାଦି କା ଅମୃତ ମହୋତ୍ସବ ପାଳନ ଅବସରରେ ଓଡ଼ିଶା ଭାଷା, ସାହିତ୍ୟ ଓ ସଂସ୍କୃତି ବିଭାଗ, ଓଡ଼ିଶା ଆନୁକୂଲ୍ୟରେ ଓଡ଼ିଶା ସଙ୍ଗୀତ ନାଟକ ଏକାଡେମୀ,ଭୂବନେଶ୍ୱର ପକ୍ଷରୁ ବରଗଡ ଜିଲ୍ଲା ପ୍ରଶାସନ ଓ ଜିଲ୍ଲା ସଂସ୍କୃତି ପରିଷଦର ମିଳିତ ସହଯୋଗରେ ରାଜ୍ୟସ୍ତରୀୟ ଶୀତ ମହୋତ୍ସବ ଆସନ୍ତା ତା-୨୦.୧୨.୨୦୨୧ରିଖ ଏବଂ ତା-୨୧.୧୨.୨୦୨୧ରିଖ ଦୁଇଦିନ ଧରି ପ୍ରତ୍ୟେକ ସନ୍ଧ୍ୟା ଘ ୬.୩୦ ମିନିଟ୍ ରେ ପଦ୍ମପୁର ରିକ୍ରିଏସନ୍ ସେଣ୍ଟର ଠାରେ ଅନୁଷ୍ଠିତ ହେବାକୁ ଯାଉଛି ଏ  କ୍ରମରେ ଏହି କାର୍ଯ୍ୟକ୍ରମକୁ ଗ୍ରାମ୍ୟ ଉନ୍ନୟନ,ଶ୍ରମ ଓ କର୍ମଚାରୀ ରାଜ୍ୟ ବୀମା ବିଭାଗ ଓଡ଼ିଶା ସରକାରଙ୍କ ଦାୟିତ୍ୱରେ ଥିବା ମାନ୍ୟବର ମନ୍ତ୍ରୀ ସୁଶାନ୍ତ ସିଂ ଉଦଘାଟନ କରିବାର କାର୍ଯ୍ୟକ୍ରମ ରହିଛି l  ମୁଖ୍ୟ ଅତିଥି ଭାବେ ପର୍ଯ୍ୟଟନ, ଓଡ଼ିଆ ଭାଷା, ସାହିତ୍ୟ ଏବଂ ସଂସ୍କୃତି ବିଭାଗର  ମନ୍ତ୍ରୀ  ଜ୍ୟୋତି ପ୍ରକାଶ ପାଣିଗ୍ରାହୀ, ସମ୍ମାନିତ ଅତିଥି ଭାବେ ନିର୍ଦ୍ଦେଶକ ଓ ଅତିରିକ୍ତ ଶାସନ ସଚିବ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଓଡ଼ିଶା ସରକାରଙ୍କ ଦାୟିତ୍ଵରେ ଥିବା  ରଞ୍ଜନ କୁମାର ଦାସ (ଭା.ପ୍ର.ସେ) ଯୋଗଦାନ କରିବାର କାର୍ଯ୍ୟକ୍ରମ ରହି ଥିବାବେଳେ,ତା-୨୧.୧୨.୨୦୨୧ରିଖ ଦିବସ ର ସୁନେଲି ସଂଧ୍ୟାରେ ଉତ୍ତରାଞ୍ଚଳ ରାଜସ୍ୱ ଆୟୁକ୍ତ ସମ୍ବଲପୁର ଡ.ସୁରେଶ ଚନ୍ଦ୍ର ଦଲାଇ(ଭା.ପ୍ର.ସେ), ବିଶିଷ୍ଟ ଅତିଥି ଭାବେ ବିଶିଷ୍ଟ ଲୋକ କବି ପଦ୍ମଶ୍ରୀ ହଳଧର ନାଗ, ବିଶିଷ୍ଟ ଲୋକ ସଂଗୀତ ଶିଳ୍ପୀ ପଦ୍ମଶ୍ରୀ ଜିତେନ୍ଦ୍ରିୟ ହରିପାଲ ଯୋଗଦାନ କରିବାର କାର୍ଯ୍ୟକ୍ରମ ରହିଛି ବୋଲି ଓଡ଼ିଶା ସଂଗୀତ ନାଟକ ଏକାଡେ଼ମୀ, ଭୁବନେଶ୍ୱର ର ସଚିବ ପ୍ରମୋଦ ରଥଙ୍କ ଠାରୁ ପ୍ରକାଶ l ଏହି ସୁନ୍ଦର କାରୁକାର୍ଯ୍ୟର ଶୁଭ ସଂଧ୍ୟା ମାନଙ୍କରେ ତା-୨୦.୧୨.୨୦୨୧ରିଖ ଦିନ ଓଡ଼ିଶା ନୃତ୍ୟ ପରିବେଷଣ କରିବେ ଅନୁଗୁଳର ଶ୍ରୀମତୀ ସ୍ୱପ୍ନାରାଣୀ ସିହ୍ନା ଓ ସାଥି, ବାଦ୍ୟ ବିଚିତ୍ରା ପରିବେଷଣ କରିବେ ରାଜଧାନୀ ଭୁବନେଶ୍ବରର ଅଗ୍ନୀମିତ୍ର ବେହେରା ଓ ସାଥି, ଲୋକନୃତ୍ୟ ପରିବେଷଣ ପରିବେଷଣ କରିବେ ପଦ୍ମପୁରର  ଲୋକପ୍ରିୟ କଳାକାର ଶ୍ରୀମାନ ରମେଶ ଗୁର୍ଲା ଓ ତାଙ୍କ ସାଥି,ସୁଗମ ସଂଗୀତ ଗାୟନ

କରିବେକରିବେ ଭୁବନେଶ୍ୱରର ଶ୍ରୀମତୀ ଜୟଶ୍ରୀ ଧଳ ଓ ତାଙ୍କ ସାଥି l  ଠିକ ସେମିତି ତା-୨୧.୧୨.୨୦୨୧ ଦିବସ ର ସାଂଧ୍ୟ ରଜନୀରେ ଲୋକ ସଂଗୀତ ପରିବେଷଣ କରିବେ ପଦ୍ମଶ୍ରୀ ଜିତେନ୍ଦ୍ରିୟ ହରିପାଲ ଏବଂ ତାଙ୍କ ସାଥି, ଲୋକନୃତ୍ୟ ପରିବେଷଣ କରିବାକୁ ସୁଦୂର ରାୟଗଡ଼ାରୁ ଆସିବେ   ଶ୍ରୀମାନ ଜେ. ଶୁକାନ୍ତ ଓ ସାଥି, ଗୋଟିପୁଅ ନୃତ୍ୟ ପରିବେଷଣ କରିବେ ଭୁବନେଶ୍ୱରର ଚିତ୍ରସେନ ସ୍ବାଇଁ ଏବଂ ତାଙ୍କ ସାଥି,  ମୟୁର ଆର୍ଟ ସେଣ୍ଟର  ଭୁବନେଶ୍ୱର ତାଙ୍କ ଛଉନୃତ୍ୟ ପରିବେଷଣ କରି କଳାକାର ମାନେ ତାଙ୍କ ପାରିଦର୍ଶିତା ଦେଖାଇ ଜନସାଧାରଣଙ୍କ ମନ ଜିଣିବାକୁ ପ୍ରୟାସ ଜାରି ରଖିବେ ବୋଲି ଜଣାପଡିଛି l